SC on AP Local Polls: పంచాయతీ ఎన్నికలపై ఒడిశా పిటిషన్.. ఏపీకి సుప్రీంకోర్టు నోటీసులు – supreme court issues notice to ap for odisha petition on panchayat elections

0
25


ప్రధానాంశాలు:

  • ఏఓబీలోని గ్రామాల్లో ఏపీ పంచాయతీ ఎన్నికలు.
  • సుప్రీంకోర్టులో ఒడిశా కోర్టు ధిక్కారణ పిటిషన్.
  • వారంలోగా సమాధానం ఇవ్వాలని ఏపీకి నోటీసులు.

ఆంధ్రప్రదేశ్ ప్రభుత్వం తమ భూభాగంలోని మూడు గ్రామ పంచాయతీల పేర్లను మార్చి ఎన్నికలను నిర్వహిస్తోందని ఆరోపిస్తూ సుప్రీంకోర్టులో ఒడిశా కోర్టు ధిక్కారణ పిటిషన్ దాఖలు చేసిన విషయం తెలిసిందే. ఈ పిటిషన్‌పై సుప్రీంకోర్టు శుక్రవారం విచారణ జరిపింది. ఆంధ్రప్రదేశ్ తరఫున న్యాయవాదికి పిటిషన్ కాపీ ఆందజేయాలని ఈ సందర్భంగా కోర్టు సూచించింది. దీనిపై వచ్చేవారం సమాధానం ఇవ్వాలని ఏపీ ప్రభుత్వాన్ని ఆదేశించింది.

అలాగే, శనివారం జరిగే రెండో విడత ఎన్నికలపై ఎటువంటి ఆదేశాలు ఇవ్వడం లేదని పేర్కొంది. ఈ మేరకు జస్టిస్ ఎంఎం ఖన్విల్కార్ ధర్మాసనం నిర్ణయం తీసుకుంది. అనంతరం తదుపరి విచారణను వచ్చే శుక్రవారానికి వాయిదా వేసింది.
తమ భూభాగంలోని మూడు పంచాయతీలను పేరు మార్చి ఎన్నికలు నిర్వహిస్తున్నారని ఒడిశా ప్రభుత్వం ఆరోపిస్తూ బుధవారం కోర్టు ధిక్కరణ కేసును వేసింది.

సుప్రీంకోర్టు ఆదేశాలకు విరుద్ధంగా ఆంధ్రప్రదేశ్ ప్రభుత్వం తమ భూభాగంలోని గ్రామాల్లో ఎన్నికల నిర్వహిస్తోందని పేర్కొంది. ఆంధ్రా-ఒడిశా సరిహద్దుల్లోని కోరాపుట్ జిల్లాకు చెందిన గంజాయ్‌పదర్‌ను గంజాయ్‌భధ్రగా, పట్టుసెనరీని పట్టుచెన్నూరుగా, ఫగలుసెనరీని పగులుచినేరుగా మార్చిందని తెలిపింది. గతంలో తాము ఈ మూడు పంచాయతీల్లో ఎన్నికలు నిర్వహించామని, దీనికి ఆధారాలు కూడా ఉన్నాయని పేర్కొంది.

మూడు పంచాయతీలను ఏకగ్రీవం చేశారని, పగులు చెన్నూరుగా పిలిచే ఫగలుసెనరీలో మాత్రం ఎన్నిక జరిగిందని పిటిషన్‌లో వివరించింది. ఈ విషయంలో ఆంధ్రప్రదేశ్ ఎన్నికల కమిషనర్, సీఎస్‌ల నుంచి సంజాయిషీ కోరాలని విజ్ఞ‌ప్తి చేసింది. కోర్టు ధిక్కారణ కింద చర్యలు తీసుకోవాలని సుప్రీంకోర్టును కోరింది. ఒడిశా భూభాగంలో ఉన్న కోటియాలోని 3 గ్రామాల్లో పంచాయతీ ఎన్నికలు నిర్వహించాలని ఆంధ్రప్రదేశ్ రాష్ట్ర ఎన్నికల సంఘం నోటిఫికేషన్‌ను సవాలు చేస్తూ సుప్రీంకోర్టులో రిట్ పిటిషన్ దాఖలు చేశారు.

LEAVE A REPLY

Please enter your comment!
Please enter your name here