Scott Morrison: ఫేస్‌బుక్ చర్యలపై మోదీ, ఆస్ట్రేలియా ప్రధాని మధ్య ఆసక్తిక చర్చ! – australian pm morrison says discussed with india pm modi on facebook news ban

0
25


ప్రధానాంశాలు:

  • ముదురుతున్న ఆస్ట్రేలియా, ఫేస్‌బుక్ వివాదం.
  • న్యూస్ షేరింగ్‌ను నిలిపివేసిన సోషల్ మీడియా దిగ్గజం.
  • తీవ్ర ఆగ్రహం వ్యక్తం చేసిన ఆస్ట్రేలియా ప్రధాని.

స్వదేశీ మీడియా సంస్థలకు లబ్ది చేకూరే బిల్లును ఆస్ట్రేలియా ప్రభుత్వం తీసుకురావడంపై ఫేస్‌బుక్, గూగుల్ సంస్థలు తీవ్ర అభ్యంతరం వ్యక్తం చేస్తున్నాయి. ఫేస్‌బుక్ ఓ అడుగు ముందుకేసి తమ వేదిక ద్వారా ఆస్ట్రేలియా మీడియా కథనాలను షేర్ చేయడాన్ని బుధవారం అర్ధరాత్రి నుంచి నిలిపివేసింది. దీంతో ఆస్ట్రేలియా ప్రభుత్వం, ఫేస్‌బుక్ మధ్య వివాదం తారాస్థాయికి చేరుకుంది. తాజాగా, ఈ అంశంపై ఫేస్‌బుక్ చీఫ్ మార్క్ జుకర్‌బర్గ్, ఆస్ట్రేలియా ప్రభుత్వం మధ్య శుక్రవారం చర్చలు జరిగాయి.

అయితే, తాము ఎటువంటి బెదిరింపులకు లొంగబోమని ఆస్ట్రేలియా ప్రధాని స్కాట్ మోరిసన్ ఈ సందర్భంగా కుండబద్దలుకొట్టారు. ఫేస్‌బుక్ సీఈఓ చర్చల్లో పాల్గొన్నారని, వారంతంలోనూ ఇవి కొనసాగుతాయని ఆ సంస్థ ట్రెజరర్ జోష్ ఫ్రైడెన్‌బర్గ్ పేర్కొన్నారు. మిగతా అంశాలపై కూడా చర్చించామని, వెంటనే వాటిని పరిష్కరిస్తామని హామీ ఇచ్చారని ఫ్రైడెన్‌బర్గ్ ట్విట్టర్‌లో తెలిపారు. అయితే, అటు ఆస్ట్రేలియా ప్రధాని ప్రకటన దీనికి భిన్నంగా ఉంది.

ప్రధాని మోరిసన్ మీడియాతో మాట్లాడుతూ.. ఫేస్‌బుక్ నిషేధం ముప్పుగా ఏర్పడిందని అన్నారు. ఇలా చేయడం సరైంది కాదని, తక్షణమే యథాతథ స్థితిని నెలకొల్పాలని సూచించారు. ఆస్ట్రేలియాలోని మీడియా సంస్థల కంటెంట్‌ను షేర్ చేస్తే ఫేస్‌బుక్, గూగుల్‌ కొత్త మొత్తాన్ని చెల్లించేలా కొత్త చట్టం తీసుకొచ్చే ప్రయత్నాలు చేస్తోంది. దీనిపై ఆస్ట్రేలియా సెనేట్‌లో సోమవారం చర్చ జరగనుందని ప్రధాని తెలిపారు. తర్వాత ప్రపంచ దేశాధి నేతల అభిప్రాయలను తెలుసుకుని తదుపరి చర్యలు తీసుకుంటామని అన్నారు.

గురువారం భారత ప్రధాని నరేంద్ర మోదీతో జరిగిన ఫోన్ సంభాషణలో ఈ అంశాన్ని ప్రస్తావించామని మోరిసన్ పేర్కొన్నారు. దీనిపై చాలా ఆసక్తి ఉందని, ఆస్ట్రేలియా ఏం చేస్తుందోనని ప్రపంచ ఆత్రుతగా ఎదురుచూస్తోందని అన్నారు. ఇక, తన చర్యలను ఫేస్‌బుక్ సమర్ధించుకుంది. వార్తలను పోస్ట్ చేయడం నిలిపివేయడంతో ఆస్ట్రేలియా న్యూస్ వెబ్‌సైట్స్ ట్రాఫిక్ దారుణంగా పడిపోయింది. స్వదేశం, విదేశంలో 20 శాతానికిపైగా ట్రాఫిక్ తగ్గినట్టు డేటా ఎనలిటిక్స్ కంపెనీ ఛార్ట్‌బీట్ తెలిపింది.

గూగుల్ సెర్చ్ ట్రాఫిక్‌లో పెరుగుదల కనిపించకపోవడంతో ఫేస్‌బుక్ నిషేధించినా యూజర్లు ఇంకా వదిలి వెళ్లడం లేదని డేటా సూచించింది. న్యూస్ పోస్ట్‌లను నిలిపివేయడంతో ఆస్ట్రేలియాలోని పలు ప్రభుత్వ అత్యవసర విభాగాలపై తీవ్ర ప్రభావం పడింది. దీంతో సోషల్ మీడియా దిగ్గజం చర్యలపై విమర్శలు వెల్లువెత్తుతున్నాయి.

LEAVE A REPLY

Please enter your comment!
Please enter your name here