Simbu Maanaadu Teaser: రూ.125 కోట్ల భారీ బడ్జెట్‌తో ‘మానాడు’.. శింబుకి రవితేజ సపోర్ట్ – maanaadu telugu teaser will be revealed by mass maharaja ravi teja

0
30


ప్రధానాంశాలు:

  • వెంకట్ ప్రభు దర్శకత్వంలో రూపొందుతోన్న ‘మానాడు’
  • శింబు సరసన కళ్యాణి ప్రియదర్శన్
  • ‘మానాడు’ తెలుగు టీజర్ రిలీజ్ చేస్తున్న రవితేజ

తమిళ హీరో శింబుకు తెలుగులోనూ మంచి గుర్తింపు ఉంది. ప్రముఖ దర్శకుడు టి.రాజేందర్ కుమారుడైన శింబు.. ‘కుర్రోడొచ్చాడు’ సినిమాతో తెలుగు ప్రేక్షకులకు పరిచయమయ్యారు. అయితే ‘మన్మథ’, ‘వల్లభ’ సినిమాలతో శింబుకు తెలుగులో మంచి గుర్తింపు వచ్చింది. ఆ తరవాత శింబు హీరోగా తమిళంలో రూపొందించిన చాలా సినిమాలను తెలుగులోకి అనువదించారు. కానీ, అవేమీ మెప్పించలేదు. 2018లో మణితర్నం ‘నవాబ్’ సినిమాలో వైవిధ్యమైన పాత్రను పోషించిన మెప్పించారు శింబు. అయితే, తెలుగులో మళ్లీ తన పూర్వ వైభవాన్ని పొందడానికి శింబు మళ్లీ కంకణం కట్టుకున్నారు.

శింబు హీరోగా రూపొందిన తమిళ చిత్రం ‘ఈశ్వరన్’ తెలుగులో ‘ఈశ్వరుడు’ పేరిట అనువాదమైంది. తమిళంలో సంక్రాంతి కానుకగా విడుదలైన ఈ సినిమా తెలుగులో మాత్రం విడుదల కాలేదు. ఎప్పుడు వస్తుందో ఇంకా తెలీదు. అయితే, మరో సినిమాతో తెలుగు ప్రేక్షకుల ముందుకు వచ్చేందకు శింబు సిద్ధమవుతున్నారు. ఆ సినిమా పేరు ‘మానాడు’. తమిళంలో ఈ సినిమాపై భారీ అంచనాలున్నాయి.

ప్రభాస్ ‘ఆదిపురుష్’ సెట్స్‌లో భారీ అగ్ని ప్రమాదం
వెంకట్ ప్రభు దర్శకత్వంలో రూపొందుతోన్న ఈ చిత్రంలో కళ్యాణి ప్రియదర్శన్ హీరోయిన్. వి హౌస్ ప్రొడక్షన్స్ పతాకంపై ప్రముఖ నిర్మాత సురేష్ కామాచి రూ. 125 కోట్ల భారీ బడ్జెట్‌తో హిందీ, తమిళ్, తెలుగు, కన్నడ, మలయాళ భాషల్లో నిర్మిస్తున్నారు. ఈ బహుభాషా చిత్రం తెలుగు టీజర్‌ను మాస్ మహరాజా రవితేజ విడుదల చేయనున్నారు. రేపు (ఫిబ్రవరి 3న) మధ్యాహ్నం 2:34 నిమిషాలకు రవితేజ ‘మానాడు’ టీజర్‌ను రిలీజ్ చేస్తారు. పొలిటికల్ థ్రిల్లర్‌గా రూపొందుతున్న ఈ చిత్రంలో శింబు ముస్లింగా నటిస్తుండటం గమనార్హం. ప్రముఖ దర్శకులు భారతీరాజా, ఎస్.ఏ.చంద్రశేఖర్, ఎస్.జె.సూర్య, కరుణాకరన్ ఈ చిత్రంలో నటిస్తుండడం విశేషం.

LEAVE A REPLY

Please enter your comment!
Please enter your name here