Satyadev: సత్యదేవ్ కొడుకు ఫస్ట్ బర్త్‌డే.. ఏంటీ, అన్నకు పెళ్లయి పిల్లోడు ఉన్నాడా? – satyadev shares adorable family picture on his son birthday

0
17


ప్రధానాంశాలు:

  • ప్రతిభావంతుడైన నటుడిగా గుర్తింపు తెచ్చుకున్న సత్యదేవ్
  • సాఫ్ట్‌వేర్ ఉద్యోగం వదిలిపెట్టి సినీ నటుడిగా ఎదిగిన సత్య
  • ఈ ఏడాది వరుస సినిమాలతో అలరించనున్న హీరో

తెలుగు సినీ పరిశ్రమలోని ప్రతిభావంతులైన నటుల్లో సత్యదేవ్ ఒకరు. ఇండస్ట్రీలోకి అడుగుపెట్టిన చాలా ఏళ్లకు ఆయనకు సెలబ్రిటీ స్టేటస్ దక్కింది. 2011లో వచ్చిన ‘మిస్టర్ ఫర్ఫెక్ట్’ సినిమాతో ఇండస్ట్రీకి పరిచయమైన సత్యదేవ్.. 2015లో విడుదలైన ‘జ్యోతిలక్ష్మి’ సినిమాతో గుర్తింపు తెచ్చుకున్నారు. ఇక అక్కడి నుంచి హీరోగా, క్యారెక్టర్ ఆర్టిస్టుగా నటిస్తూ సత్తా చాటుతున్నారు. ‘బ్లఫ్ మాస్టర్’, ‘ఉమామహేశ్వర ఉగ్రరూపస్య’ లాంటి సినిమాలతో ఫ్యాన్ ఫాలోయింగ్‌ను కూడా సంపాదించుకున్నారు. ప్రస్తుతం ఆయన కెరీర్ చాలా సాఫీగా సాగుతోంది.

‘ఆదిపురుష్’ అప్‌డేట్: ప్రభాస్‌కు తల్లిగా అలనాటి అందాల తార!
ఇదిలా ఉంటే, సత్యదేవ్ సోషల్ మీడియా ద్వారా కూడా అభిమానులతో టచ్‌లో ఉంటున్నారు. ఇన్‌స్టాగ్రామ్ ద్వారా తన ఫొటోలను పంచుకుంటూ ఉంటారు. అయితే, ఎప్పుడూ తన సినిమాలోని ఫొటోలు.. ఫొటోషూట్లను ఇన్‌స్టాగ్రామ్‌లో పోస్ట్ చేసే సత్యదేవ్.. తొలిసారి తన ఫ్యామిలీ ఫొటోను షేర్ చేశారు. భార్య దీపిక, కుమారుడు సావర్ణిక్‌తో కలిసి తీసుకున్న ఫొటోను ఇన్‌స్టాగ్రామ్‌లో పోస్ట్ చేశారు సత్యదేవ్. దీనికి ఒక సందర్భం కూడా ఉంది. సత్యదేవ్ కుమారుడు సావర్ణిక్ సోమవారం రెండో ఏట అడుగుపెట్టాడు.

బాలీవుడ్‌లో విషాదం.. రిషి కపూర్ సోదరుడు రాజీవ్ కపూర్ కన్నుమూత
తన కొడుకు ఫస్ట్ బర్త్‌డే సందర్భంగా ఫ్యామిలీ ఫొటోను షేర్ చేసిన సత్యదేవ్.. ‘‘సావర్ణిక్ ఈరోజుతో ఏడాది పూర్తిచేసుకున్నాడు. ఇడుగో మా జూనియర్. వాడిపై ఎప్పుడూ మీ ప్రేమ, ఆశీస్సులు ఉండాలి’’ అని పేర్కొన్నారు. ఈ ఫొటోలో సత్యదేవ్, ఆయన భార్య, కుమారుడు తెలుపు రంగు దుస్తుల్లో మెరిసిపోతున్నారు. కుమారుడిని ఒళ్లో కూర్చోబెట్టుకుని ఫొటోకు పోజిచ్చారు సత్యదేవ్. ఆయన పక్కనే భార్య దీపిక కూర్చున్నారు.

కాగా, సత్యదేవ్ తన ఫ్యామిలీ ఫొటోను షేర్ చేయడంతో చాలా మంది ఆశ్చర్యానికి గురవుతున్నారు. సత్యదేవ్‌కు పెళ్లయిన విషయమే చాలా మందికి తెలిసినట్టు లేదు. ‘ఏంటి, అన్నకు పెళ్లయి పిల్లోడు కూడా ఉన్నాడా?’ అని కామెంట్లు పెడుతున్నారు. ఇక కొంత మంది స్వీట్ ఫ్యామిలీ అని, ఫొటో చాలా బాగుందని కొనియాడుతున్నారు. సావర్ణిక్‌కు పుట్టినరోజు శుభాకాంక్షలు తెలిపారు. కామెంట్లు చేసినవారిలో నటుడు ప్రియదర్శి, నిర్మాత మహేష్ కోనేరు కూడా ఉన్నారు.

Satyadev Family Photo

సత్యదేవ్ ఇన్‌స్టాగ్రామ్ పోస్ట్‌లో కామెంట్లు

ఇక సత్యదేవ్ సినిమాల విషయానికి వస్తే.. నెట్‌ఫ్లిక్స్ ఒరిజినల్ ‘పిట్ట కథలు’లో సత్యదేవ్ నటించారు. నాగ్ అశ్విన్, నందిని రెడ్డి, తరుణ్ భాస్కర్, సంకల్ప్ రెడ్డి దర్శకత్వం వహించిన ఈ ఆంథాలజీ డ్రామా ఈనెల 19 నుంచి నెట్‌ఫ్లిక్స్‌లో స్ట్రీమింగ్ కానుంది. ఇది నెట్‌ఫ్లిక్స్ తొలి తెలుగు ఒరిజినల్. మరోవైపు, ‘గుర్తుందా శీతాకాలం’ అనే రొమాంటిక్ డ్రామాలో సత్యదేవ్ హీరోగా నటిస్తున్నారు. ఆయన సరసన తమన్న హీరోయిన్‌గా చేస్తున్నారు. నాగశేఖర్ దర్శకత్వం వహిస్తున్నారు. అలాగే, లీగల్ క్రైమ్ థ్రిల్లర్ ‘తిమ్మరుసు’లోనూ సత్యదేవ్ హీరోగా చేస్తున్నారు. శరణ్ దర్శకత్వం వహిస్తున్నారు. మొత్తం మీద ఈ ఏడాది వరుస సినిమాలతో సత్యదేవ్ అలరించనున్నారు.

LEAVE A REPLY

Please enter your comment!
Please enter your name here