rrr pre release business: రాజమౌళి RRR సెన్సేషన్: రూ.350 కోట్ల సౌత్ బిజినెస్.. ‘బాహుబలి 2’ని మించి! – ss rajamouli rrr with jr ntr, ram charan gets rs 350 crore through pre release business

0
32


ప్రధానాంశాలు:

  • ఎన్టీఆర్, రామ్ చరణ్ హీరోలు కావడంతో పెరిగిన అంచనాలు
  • ‘బాహుబలి 2’కి మించి పలికిన థియేట్రికల్ రైట్స్
  • నాలుగు రాష్ట్రాల్లో కలిపి సుమారు రూ.350 కోట్ల ప్రీ రిలీజ్ బిజినెస్

‘బాహుబలి’ డైరెక్టర్ ఎస్.ఎస్.రాజమౌళి దర్శకత్వంలో రూపొందుతోన్న RRR మూవీ కోసం దేశ వ్యాప్తంగా ప్రేక్షకులు ఎంతో ఆసక్తిగా ఎదురుచూస్తున్నారు. టాలీవుడ్ స్టార్ హీరోలైన యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ తొలిసారి కలిసి నటిస్తుండటం.. ‘బాహుబలి 2’ లాంటి బ్లాక్ బస్టర్ పాన్ ఇండియా సినిమా తరవాత రాజమౌళి దర్శకత్వంలో వస్తున్న సినిమా కావడంతో విపరీతమైన హైప్ వచ్చింది. అందుకే, ఈ సినిమా థియేట్రికల్ రైట్స్ కోసం డిస్ట్రిబ్యూటర్లు పోటీ పడ్డారు. ఈ సినిమాను దసరా కానుకగా అక్టోబర్ 13న విడుదల చేస్తున్నట్టు జనవరిలో రాజమౌళి ప్రకటించడంతో ఉత్తర, దక్షిణ భారతదేశాల్లోని ట్రేడ్ వర్గాల్లో ప్రీ రిలీజ్ బిజినెస్ గురించి చర్చమొదలైంది.

ట్రేడ్ వర్గాల నుంచి వచ్చిన సమాచారం ప్రకారం RRR మూవీకి డిస్ట్రిబ్యూటర్ల నుంచి భారీ ఆఫర్లు వచ్చాయట. మొత్తం మీద సౌత్ స్టేట్స్‌లోని వివిధ ప్రాంతాల నుంచి థియేట్రికల్ రైట్స్ ద్వారా రూ.348 కోట్ల బిజినెస్ జరిగింది. తెలుగు సినిమా చరిత్రలోనే ఇది బిగ్గెస్ట్ డీల్ కాబోతోంది. రాజమౌళి దర్శకత్వంలోనే వచ్చిన ‘బాహుబలి 2’ సినిమా నాలుగు తెలుగు రాష్ట్రాల్లో సుమారు రూ.215 కోట్ల ప్రీ రిలీజ్ బిజినెస్ చేసింది. అంటే, బిజినెస్‌లో ‘బాహుబలి 2’ రికార్డును RRR చెరిపేసింది. రాజమౌళి తన రికార్డును తానే తిరగరాసుకున్నారు.

RRR సెట్‌లో రామ్ చరణ్, ఎన్టీఆర్ అలా..! మెగా, నందమూరి అభిమానులకు జక్కన్న స్పెషల్ ట్రీట్
తెలుగు, తమిళం, కన్నడ, మలయాళ వెర్షన్ల థియేట్రికల్ రైట్స్ ద్వారా నిర్మాతకు రూ.348 కోట్లు వసూలు కాగా.. హిందీ వర్షన్‌ను ఎఎ ఫిలింస్ (అనిల్ తడాని) కమిషన్ బేసిస్ మీద విడుదల చేస్తున్నారు. హిందీలో సైతం ఈ సినిమాపై అంచనాలు భారీగా ఉన్నాయి. కాబట్టి, హిందీ థియేట్రికల్ రైట్స్ విలువ కూడా సుమారు రూ.100 కోట్లు ఉంటుందని అంటున్నారు. ఓవర్సీస్ రైట్స్‌ను ఇప్పటికే ఫార్స్ ఫిలింస్ సంస్థకు విక్రయించారు. అది కూడా రూ.70 కోట్ల భారీ ధరకు. కాబట్టి, RRR విడుదలకు ముందే ప్రపంచ వ్యాప్తంగా థియేట్రికల్ రైట్స్ ద్వారా నిర్మాతకు వసూలైన మొత్తం సుమారు రూ.500 కోట్లు. ఈ సినిమాపై అంచనాలు ఏ రేంజ్‌లో ఉన్నాయో ఈ ప్రీ రిలీజ్ బిజినెస్ చూస్తే అర్థమవుతోంది.

ప్రస్తుతం ఇండస్ట్రీ, ట్రేడ్ వర్గాల నుంచి వస్తోన్న సమాచారం ప్రకారం సౌత్ ఇండియన్ స్టేట్స్‌లో ప్రాంతాల వారీగా థియేట్రికల్ రైట్స్ వివరాలు ఇలా ఉన్నాయి..
ఆంధ్ర, సీడెడ్: రూ.165 కోట్లు
నైజాం: రూ. 75 కోట్లు
తమిళనాడు: రూ. 48 కోట్లు
కర్ణాటక: రూ. 45 కోట్లు
కేరళ: రూ. 15 కోట్లు
మొత్తం: రూ. 348 కోట్లు (సుమారుగా)

LEAVE A REPLY

Please enter your comment!
Please enter your name here