Shashi Tharoor: దేశద్రోహం కేసు.. శశిథరూర్ సహా ఆరుగురు జర్నలిస్ట్‌లకు సుప్రీంలో ఊరట – congress mp shashi tharoor, 6 journalists won’t be arrested for now: supreme court

0
27


ప్రధానాంశాలు:

  • దేశద్రోహం కేసులో కాంగ్రెస్ ఎంపీ సహా జర్నలిస్ట్‌లకు ఊరట.
  • అరెస్ట్‌లపై మధ్యంతర ఉత్తర్వులను జారీచేసిన సుప్రీంకోర్టు.
  • రెండు వారాల తర్వాత విచారణ చేపడతామని స్పష్టం.

గణతంత్ర దినోత్సవం రోజున ఎర్రకోట హింసపై తప్పుడు సమాచారాన్ని పోస్టు చేశారని, దేశ సామరస్యాన్ని దెబ్బతీసేలా వ్యాఖ్యలు చేశారని కాంగ్రెస్ ఎంపీ, సీనియర్ నేత శశిథరూర్ సహా మరో ఆరుగురు జర్నలిస్ట్‌లపై దేశద్రోహం కేసులు నమోదయిన విషయం తెలిసిందే. సుప్రీంకోర్టులో శశిథరూర్ సహ సీనియర్ జర్నలిస్ట్‌లకు మంగళవారం ఊరట లభించింది. వారి అరెస్ట్‌‌పై స్టే విధించిన చీఫ్ జస్టిస్ ఎస్ఏ బాబ్డేల త్రిసభ్య ధర్మాసనం.. రెండు వారాల తర్వాత ఈ కేసును విచారణకు స్వీకరిస్తామని స్పష్టం చేసింది.

ఉత్తర్‌ ప్రదేశ్, మధ్యప్రదేశ్ పోలీసులు తమపై దాఖలు చేసిన ఎఫ్ఐఆర్‌ను సవాల్ చేస్తూ ఎంపీ, జర్నలిస్ట్‌లు సుప్రీంకోర్టును ఆశ్రయించారు. ఢిల్లీ పోలీసుల తరఫున సొలిసిటర్ జనరల్ తుషార్ మెహతా వాదనలు వినిపిస్తూ.. నిందితులకు ఎటువంటి ఊరట కలిగించవద్దని, రేపటికి వాయిదా వేయాలని కోరారు. శశిథరూర్, జర్నలిస్ట్‌ల తరఫున సీనియర్ లాయర్ కపిల్ సిబల్ హాజరయ్యారు. సుప్రీంకోర్టు ఈ కేసును విచారణకు స్వీకరించే వరకు ఎటువంటి బలవంతపు చర్యలు తీసుకోరాదని అభ్యర్ధించారు.

దీనిపై స్పందించిన ధర్మాసనం ‘మేము నోటీసులు జారీ చేశాం.. ఎటువంటి చర్యలు తీసుకోరు’ వ్యాఖ్యానించింది. చీఫ్ జస్టిస్ ఎస్ఏ బాబ్డే, జస్టిస్ ఏఎస్ బొపన్నా, జస్టిర్ వీ రామసుబ్రమణియన్‌ ధర్మాసనం ఈ మేరకు స్పష్టం చేసింది. కాగా, నిందితులు చేసిన ట్వీట్లు గణతంత్ర దినోత్సవం సందర్భంగా భయంకరమైన ప్రభావాలను చూపించాయని సొలిసిటర్ జనరల్ వాదించారు. అయితే, వీటిని కపిల్ సిబాల్ ఖండిస్తూ.. ఏది ముప్పో న్యాయస్థానం విచారించి చర్యలు తీసుకుంటుందని అన్నారు.

కాగా, తప్పుడు సమాచారాన్ని పోస్టు చేశారని, దేశ సామరస్యాన్ని దెబ్బతీసేలా వ్యాఖ్యలు చేశారని పేర్కొంటూ ఆరుగురిపై ఎఫ్ఐఆర్ నమోదు చేశారు. నోయిడాలో ఒకటి, మధ్యప్రదేశ్‌లోని భోపాల్, హోషంగాబాద్, ముల్తాయ్, బేతుల్‌లో నాలుగు ఎఫ్ఐఆర్‌లను పోలీసులు నమోదు చేశారు. ప్రముఖ జర్నలిస్ట్ రాజ్‌దీప్ సర్దేశాయ్‌తో పాటు మృణాల్ పాండే, వినోద్ జోష్, జాఫర్ ఆఘా, పరేశ్ నాథ్, అనంత్ నాథ్‌ల పేర్లను ఎఫ్ఐఆర్‌లలో చేర్చారు. ఢిల్లీ పోలీసులు రైతును కాల్చి చంపడం వల్లే రైతులు ఎర్రకోటను ముట్టడించారని పేర్కొంటూ శశిథరూర్ తప్పుడు సమాచారం వ్యాప్తి చేశారని నోయిడాకు చెందిన ఓ వ్యక్తి పోలీసులకు ఫిర్యాదు చేశారు.

LEAVE A REPLY

Please enter your comment!
Please enter your name here