Sandalle Sandalle Song: శ‌ర్వానంద్ ‘శ్రీ‌కారం’ నుంచి ‘సంక్రాంతి సందళ్లే’ పాట: ఆహ్లాదకరమైన బాణీ.. అందమైన సాహిత్యం – sankranthi sandhalle song from sharwanand sreekaram released

0
59


యంగ్ హీరో శ‌ర్వానంద్ న‌టిస్తోన్న లేటెస్ట్ ఫిల్మ్ ‘శ్రీ‌కారం’‌. కిశోర్ బి డైరెక్ట్ చేస్తోన్న ఈ ఫ్యామిలీ ఎంట‌ర్‌టైన‌ర్‌లో హీరోయిన్‌గా ప్రియాంకా అరుళ్ మోహ‌న్ న‌టిస్తున్నారు. 14 ప్లస్ రీల్స్ బ్యాన‌ర్‌పై రామ్ ఆచంట‌, గోపి ఆచంట ఈ చిత్రాన్ని నిర్మిస్తున్నారు. మిక్కీ జే మేయర్ సంగీతం సమకూరుస్తున్నారు.

ఇప్పటికే విడుద‌ల చేసిన తొలి పాట ‘బ‌లేగుంది బాలా’కు సంగీత ప్రియుల నుంచి అపూర్వమైన స్పంద‌న ల‌భించింది. పెంచ‌ల్ దాస్ రచించి, పాడిన ఆ పాట‌కు 22 మిలియ‌న్ వ్యూస్ పైగా రావ‌డం విశేషం. కాగా, ఈ సినిమా నుంచి రెండో పాటను గురువారం విడుదల చేశారు. ఈ పాట సంగీత ప్రియులను విశేషంగా ఆకట్టుకుంటోంది.

‘వకీల్ సాబ్’ టీజర్ డేట్ ఫిక్స్.. పండుగ తీసుకొస్తోన్న పవర్ స్టార్
సంక్రాంతి సంబ‌రాల‌ను, ఆ సంద‌డిని అందంగా వివ‌రించే ‘సంద‌ళ్లే సంద‌ళ్లే సంక్రాంతి సంద‌ళ్లే..’ అంటూ సాగే ఈ పాట‌లో సాహిత్యం అందరినీ కట్టిపడేస్తోంది. సానపాటి భరద్వాజ్ పాత్రుడు అందించిన అందమైన సాహిత్యానికి మిక్కీ జే మేయ‌ర్ ఆహ్లాదకరమైన బాణీ, అనురాగ్ కుల‌క‌ర్ణి – మోహ‌న భోగ‌రాజు మధుర గానం తోడవడంతో పాట అద్భుతంగా వచ్చింది. చిత్రంలోని ప్రధాన తారాగ‌ణంపై ఈ పాట‌ను చిత్రీక‌రించారు. శోభి కొరియోగ్రఫీ అందించారు.

ఈ పాట వింటున్నా, చూస్తున్నా సంక్రాంతి పండుగ సంద‌డి వారం రోజులు ముందుగానే వ‌చ్చిన‌ట్లనిపిస్తోంద‌న్నది నిజం. సంక్రాంతి వైభోగ‌మంతా ఆ పాట‌లో కనిపిస్తోంది. మెలోడీ ట్యూన్స్ క‌ట్టడంలో మేటి అని పేరుపొందిన మ్యూజిక్ డైరెక్టర్ మిక్కీ మ‌రోసారి చ‌క్కటి స్వరాల‌తో ఆక‌ట్టుకున్నారు. యువ‌రాజ్ సూప‌ర్బ్ సినిమాటోగ్రఫీతో చిత్రీక‌ర‌ణ ప‌రంగానూ ఈ పాట అమితంగా ఆక‌ట్టుకుంటోంది. అలాగే, భరద్వాజ్ సాహిత్యం కూడా ప్రతి ఒక్కరికీ అర్థమయ్యేలా సరళంగా ఉంది.

Ram: 7 భాషల్లో విడుదలవుతోన్న ‘రెడ్’.. అక్కడ మాత్రం ఓటీటీ రిలీజ్
ఇదిలా ఉంటే, ‘గ‌ద్దల‌కొండ గ‌ణేష్’ వంటి బ్లాక్‌ బ‌స్టర్ త‌ర్వాత 14 రీల్స్ ప్లస్ బ్యాన‌ర్ నుంచి వ‌స్తోన్న రెండో చిత్రం ‘శ్రీ‌కారం’. ‘గ‌ద్దల‌కొండ గ‌ణేష్‌’కు మంచి సంగీతం సమకూర్చిన మిక్కీ జే మేయ‌ర్.. ‘శ్రీ‌కారం’ చిత్రానికీ చ‌క్కని బాణీలు అందిస్తున్నారు. బుర్రా సాయిమాధ‌వ్ డైలాగ్స్ రాస్తుండ‌గా, జె. యువ‌రాజ్ సినిమాటోగ్రాఫ‌ర్‌గా ప‌నిచేస్తున్నారు. రావు ర‌మేష్‌, ఆమ‌ని, న‌రేష్‌, సాయికుమార్‌, ముర‌ళీ శ‌ర్మ, స‌త్య, స‌ప్తగిరి ఇతర ముఖ్య పాత్రలు పోషిస్తున్నారు.

శ్రీకారం: ‘సంక్రాంతి సందళ్లే’ పాట.. మళ్లీ మెప్పించిన మిక్కీ

LEAVE A REPLY

Please enter your comment!
Please enter your name here