S. S. Rajamouli: Check: హద్దులు చెరిపేసే సినిమా ‘చెక్’.. నేనలా ఫీల్ అయిన ఫస్ట్ మూవీ ఇదే.. హైప్ పెంచేసిన రాజమౌళి – rajamouli atractive speech at check pre release event

0
17


ప్రధానాంశాలు:

  • విడుదలకు సిద్దమైన నితిన్ ‘చెక్’
  • ఘనంగా ప్రీ రిలీజ్ ఈవెంట్
  • పదునైన మాటలతో అంచనాలకు రెక్కలు కట్టిన రాజమౌళి

నితిన్ హీరోగా రాబోతున్న ‘చెక్’ సినిమాను ఫిబ్రవరి 26న విడుదల చేయబోతున్నట్లు ప్రకటించిన దర్శకనిర్మాతలు ప్రమోషన్స్‌లో భాగంగా నిన్న (ఫిబ్రవరి 21) రాత్రి చిత్ర ప్రీ రిలీజ్ ఈవెంట్ నిర్వహించారు. ఈ కార్యక్రమానికి ముఖ్య అతిథులుగా దర్శకధీరుడు రాజమౌళి, మెగా ప్రిన్స్ వరుణ్ తేజ్ వచ్చి వేదికపై సందడి చేశారు. వరుణ్ తేజ్ తన సహ నటుడు నితిన్‌పై జోకులేస్తూ జోష్ నింపగా, చిత్ర కథాకథనాలపై మాట్లాడి ఈ ‘చెక్’ సినిమాపై ఉన్న అంచనాలకు రెక్కలు కట్టారు రాజమౌళి.

వేదికపై మాట్లాడటానికి ముందు తొలి టికెట్‌ను రాజమౌళి, వరుణ్ తేజ్ కొనుగోలు చేశారు. అనంతరం రాజమౌళి మాట్లాడుతూ.. ”ఈ ప్రీ రిలీజ్ ఈవెంట్‌లో అందరి మాటలు విన్న తర్వాత చెక్ సినిమాకు కల్యాణీ మాలిక్ మంచి మ్యూజిక్ ఇచ్చారని చాలామంది మాట్లాడినట్లు అర్ధమైంది. ఈ సినిమాలో ఒక్క పాటను విన్నాను. కల్యాణీ మాలిక్ అద్భుతంగా చేశారు. ఆ ఒక్క పాట సినిమాను మరో లెవెల్‌కు తీసుకెళ్తుంది. చందుకి ఇది తొలి ప్రీ రిలీజ్ ఈవెంట్ అనుకొంటాను. అందుకే ఆయన చాలా టెన్షన్‌తో ఉన్నారు.

టీజర్‌ చూడగానే ఎప్పుడప్పుడు థియేటర్‌కి వెళ్లి సినిమా చూడాలి అనే ఫీల్ తెప్పించిన తొలి చిత్రమిది. సినిమాలో చెస్ కథను నేపథ్యంగా తీసుకోవడం, సినిమా అంతా జైలులోనే తీయడం ఇంట్రెస్ట్ కలిగించింది. ఈ చెక్ సినిమా క్లాస్, మాస్ అనే హద్దులను చెరిపివేస్తుంది. ఇక నితిన్‌ చాలా యేళ్లుగా ఒకే రకమైన సినిమాలు చేస్తాడనే విమర్శ నుంచి ఎలాంటి సినిమాలైనా చేయగలడు అనే స్థాయికి చేరుకున్నాడు. అందులో భాగంగానే మరో అడుగు ముందుకేసి ఈ వైద్యభరితమైన సినిమా చేశాడు” అన్నారు.
‘నేను లోకల్’ డైరెక్టర్‌తో రవితేజ 68వ సినిమా
భవ్య క్రియేషన్స్ బ్యానర్‌పై రూపొందిన ఈ చిత్రానికి చంద్రశేఖర్ యేలేటి దర్శకత్వం వహించగా.. వి. ఆనంద్‌ ప్రసాద్‌ నిర్మాతగా వ్యవహరించారు. అందాల భామలు రకుల్ ‌ప్రీత్‌ సింగ్‌, ప్రియా ప్రకాశ్‌ వారియర్‌ హీరోయిన్లుగా నటించారు. కల్యాణి మాలిక్ సంగీతం అందించారు.

LEAVE A REPLY

Please enter your comment!
Please enter your name here