saudi activist: అంతర్జాతీయ మహిళాా హక్కుల కార్యకర్తకు జైలు శిక్ష.. సౌదీ, అమెరికా మధ్య కొత్త వివాదం! – saudi women activist loujain al- hathloul jailed for nearly six years

0
35


ప్రముఖ మహిళా హక్కుల కార్యకర్త లౌజైన్ అల్-హత్లౌల్‌ (31) కు సౌదీ కోర్టు ఆరేళ్ల జైలు శిక్ష విధించింది. లౌజైన్ అరెస్ట్‌పై అంతర్జాతీయ సమాజం తీవ్రంగా ఖండించిన తర్వాత కూడా ఈ తీర్పు వెలువడటం గమనార్హం. రియాద్‌లో మానవ హక్కుల ఉల్లంఘనపై అమెరికా అధ్యక్షుడిగా ఎన్నికైన జో బిడెన్‌ విమర్శలు గుప్పించిన నేపథ్యంలో.. ఈ తీర్పు అమెరికా, సౌదీ సంబంధాలకు కొత్త సవాల్‌గా మారే అవకాశం ఉంది. 2018లో హత్లౌల్ పట్టుబడిన తర్వాత పలువురు మహిళా హక్కుల కార్యకర్తలను అదుపులోకి తీసుకున్నారని, ఈ తీర్పుపై పైకోర్టులో అప్పీల్ చేస్తామని ఆమె సోదరి తెలిపారు.

సౌదీ రాజకీయ వ్యవస్థలో మార్పు, జాతీయ భద్రతకు విఘాతం కలిగిస్తున్నారనే ఆరోపణలను హత్లౌల్ ఎదుర్కొంటున్నారు. ఆమెపై తీవ్రవాద వ్యతిరేక చట్టం కింద కేసు నమోదయినట్టు సౌదీ మీడియా వెల్లడించింది. ఈ కేసులో దోషిగా నిర్దారించిన కోర్టు.. ఆమెకు 68 నెలలు జైలు శిక్ష ఖరారు చేసింది. హత్లౌల్ దాదాపు 34 నెలలుగా జైల్లో ఉండటంతో అందులో నుంచి ఈ కాలాన్ని కోర్టు మినహయించిందని ఆమె సోదరి పేర్కొన్నారు. షరతులపై విడుదలకు అంగీకారం తెలిపిందన్నారు. అందువల్ల ఆమెను 2021 మార్చిలో విడుదల చేసే అవకాశం ఉందని, ఒకవేళ ఏదైనా నేరానికి పాల్పడితే తిరిగి జైలు పంపే అవకాశం ఉందని మీడియా తెలిపింది.

హత్లౌల్ ప్రయాణాలపై కూడా న్యాయస్థానం ఐదేళ్ల పాటు నిషేధం విధించింది. ‘నా సోదరి తీవ్రవాది కాదు.. ఆమె హక్కుల కార్యకర్త… ఎంబీఎస్, సౌదీ చాలా గర్వంగా చెప్పుకునే సంస్కరణల కోసం ఆమె క్రియాశీలతకు శిక్ష విధించడం అంతిమంగా వంచన’ అవుతుందని హత్లౌల్ సోదరి లినా వ్యాఖ్యానించారు. హత్లౌల్‌కు శిక్ష ఖరారుపై నివేదికల ద్వారా తెలిసిందని అమెరికా విదేశాంగ శాఖ అధికార ప్రతినిధి కాలే బ్రౌన్ అన్నారు.

‘మహిళల హక్కులను అభివృద్ధి చేస్తున్నందున సౌదీ అరేబియాలో స్వేచ్ఛా వ్యక్తీకరణ, శాంతియుత క్రియాశీలత ప్రాముఖ్యతను మేము నొక్కిచెప్పాం.. 2021 ఆరంభంలో ఆమె విడుదల కోసం మేము ఎదురుచూస్తున్నాం’ అని ట్విట్టర్‌లో పేర్కొన్నారు. రియాద్‌కు సంబంధించి మానవ హక్కుల సమస్యలను పరిష్కరించాలని బిడెన్ యంత్రాంగం యోచిస్తోంది అని కొత్త అధ్యక్షుడు నియమించిన జాతీయ భద్రతా సలహాదారు జకే సుల్లీవన్ అన్నారు.

సార్వత్రిక హక్కులను వినియోగించుకున్నందుకు హత్లౌల్‌కు శిక్ష ఖరారు చేయడం అన్యాయం, ఇబ్బందికరం అని సుల్లివన్ ఒక ట్వీట్‌లో పేర్కొన్నారు. మేము చెప్పినట్లుగా బైడెన్-హారిస్ యంత్రాంగం మానవ హక్కుల ఉల్లంఘనలకు వ్యతిరేకంగా నిలబడుతుంది అని అన్నారు.

LEAVE A REPLY

Please enter your comment!
Please enter your name here