Sai Dharam Tej: ‘అక్షర’ మెగా ఫ్యాన్స్ తీసిన సినిమా.. సపోర్ట్ చేయడం నా బాధ్యత: సాయి ధరమ్ తేజ్ – sai dharam tej speech at akshara pre release event

0
18


ప్రధానాంశాలు:

  • ‘అక్షర’ ప్రీ రిలీజ్ ఈవెంట్‌లో అతిథులుగా కవిత, సాయి తేజ్
  • చిత్ర దర్శకుడు చిన్నికృష్ణతో తనది ఆరేళ్ల పరిచయం అన్న సుప్రీం హీరో
  • సినిమా విజయం సాధించాలని ఆకాంక్షించిన హీరో

నందితా శ్వేత ప్రధాన పాత్రలో నటించిన సినిమా ‘అక్షర’. సినిమా హాల్ ఎంటర్‌టైన్మెంట్స్ బ్యానర్‌పై సురేష్ వర్మ అల్లూరి, అహితేజ బెల్లంకొండ ఈ చిత్రాన్ని నిర్మించారు. బి.చిన్నికృష్ణ దర్శకత్వం వహించారు. ఈ నెల 26న ‘అక్షర’ ప్రేక్షకుల ముందుకొస్తోంది. చిత్ర ప్రచారంలో భాగంగా ‘అక్షర’ ప్రీ రిలీజ్ వేడుకను మంగళవారం సాయంత్రం హైదరాబాద్ జేఆర్సీ కన్వెన్షన్‌లో ఘనంగా నిర్వహించారు. ఈ కార్యక్రమంలో సుప్రీమ్ హీరో సాయి తేజ్, ఎమ్మెల్సీ కవిత, దర్శకులు సుధీర్ వర్మ, కృష్ణ చైతన్య, శ్రీకాంత్ అడ్డాల పాల్గొన్నారు. ‘అక్షర’ సినిమా ఘన విజయం సాధించాలని టీమ్‌కు శుభాకాంక్షలు తెలిపారు. బిగ్ టికెట్‌ను సాయి తేజ్, ఎమ్మెల్సీ కవిత ఆవిష్కరించారు.

Akshara Pre Release Event

‘అక్షర’ ప్రీ రిలీజ్ ఈవెంట్

ఈ సందర్భంగా సాయి తేజ్ మాట్లాడుతూ.. ‘‘ఈ సినిమా మొదలై రెండేళ్లవుతోంది. అహితేజ నాకు ముందు నుంచీ టచ్‌లో ఉండి సినిమా ప్రమోషన్‌కు రావాలని కోరాడు. సినిమా రెడీ అవుతోన్న సమయంలో అహితేజ టెన్షన్‌లో ఉండేవాడు. కానీ ‘అక్షర’ సినిమా రిలీజయ్యాక ఆయన టెన్షన్ తగ్గిపోతుంది. ప్రేక్షకులు తప్పకుండా ఆదరిస్తారు. దర్శకుడు చిన్నకృష్ణ నాకు చాలా రోజులుగా తెలుసు. నా కెరీర్ స్టార్టింగ్‌లో కథ చెప్పేందుకు వచ్చారు. 6 ఏళ్లుగా చిన్నకృష్ణ గారితో పరిచయం. ఎప్పుడు కలిసినా సరదాగా ఉంటారు.

See Photos: ‘అక్షర’ ప్రీ రిలీజ్ ఈవెంట్.. ప్రత్యేక ఆకర్షణగా కవిత, సాయి తేజ్

నందితా చాలా బాగా నటించారని గతంలో వచ్చిన ట్రైలర్‌లో చూస్తే అర్థమైంది. సీరియస్ టాపిక్ ఎంచుకుని చక్కగా నటించారు. నేను ఈ ఈవెంట్‌కు రావడానికి ప్రధాన కారణం ఈ సినిమా నిర్మాతలు మెగా ఫ్యాన్స్. కాబట్టి వాళ్లకు ఎంతైనా మేం సపోర్ట్ చేయాల్సిందే. అది మా బాధ్యత. మేం లో టైమ్‌లో ఉన్నప్పుడు వాళ్లకు అండగా నిలబడ్డారు. ముఖ్యంగా నాకు కెరీర్ మధ్యలో కాస్త ఇబ్బంది వచ్చింది. ఆ టైమ్‌లో వీళ్లంతా నాకు సపోర్ట్‌గా ఉన్నారు. వీళ్లు సినిమాను ప్రొడ్యూస్ చేస్తున్నప్పుడు వీళ్లందరికీ సపోర్ట్ చేయడం నా బాధ్యత.

నా కెరీర్లో మొదటిసారి.. నాకు అస్సలు సంబంధంలేని సినిమా: ‘నాంది’కి దిల్ రాజు అభినందన
ఈ సినిమా మంచి విజయాన్ని అందుకోవాలని నేను కోరుకుంటున్నాను. ప్రేక్షకులకు నాదొక విన్నపం.. దయచేసి సినిమాను థియేటర్‌కు వెళ్లి చూడండి. పైరసీని ప్రోత్సహించకండి. ‘అక్షర’ టీమ్‌తో పాటు ఇండస్ట్రీకి చెందిన ఒక వ్యక్తిగా ఇది నా విన్నపం. విద్య అనేది ఒక హక్కు అని మాత్రమే కాకుండా.. నాణ్యమైన విద్యను అందించడం అనే మంచి టాపిక్‌ను ఎంచుకుని సినిమా చేశారు. కాబట్టి కచ్చితంగా ఎంటర్‌టైన్మెంట్‌తో పాటు సినిమాలో ఒక మంచి మెసేజ్ ఉంటుంది. దయచేసి సినిమాను థియేటర్‌లో చూడండి.. సినిమాను బతికించండి’’ అని అన్నారు.

LEAVE A REPLY

Please enter your comment!
Please enter your name here