sai pallavi: ప్రేమలో మునిగి ఉన్న వెన్నెల.. సాయిపల్లవి ఆసక్తికర ట్వీట్ – kolu kolu lyrical video from virata parvam to release on february 25th

0
31


ప్రధానాంశాలు:

  • రానా, సాయిపల్లవి జంటగా ‘విరాటపర్వం’
  • వేణు ఊడుగుల దర్శకత్వంలో రూపొందుతోన్న చిత్రం
  • ఏప్రిల్ 30న విడుదలకానున్న నక్సలైట్ ప్రేమకథ

రానా, సాయిప‌ల్లవి జంట‌గా వేణు ఊడుగుల ద‌ర్శక‌త్వంలో రూపొందుతున్న సినిమా ‘విరాట‌ప‌ర్వం’. డి.సురేష్ బాబు స‌మ‌ర్పణ‌లో ఎస్‌.ఎల్‌.వి.సినిమాస్ ప‌తాకంపై సుధాక‌ర్ చెరుకూరి ఈ చిత్రాన్ని నిర్మిస్తున్నారు. ‘రివ‌ల్యూష‌న్ ఈజ్ యాన్ యాక్ట్ ఆఫ్ ల‌వ్’ అనేది ట్యాగ్‌లైన్‌. ప్రస్తుతం పోస్ట్ ప్రొడ‌క్షన్ పనులు జ‌రుపుకుంటున్న ‘విరాట‌ప‌ర్వం’ను ఏప్రిల్ 30న విడుద‌ల చేయ‌డానికి స‌న్నాహాలు చేస్తున్నారు.

ఇప్పటివ‌ర‌కూ ఈ చిత్రంలోని ప్రధాన పాత్రధారుల‌కు సంబంధించి విడుద‌ల చేసిన ఫ‌స్ట్ లుక్ పోస్టర్లకు.. రానా బ‌ర్త్‌డే సంద‌ర్భంగా రిలీజ్ చేసిన ఫ‌స్ట్ గ్లింప్స్‌, సంక్రాంతి ప‌ర్వదినాన రిలీజ్ చేసిన రానా-సాయిప‌ల్లవి జంట పోస్టర్‌కు మంచి స్పందన వ‌చ్చింది. నిజానికి ఇవ‌న్నీ ‘విరాట‌ప‌ర్వం’పై అంచ‌నాల‌ను పెంచి ఆడియెన్స్‌లో, ఇండ‌స్ట్రీ వ‌ర్గాల్లో క్రేజ్ తీసుకొచ్చాయి. రానా, సాయిప‌ల్లవి జోడి చూడ‌చ‌క్కగా ఉంద‌ని అన్ని వ‌ర్గాల నుంచీ ప్రశంస‌లు అందాయి.

నిర్మలా సీతారామన్‌పై నటుడు సిద్ధార్థ్ సెటైర్.. ఆ పదం వాడి తప్పుచేశాడంటున్న నెటిజన్లు
ఇదిలా ఉంటే, తాజా చిత్ర బృందం మ్యూజిక‌ల్ ప్రమోష‌న్‌కు స‌న్నాహాలు చేస్తోంది. ఫిబ్రవ‌రి 25న ఫ‌స్ట్ సాంగ్ ‘కోలు కోలు’ లిరిక‌ల్ వీడియోను రిలీజ్ చేస్తున్నారు. ఈ విష‌యాన్ని తెలియ‌జేస్తూ సోమ‌వారం ఓ పోస్టర్‌ను విడుదల చేశారు. ఈ పోస్టర్‌లో కాక‌తీయ తోర‌ణం ద‌గ్గర హీరోయిన్ సాయిప‌ల్లవి డాన్స్ చేస్తూ క‌నిపిస్తున్నారు. ఆకుపచ్చ, పసుపు లంగా ఓణీలో అచ్చతెలుగమ్మాయిలా ఆమె చూడ‌ముచ్చట‌గా ఉన్నారు. ‘కోలు కోలు’ పాట‌ను సినిమాలో ఆమెపైనే ద‌ర్శకుడు వేణు ఊడుగుల చిత్రీక‌రించారు.

అయితే, సాంగ్ రిలీజ్ డేట్‌తో కూడిన పోస్టర్‌ను ట్వీట్ చేసిన సాయిపల్లవి.. ‘ప్రేమలో మునిగి ఉన్న వెన్నెల’ అని క్యాప్షన్ పెట్టారు. అంటే, ఈ సినిమాలో సాయిపల్లవి పాత్ర పేరు వెన్నెల. అందుకే, ఆమె ప్రేమలో మునిగి ఉందని ఆమె పేర్కొన్నారు. కాగా, యూనిక్ కాన్సెప్ట్‌తో రూపొందుతోన్న ఈ చిత్రంలో ఇప్పటివ‌ర‌కూ క‌నిపించ‌ని పాత్రల్లో రానా, సాయిప‌ల్లవి న‌టిస్తున్నారు. మిగ‌తా ముఖ్య పాత్రల్లో ప్రియ‌మ‌ణి, నందితా దాస్‌, నివేదా పేతురాజ్‌, న‌వీన్ చంద్ర, జ‌రీనా వ‌హాబ్‌, ఈశ్వరీ రావ్‌, సాయిచంద్ క‌నిపించ‌నున్నారు. సురేష్ బొబ్బిలి సంగీతం సమకూరుస్తున్నారు.

LEAVE A REPLY

Please enter your comment!
Please enter your name here