sarpanch post auction: వేలంలో కోట్లు పలికిన సర్పంచ్ పోస్ట్.. ప్రారంభ పాటే కోట్లలో.. వీడియో వైరల్! – village sarpanch post auctioned, man bidding for the post for rs 2.01 crore in maharashtra

0
25


ఎంపీ, ఎమ్మెల్యే పదవుల కోసమే కాదు, గ్రామ సర్పంచ్ పోస్ట్ కోసం కూడా జనం రూ.కోట్లు ఖర్చుచేయడానికి సిద్ధపడుతున్నారు. మహారాష్ట్రలో దీనికి ఉదాహరణగా నిలిచిన ఓ ఘటన చోటుచేసుకుంది. నాసిక్‌ జిల్లాలోని దేవ్లాలీ తాలూకాలోని ఉమ్రానే అనే గ్రామంలో సర్పంచ్ పదవికి వేలం వేశారు. గ్రామస్థులు అనధికారికంగా నిర్వహించిన ఈ వేలంలో విశ్వాస్‌ రావ్‌ దేవరా అనే వ్యక్తి రూ.2.05 కోట్లకు సర్పంచ్ పదవిని దక్కించుకున్నారు. వేలం ప్రారంభం ధర రూ.1.11 కోటితో మొదలై ఆద్యంతం ఉత్కంఠభరితంగా కొనసాగింది.

ఈ వేలంలో అధిక మొత్తాన్ని వెచ్చించిన రావ్ దేవరాను ఎన్నికల ప్రక్రియ లేకుండానే సర్పంచ్‌గా ప్రజలు ఏకగ్రీవంగా ఎన్నుకోనున్నారు. అయితే, వేలం ద్వారా వచ్చిన సొమ్ముతో తమ గ్రామంలో రామేశ్వర స్వామి ఆలయాన్ని నిర్మిస్తామని తెలిపారు. కాగా, మహారాష్ట్రలోని 34 జిల్లాల్లో 14,234 గ్రామపంచాయతీలకు వచ్చేనెల 15న ఎన్నికలు జరగనున్నాయి. కొన్ని గ్రామాల్లో సర్పంచ్‌ పదవుల కోసం బేరసారాలు జరుగుతుండడం ఎన్నికల ప్రక్రియ అపహాస్యమవుతోంది. దీనిపై ప్రజాస్వామ్యవాదులు మండిపడుతున్నారు.

ఉమ్రాన్ గ్రామంలో వేలం నిర్వహించడంపై సామాజిక కార్యకర్త, రచయిత జయదేవ్ డోలే మాట్లాడుతూ.. గ్రామ పంచాయతీ ప్రత్యేక నిర్ణయం ప్రజాస్వామ్యంలో తప్పడగుని అన్నారు. ‘మేము ప్రజాస్వామ్యంలో నివసిస్తున్నాం.. ఎన్నికైన ప్రతినిధులను ఎన్నుకోవాలి.. వేలం వేయకూడదు. అవి వేలానికి సరుకు కాదు. ఇది పగటిపూట ప్రజాస్వామ్యాన్ని హత్య చేయడం తప్ప మరొకటి కాదు.. ఈ ధోరణి అనుసరిస్తే ఎవరైనా ఈ ప్రక్రియ ద్వారా ఎమ్మెల్యే, ఎంపీ లేదా ప్రధాని కావచ్చు’ అని మండిపడ్డారు.

ఇదిలా ఉండగా.. వేలానికి సంబంధించిన వీడియోను ఓ వ్యక్తి సోషల్ మీడియాలో పోస్ట్ చేయడంతో వైరల్ అయ్యింది. ఈ విషయం ఉన్నతాధికారుల దృష్టికి వెళ్లింది. ఈ ఘటనపై నివేదిక సమర్పించాలని నాసిక్ జిల్లా కలెక్టర్ సూరజ్ మంధారే స్థానిక అధికారులను ఆదేశించారు. ‘వీడియో ద్వారా విషయం తెలిసింది… దీనిపై వాస్తవాలను తెలుసుకోవాలనుకుంటున్నాం.. చట్టబద్ధంగా, సర్పంచ్ పదవిని వేలం వేయడం వంటిది ఏమీ లేదు ఎందుకంటే ఈ ప్రయోజనం కోసం ఎన్నికలు జరుగుతాయి. సబ్ డివిజనల్ ఆఫీసర్ (ఎస్‌డీఓ) నుంచి వివరణాత్మక నివేదిక కోసం ఎదురుచూస్తున్నాం’ అన్నారు.

LEAVE A REPLY

Please enter your comment!
Please enter your name here