rks bhadauria: చైనా విధానంలో బంటుగా మారిన పాక్.. ఎయిర్‌చీఫ్ మార్షల్ సంచలన వ్యాఖ్యలు – iaf chief rks bhadauria sensational comments on china and pakistan relations

0
27


అఫ్గనిస్థాన్‌లో తన సైన్యాన్ని క్రమంగా అమెరికా ఉపసంహరించుకోవడంతో చైనా విధానంలో పాకిస్థాన్ బంటుగా మారిందని భారత వాయుసేన అధిపతి ఆర్కేఎస్ భదౌరియా సంచలన వ్యాాఖ్యలు చేశారు. మధ్య ఆసియా ప్రాంతంలో డ్రాగన్ తన ప్రభావాన్ని పెంచుకోడానికి పాక్‌ను ఓ పావుగా వాడుకుంటోందని ఆరోపించారు. వివేకానంద ఇంటర్నేషనల్ ఫౌండేషన్ మంగళవారం నిర్వహించిన ఓ కార్యక్రమంలో ఎయిర్ చీఫ్ మార్షల్ మాట్లాడుతూ.. లడఖ్‌లోని వాస్తవాధీన రేఖ వెంబడి చైనా భారీగా వైమానిక దళాలను మోహరించిందని అన్నారు.

అయితే.. దీనికి దీటుగా భారత్ అన్ని జాగ్రత్తల్ని తీసుకుందని, పరిస్థితిని ఎలా ఎదుర్కోవాలన్న అంశంపై స్పష్టతతో ఉన్నామని భదౌరియా పేర్కొన్నారు. చైనా రుణ ఉచ్చులోకి వెళ్లేందుకు సిద్ధంగా ఉన్న పాకిస్థాన్.. ఆ దేశంపై క్రమంగా ఆధారపడటం పెరుగుతోందన్నారు. చైనాను అర్ధం చేసుకోవడమే భారత్ అతి ముఖ్యమైన జాతీయ భద్రతా సవాల్ అని, గేమ్ ప్లాన్‌లో భాగంగా చైనా-పాక్ సంబంధాలు మరింతగా అభివృద్ధి చెందుతున్నాయని అన్నారు.

‘చైనా విధానంలో పాక్ బంటుగా మారింది.. సీపెక్ (చైనా-పాకిస్థాన్ ఎకనమిక్ కారిడార్) రుణ ఉచ్చులో పాక్ వెళుతోంది.. భవిష్యత్తులో సైన్యం ఆధారపడటం చూడబోతున్నాం’ అన్నారు.

‘అఫ్గన్ నుంచి యుఎస్ నిష్క్రమణ ఈ ప్రాంతంలో చైనాకు అవకాశాలు లభించాయి.. ప్రత్యక్షంగా, పాకిస్థాన్ ద్వారా మధ్య ఆసియాలోకి ప్రవేశించడానికి వీలు కల్పిస్తుంది.. ఈ ప్రాంతంపై చాలా కాలంగా ఆధిపత్యం కోసం డ్రాగన్ చూస్తోంది’ అని భదౌరియా అన్నారు. పేద దేశాల ఆర్ధిక పరిస్థితిని చైనా తనకు అనుకూలంగా మలచుకుంటూ, రుణాల పేరుతో వారికి ఎరవేస్తుందన్నారు.

‘అంతర్జాతీయ చట్టాలు, నిబంధనలు నిర్లక్ష్యం చేయడం లేదా ఎంపిక వివరణ ద్వారా యథాతథ స్థితిని మార్చే ప్రయత్నాలను వేగవంతం చేయడం ఇప్పుడు చూస్తున్నాం.. బలహీన దేశాలు ఏకపక్ష చర్యలను అంగీకరించేలా చేయడానికి బలవంతం, ఆర్థిక సాయం సాధనంగా ఉపయోగించి తద్వారా అంతర్జాతీయ స్థాయిలో చట్టాల క్రమాన్ని బలహీనపరుస్తుంది’ అన్నారు.

‘పాలన మనుగడను నిర్ధారించడానికి ఆధిపత్య శక్తులతో పొత్తు పెట్టుకోవడం సున్నితమైన రాష్ట్రాలకు సౌకర్యవంతంగా ఉంటుంది. ఇది ప్రాంతీయ భద్రతా దృష్టాంతాన్ని మరింత ప్రభావితం చేస్తుంది.. మన జాతీయ భద్రతా విధానంపై ఎక్కువ దృష్టిపెట్టాల్సి వస్తుంది’ అని భదౌరియా వ్యాఖ్యానించారు.

LEAVE A REPLY

Please enter your comment!
Please enter your name here