Sandhya Raju: సత్యం రామలింగరాజు కోడలే ‘నాట్యం’ హీరోయిన్.. ఆమె బ్యాక్‌గ్రౌండ్‌‌కి మరింత హైప్ ఇచ్చిన బాద్‌షా – natyam actress kuchipudi dancer sandhya raju, daughter-in-law of satyam ramalinga raju

0
40


ప్రధానాంశాలు:

  • రామ్‌కో గ్రూప్ చైర్మన్ కుమార్తె ఈ సంధ్యా రాజు
  • సత్యం రామలింగరాజు కుమారుడిని పెళ్లాడిన సంధ్య
  • కూచిపూడి డాన్సర్ నుంచి కాస్ట్యూమ్ డిజైనర్‌గా, నటిగా!

సంధ్యా రాజు.. తెలుగు రాష్ట్రాల్లో చాలా తక్కువ మందికి తెలిసిన పేరు. తెలిసిన వారికి ఆమె ఒక మంచి కూచిపూడి నృత్యకారిణి. తెలియని వారికి ‘నాట్యం’ సినిమా ద్వారా పరిచయమవుతోన్న హీరోయిన్. కానీ, ఈ కూచిపూడి నృత్యకారిణి బ్యాక్‌గ్రౌండ్ గురించి తెలిస్తే మీరు ఆశ్చర్యానికి గురికాక మానరు. ఆమె ఒక గొప్పింటి కూతురు.. మరో ప్రముఖ వ్యక్తికి కోడలు. సంధ్యా రాజు హీరోయిన్‌గా పరిచయం అవుతోన్న ‘నాట్యం’ సినిమా టీజర్‌ను యంగ్ టైగర్ ఎన్టీఆర్ విడుదల చేయడంతో అసలు ఈమె ఎవరు అనే ప్రశ్న చాలా మందిలో తలెత్తే ఉంటుంది. అలాంటి వారి కోసం సంధ్యా రాజు గురించి కొన్ని ఆసక్తికర విషయాలు..

ప్రముఖ వ్యాపారవేత్త, బిలియనీర్, రామ్‌కో గ్రూప్ చైర్మన్ పి.ఆర్. వెంకట్రామ రాజా కుమార్తె ఈ సంధ్యా రాజు. అలాగే, సత్యం కంప్యూటర్స్ వ్యవస్థాపకుడు రామలింగరాజు చిన్న కోడలు. అయితే, సంధ్యా రాజు కూచిపూడి డాన్సర్‌గానే చాలా మందికి తెలుసు. ఎందుకంటే, ఈ కూచిపూడి ద్వారానే ఆమె తనకంటూ ప్రత్యేక గుర్తింపును సంపాదించుకున్నారు. ఆమె నర్తించిన ‘కృష్ణ శబ్దం’ అనే వీడియోకు యూట్యూబ్‌లో 1 మిలియన్ వ్యూస్ వచ్చాయి. ఒక కూచిపూడి నర్తకి వీడియోకి ఈ స్థాయిలో వ్యూస్ రావడం దేశంలోనే ప్రప్రథమం.

కూచిపూడి డాన్సర్‌గానే కాకుండా టాలీవుడ్‌లో కాస్ట్యూమ్ డిజైనర్‌గా, ప్రొడక్షన్ డిజైనర్‌గా పనిచేసిన సంధ్యా రాజు.. ఇప్పుడు తనలోని నటిని కూడా తెలుగు ప్రేక్షకులకు పరిచయం చేస్తున్నారు. కొత్త దర్శకుడు రేవంత్ కోరుకొండ దర్శకత్వంలో రూపొందిన ‘నాట్యం’ సినిమాలో సంధ్యా రాజు ప్రధాన పాత్ర పోషించారు. టైటిల్‌కు తగ్గట్టుగానే ఇది శాస్త్రీయ నృత్యం నేపథ్యంతో సాగే సినిమా. అయితే, ఈ సినిమాలో కేవలం నృత్యం మాత్రమే ఉండదని.. అంతకు మించిన బంధాలు, భావోద్వేగాలు ఉంటాయని చెప్పారు సంధ్య. ఒక విద్యార్థినికి, గురువుకి మధ్య ఉన్న అందమైన అనుబంధం.. నర్తకి కావాలనే ఆమె తపన, ఎదురైన అడ్డంకులు ఈ సినిమాలో చూపించామని చెప్పారు.

ఎన్టీఆర్ విడుదల చేసిన ‘నాట్యం’ టీజర్.. వారిది పెద్ద మనసు అన్న యంగ్ టైగర్
తాను సినిమాల్లో నటిస్తానని, తన జీవితంలో సినిమా భాగం అవుతుందని ఏనాడూ అనుకోలేదని సంధ్య వెల్లడించారు. ‘‘నా మనసు ఎప్పుడూ డాన్స్ వైపే వెళ్లేది. నా జీవితంలో అదో భాగం అయిపోయింది. నేను స్వతంత్రంగా నర్తకిని అయిన తరవాత సొంతంగా డాన్స్ అకాడమీని ఏర్పాటు చేసుకున్నాను. కళాత్మక నైపుణ్యం నృత్యానికి మాత్రమే పరిమితం కాదని నేను గ్రహించాను’’ అని సంధ్య చెప్పారు. ఆ తరవాత డ్యాన్స్ మాత్రమే కాకుండా మోడలింగ్, కాస్ట్యూమ్ డిజైనింగ్ రంగంలోకి అడుగుపెట్టారట సంధ్య. ఇప్పుడు నటనలోకి కూడా వచ్చేశారు.

తాను డాన్స్ నుంచి నటన వైపు మొగ్గుచూపడానికి కారణం తన గురువు పద్మభూషణ్ వేంపతి చిన్న సత్యం గారి వద్ద నాట్యం నేర్చుకున్న ప్రముఖ నటులని సంధ్య అన్నారు. చిన్న సత్యం వద్ద ఎన్టీఆర్, హేమమాలిని, భానుప్రియ, జయలలిత వంటి ప్రముఖ నటీనటులు నృత్య పాఠాలు నేర్చుకున్నారు. కాబట్టి, నటన అనేది నృత్యానికి కొనసాగింపు అని తాను గ్రహించానని సంధ్య చెప్పుకొచ్చారు. తాను నటిని అవుతానంటే ఇంట్లో ఎవరూ అడ్డుచెప్పలేదని.. తనను ప్రోత్సహించారని ఆమె వెల్లడించారు.

సత్యం రామలింగరాజు రెండో కుమారుడు రామరాజును సంధ్య పెళ్లాడారు. 2007లో వీరి వివాహం జరిగింది. భర్త తనను ఎప్పుడూ ప్రోత్సహిస్తూ ఉంటారని చెప్పారు సంధ్య. అలాగే, తాను సినిమాల్లో నటిస్తానని చెప్పినప్పుడు ఆయన ఏమీ ఆశ్చర్యానికి గురికాలేదన్నారు. ‘‘నా షార్ట్ ఫిల్మ్ తరవాత సహజంగానే నా చూపు సినిమాలపై పడుతుందని మా ఇంట్లో వాళ్లకు తెలుసు. అందుకే వాళ్లు ఆశ్చర్యానికి గురికాలేదు. వాళ్లంతా నన్నొక బాధ్యతాయుతమైన అమ్మాయిగానే చూస్తారు. నన్ను ఎంతగానో ప్రోత్సహిస్తారు’’ అని తన ఫ్యామిలీ గురించి చెప్పారు సంధ్య.

‘నాట్యం’ టీజర్‌: హీరోయిన్‌గా ప్రముఖ కూచిపూడి డాన్సర్

LEAVE A REPLY

Please enter your comment!
Please enter your name here