sampoornesh babu: ‘బజార్ రౌడి’ మోషన్ పోస్టర్: బాప్‌రే బర్నింగ్ స్టార్.. ఎంటర్‌టైన్మెంట్ పక్కా – burning star sampoornesh babu bazar rowdy motion poster released

0
17


‘హృద‌య‌ కాలేయం’, ‘కొబ్బరిమ‌ట్ట’ లాంటి విచిత్రమైన టైటిల్స్‌లో విభిన్నమైన సినిమాలతో తెలుగు ఇండస్ట్రీలో తనకంటూ ప్రత్యేక గుర్తింపు సంపాదించుకున్న హీరో బర్నింగ్ స్టార్ సంపూర్ణేష్ బాబు. ఆయన హీరోగా నటించిన తాజా చిత్రం ‘బ‌జారు రౌడి’. ఈ సినిమా మోషన్ పోస్టర్‌ను బుధవారం విడుదల చేశారు. మోషన్ పోస్టర్ విడుదల కార్యక్రమం హైదరాబాద్‌లో గనంగా జరిగింది. ఈ కార్యక్రమంలో చిత్ర యూనిట్‌తో పాటు సీనియర్ నటుడు నాగినీడు, షాయాజీ షిండే, పృథ్వి ముఖ్య అతిథులుగా పాల్గొన్నారు.

ఈ సందర్భంగా సంపూర్ణేష్ బాబు మాట్లాడుతూ.. ‘‘చాలా రోజుల తరువాత నేను ప్రేక్షకుల ముందుకు వచ్చి ఇలా మాట్లాడటం సంతోషంగా ఉంది. నాలుగు సినిమాల్లో నటించాను, ఇది నా ఐదో సినిమా. నా ప్రతి సినిమాను ఆదరించిన ప్రేక్షకులు ఈ సినిమాను కూడా సక్సెస్ చేస్తారని ఆశిస్తున్నాను. ఈ సినిమాకు పనిచేసిన అందరికి ధన్యవాదాలు తెలుపుతున్నాను’’ అని అన్నారు.

Namrata Shirodkar: మహేష్‌‌ని కిస్ చేస్తూ రొమాంటిక్ పిక్ షేర్ చేసిన నమ్రత.. పెళ్లి రోజు సూపర్బ్ ట్రీట్
డైరెక్టర్ వసంత నాగేశ్వరరావు మాట్లాడుతూ.. ‘‘ఈ సినిమాను అన్ని కమర్షియల్ హంగులతో తెరకెక్కించాం. ఎక్కడా కాంప్రమైజ్ కాకుండా ఆడియ‌న్స్ ప‌ల్స్ తెలుసుకుని 150 రూపాయిలు పెట్టి టికెట్ కొని వ‌చ్చే ప్రేక్షకుడ్ని దృష్టిలో పెట్టుకుని ఈ చిత్రాన్ని ఆద్యంతం అల‌రించే విధంగా నిర్మించాం. మంచి కథ, కథనాలతో ప్రేక్షకుల ముందుకు వస్తోన్న ‘బజార్ రౌడి’ సినిమా తప్పకుండా ప్రేక్షకులను అలరిస్తుందని ఆశిస్తున్నాను’’ అని వెల్లడించారు.
నిర్మాత సందిరెడ్డి శ్రీనివాసరాజు మాట్లాడుతూ.. ‘‘మా బజార్ రౌడి సినిమా బాగా వచ్చింది. సంపూర్ణేష్ బాబు ఈ సినిమాలో మరో అద్భుతమైన పాత్రలో నటించారు. కరాటే కల్యాణి, పృథ్వీ, నాగినీడు ఇలా అందరూ మా సినిమాలో మంచి పాత్రల్లో నటించారు. విడుదలైన మోషన్ పోస్టర్‌కు మంచి స్పందన లభిస్తోంది. సినిమా కూడా అదే తరహాలో ఉంటుంది’’ అని అన్నారు.

సత్యం రామలింగరాజు కోడలే ‘నాట్యం’ హీరోయిన్.. ఆమె బ్యాక్‌గ్రౌండ్‌‌కి మరింత హైప్ ఇచ్చిన బాద్‌షా
ఎగ్జిక్యూటివ్ ప్రొడ్యూస‌ర్‌ శేఖ‌ర్ అల‌వ‌ల‌పాటి మాట్లాడుతూ.. ‘‘అంద‌రూ ఈ సినిమాకి మాట తీయ‌కుండా ప‌నిచేశారు. సంపూర్టేష్ బాబు ఈ సినిమాలో చాలా వేరియేష‌న్స్ వున్న పాత్ర చేశారు. షాయాజి షిండే, నాగినీడు, పృథ్వీ, స‌మీర్, కరాటే క‌ళ్యాణి ఇలా చాలా మంది సీనియ‌ర్ న‌టీన‌టులు న‌టించారు. ఈ మోష‌న్ పోస్టర్ చూస్తే మా సినిమా ఎలా వుంటుందో అంద‌రికి తెలుస్తుంది. మ‌రిన్ని విష‌యాలు సినిమా విడుద‌లకి ముందు మాట్లాడుతాను’’ అని అన్నారు.

మ‌హేశ్వరి వద్ది, నాగినీడు, షాయాజి షిండే, పృథ్వి, ష‌ఫి, స‌మీర్‌, మ‌ణిచంద‌న‌, న‌వీన‌, ప‌ద్మావ‌తి, క‌త్తి మ‌హేష్ ముఖ్య పాత్రలు పోషించిన ఈ చిత్రానికి మరుధూరి రాజా మాటలు రాశారు. సాయి కార్తీక్ సంగీతం సకూర్చారు. ఎ విజయ్ కుమార్ సినిమాటోగ్రఫి అందించారు. గౌతంరాజు ఎడిటర్. వసంత నాగేశ్వరరావు దర్శకత్వం వహించారు.

LEAVE A REPLY

Please enter your comment!
Please enter your name here