ప్రధానాంశాలు:
- సిల్క్ స్మిత బయోపిక్‌లో నటిస్తోన్న శ్రీరెడ్డి
- తమిళం, తెలుగు భాషల్లో రూపొందనున్న చిత్రం
- ఫేస్‌బుక్ వీడియో ద్వారా విషయాన్ని వెల్లడించిన నటి
‘‘ఈరోజు మీకొక శుభవార్త చెప్పబోతున్నాను. ఇది నాకు కూడా శుభవార్తే. ఇది నాకొక గొప్ప అవకాశం. గడిచిన నాలుగైదు రోజులుగా నేను సోషల్ మీడియాలో కొన్ని పోస్టులు పెట్టాను. ఒక శుభవార్త చెప్పబోతున్నానని తెలియజేశాను. దాన్ని ఈ రోజు రివీల్ చేస్తున్నాను. అదేంటంటే.. నేను బయోపిక్ చేయబోతున్నాను. దిగ్గజ నటి, గ్లామరస్ యాక్ట్రెస్, సో హాట్.. ఆమె గురించి చెప్పడానికి ఒక్క పదం సరిపోదు, ఆమె ఎవరో కాదు సిల్క్ స్మిత మేడమ్ బయోపిక్. ఈ సినిమాకు మధు గారు దర్శకత్వం వహిస్తున్నారు. ఈ సినిమాను తెలుగు, తమిళ భాషల్లో ద్విభాషా చిత్రంగా రూపొందిస్తున్నాం. మిగిలిన వివరాలు తరవాత వీడియోలు వెల్లడిస్తాను. మీ ఆశీర్వాదాలు నాపై ఉండాలని కోరుకుంటున్నాను’’ అని శ్రీరెడ్డి తన వీడియోలో పేర్కొన్నారు.
అంతేకాదు, ఇదే వీడియోలో దర్శకుడు మధును కూడా పరిచయం చేశారు. తన ఉద్యమం తరవాత తాను ప్రకటించిన తొలి ద్విభాషా చిత్రం ఇదేనని శ్రీరెడ్డి చెప్పారు. శ్రీరెడ్డి ఇప్పటికే కొన్ని తెలుగు, తమిళ చిత్రాల్లో నటించారు. తెలుగులో ఆ మధ్య ‘క్లైమాక్స్’ అనే సినిమాలో శ్రీరెడ్డి కనిపించింది. తరవాత మళ్లీ మరో సినిమాలో నటించిన దాఖలాలు లేవు. ఇప్పుడు ఏకంగా ప్రధాన పాత్రలో అది కూడా సిల్క్ స్మిత బయోపిక్‌లో నటిస్తోంది.
శ్రీరెడ్డి వీడియో కోసం క్లిక్ చేయండి
