sholavaram murder: లైంగిక దాడికి ప్రయత్నించిన మృగాడు.. యువతి తెగువకు పోలీసులే షాకయ్యారు! – woman who stabbed cousin to death for attempted rape set free by police in tamil nadu

0
25


కామాంధుడిని ధీటుగా ఎదుర్కొన్న ఓ యువతి.. అతడి బారి నుంచి తనను తాను రక్షించుకునే క్రమంలో హంతకురాలిగా మారాల్సి వచ్చింది. నిరంతరం వేధింపులకు గురిచేస్తున్న మృగాడు తనపై పంజా విసరడానికి ప్రయత్నించడంతో అతడి బారి నుంచి తప్పించుకుని పారిపోయింది.. అయినా అతడు వదలకుండా వెంబడించడంతో చివరకు తిరగబడి అతడిని కత్తితో పొడిచింది. అనంతరం పోలీసులకు తెలియజేసి తానే నేరం చేసినట్టు ఒప్పుకుంది. తమిళనాడులో వారం రోజుల కిందట చోటుచేసుకున్న ఈ ఘటన ప్రస్తుతం సోషల్ మీడియాలో వైరల్ అవుతోంది. ఆ యువతి తెగువను, ధైర్యాన్ని నెటిజన్లు మెచ్చకుంటున్నారు.

తిరువల్లువార్ జిల్లా ఎస్పీ అరవిందన్ తెలిపిన వివరాల ప్రకారం.. తిరువల్లూర్‌ జిల్లా శోలవరం ప్రాంతం అల్లిమేడుకు చెందిన ఓ యువతి(19)ని అదే గ్రామంలో ఉండే ఆమె బంధువు అజిత్ కుమార్ (25) గత కొన్నిరోజులుగా వేధింపులకు గురిచేస్తున్నాడు. పానీపాటు లేకుండా జులాయిగా తిరుగుతూ, మద్యానికి బానిసైన అతడికి వివాహం జరిగింది. అతడి వేధింపులను తట్టుకోలేక భార్య తన ఇద్దరి పిల్లలను తీసుకుని ఆరు నెలల కిందట పుట్టింటికి వెళ్లిపోయింది. దీంతో బాధితురాలిపై కన్నేసిన కామాంధుడు ఆమె వేధింపులకు గురిచేశాడు.

ఈ క్రమంలో ఆదివారం సాయంత్రం ఆమె కాలకృత్యాలు తీర్చుకోడానికి ఆరు బయటకు వెళ్లగా, కామాంధుడు అనుసరించాడు. ఈ విషయాన్ని యువతి గమనించకపోవడంతో మృగాడు లైంగిక దాడికి ప్రయత్నించాడు. కత్తితో ఆమెను బెదిరించి లొంగదీసుకునే ప్రయత్నం చేశాడు. దీనిని బాధితురాలు ప్రతిఘటించడంతో ఇద్దరి మధ్య పెనుగులాట జరిగింది. అప్పటికే మద్యం మత్తులో ఉండటంతో ఆ యువకుడు వెంట తెచ్చుకున్న కత్తి కిందపడగా, వెంటనే దానిని తీసుకుని యువతి దాడిచేసింది. అతడి మెడ, ముఖంపై దాడి చేయడంతో అజిత్ మృతి చెందాడు. అనంతరం పోలీసులకు ఫోన్‌ చేసి సమాచారం ఇచ్చింది.

ఈ విషయం గురించి శోలవరం పోలీస్ అధికారి నాగలింగం మాట్లాడుతూ.. ‘అక్కడ ఏం జరిగిందో ఆమె కళ్లకుగట్టినట్లుగా వివరించింది. తను ఎందుకు అలా చేసిందో స్పష్టంగా చెప్పింది.. యువతి చాలా ధైర్యవంతురాలు.. నిజాయితీపరురాలు కూడా.. వాంగ్మూలం ఇచ్చేటపుడు ఏమాత్రం భయపడలేదు. నిజానికి ఆమె ఫోన్‌ చేయగానే మా పోలీసులు ఆశ్చర్యపోయారు’ అన్నారు.

మృతుడు ప్రవర్తనతో విసుగెత్తిన యువతి కుటుంబ సభ్యులు గతంలోనే అతడిని హెచ్చరించారు. అయినా తన తీరు మార్చుకోలేదు. యువతిపై సెక్షన్‌ 100, క్లాజ్ 3 కింద కేసు నమోదు చేశామని, ఆత్మరక్షణ కోసం జరిగిన హత్య కాబట్టి ఆమెకు కొన్ని మినహాయింపులు లభిస్తాయి’ అని పేర్కొన్నారు. ఆమెను అరెస్ట్ చేయలేదని తెలిపారు.

LEAVE A REPLY

Please enter your comment!
Please enter your name here