RRR Tamil Nadu Theatrical Rights: RRR మరో సెన్సేషన్: తమిళనాడు థియేట్రికల్ రైట్స్ దక్కించుకున్న లైకా.. భారీ ధర! – lyca productions acquires tamil nadu theatrical rights for rrr movie

0
32


ప్రధానాంశాలు:

  • RRR తమిళనాడు రైట్స్‌ను కొనుగోలు చేసిన లైకా ప్రొడక్షన్స్
  • ‘2.0’, ‘దర్బార్’ వంటి భారీ చిత్రాలు నిర్మించిన లైకా
  • లైకా ఎంట్రీతో తమిళనాట RRRకు మరింత ప్రమోషన్

మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా దర్శకధీరుడు ఎస్.ఎస్.రాజమౌళి దర్శకత్వంలో రూపొందుతోన్న RRR (రౌద్రం రుధిరం రణం)పై అంచనాలు తారా స్థాయిలో ఉన్నాయి. అత్యంత భారీ పాన్ ఇండియా మూవీగా రూపొందుతోన్న RRR దసరా కానుకగా అక్టోబర్ 13న ప్రేక్షకుల ముందుకు రానుంది. డీవీవీ ఎంటర్‌టైన్మెంట్స్ బ్యానర్‌పై డి.వి.వి.దానయ్య నిర్మిస్తోన్న ఈ చిత్రం ఇప్పటికే ప్రీ రిలీజ్ బిజినెస్‌ను భారీగా జరిపినట్టు వార్తలు వచ్చాయి. ఆ వార్తలను నిజం చేస్తూ బుధవారం ఒక ప్రకటన వెలువడింది.

RRR మూవీ తమిళనాడు థియేట్రికల్ రైట్స్‌ను ప్రముఖ నిర్మాణ సంస్థ లైకా ప్రొడక్షన్స్ దక్కించుకుంది. ఈ విషయాన్ని లైకా ప్రొడక్షన్స్ ట్విట్టర్ ద్వారా వెల్లడించింది. ‘‘బిగ్గెస్ట్ పాన్ ఇండియా ఫిలిం RRR తమిళనాడు థియేట్రికల్ రైట్స్‌ను మేం దక్కించుకున్నామని ప్రకటించడం ఎంతో సంతోషంగా గర్వంగా ఉంది’’ అని లైకా ప్రొడక్షన్స్ ట్వీట్‌లో పేర్కొంది.
అయితే, ఈ థియేట్రికల్ రైట్స్‌ను లైకా ప్రొడక్షన్స్ రూ.45 కోట్ల భారీ ధరకు కొనుగోలు చేసినట్టు తెలుస్తోంది. దీనిపై లైకా ప్రొడక్షన్స్ అయితే ఎలాంటి ప్రకటన చేయలేదు. నిజానికి RRR తమిళనాడు థియేట్రికల్ రైట్స్‌కు రూ.45 కోట్లకు వెచ్చించడం ఆశ్చర్యానికి గురిచేసే విషయం అయితే కాదు. ఎందుకంటే, రాజమౌళి దర్శకత్వంలో వచ్చిన ‘బాహుబలి 2’ తమిళనాడులో సుమారు రూ.78 కోట్ల షేర్ వసూలు చేసింది. మళ్లీ ఇప్పుడు రాజమౌళి దర్శకత్వంలోనే వస్తోన్న RRRపై తమిళనాడులోనూ భారీ అంచనాలున్నాయి. కాబట్టి, రూ.45 కోట్లు వసూలు కావడం పెద్ద కష్టమేమీకాదు.

సన్మాన సభకు తండ్రి ఆటోలో వెళ్లిన మిస్ ఇండియా రన్నరప్.. నాన్న కన్నీళ్లు తుడిచి, అమ్మ కాళ్లకు మొక్కి!
మరోవైపు, లైకా ప్రొడక్షన్స్ గురించి ప్రత్యేకంగా చెప్పాల్సిన అవసరంలేదు. కోలీవుడ్‌లో ఇది భారీ నిర్మాణ సంస్థ. ‘2.0’, ‘దర్బార్’, ‘కత్తి’ వంటి భారీ చిత్రాలను నిర్మించింది లైకా. ‘కత్తి’ సినిమాను తెలుగులో కొణిదెల ప్రొడక్షన్ కంపెనీతో కలిసి ‘ఖైదీ నంబర్ 150’గా రూపొందించింది. ఇప్పుడు శంకర్ దర్శకత్వంలో ‘ఇండియన్ 2’ను నిర్మిస్తోంది. అలాగే, మణిరత్నం దర్శకత్వంలో ‘పొన్నియిన్ సెల్వన్’ అనే భారీ చిత్రాన్ని రూపొందిస్తోంది.

LEAVE A REPLY

Please enter your comment!
Please enter your name here