Rihanna: అర్ధనగ్నంగా పాప్ సింగర్.. మెడలో గణేషుడి బొమ్మ.. రాహుల్ గాంధీని లాగిన బీజేపీ లీడర్ – rihanna poses topless wearing ganesha pendant, receives backlash on twitter

0
16


ప్రధానాంశాలు:

  • మరోసారి వివాదంలో అమెరికన్ పాప్ సింగర్ రిహానా
  • టాప్‌లెస్ ఫొటోను ట్విట్టర్‌లో షేర్ చేసిన గాయని
  • విఘ్నేశ్వరుడి పెండెంట్‌తో కూడిన నెక్‌లేస్‌ను ధరించడంతో వివాదం

అమెరికన్ పాప్ సింగర్ రిహానా మరోసారి భారతీయులు ఆగ్రహానికి గురవుతున్నారు. ఆ మధ్య రైతుల ఉద్యమంపై స్పందించిన తొలి గ్లోబర్ స్టార్‌గా వార్తల్లో నిలిచిన రిహానా.. ఇప్పుడు హిందువుల ఆది దైవం విఘ్నేశ్వరుడి చిన్న విగ్రహాన్ని మెడలో ధరించి అర్ధనగ్నంగా ఫొటో దిగి మరోసారి హాట్ టాపిక్ అయ్యారు. ఛాతికి చేతిని అడ్డుపెట్టి అర్ధనగ్నంగా ఫొటో దిగిన రిహానా.. దాన్ని ట్విట్టర్ ద్వారా అభిమానులతో పంచుకున్నారు. ఈ ఫొటోలో రిహానా ఊదా రంగుతో కూడిన చిన్న నిక్కరు, ఆభరణాలు ధరించారు. మెడలో వేసుకున్న దండకు పెద్ద విఘ్నేశ్వరుడి లాకెట్ ఉంది. ఇది కూడా ఊదా రంగులోనే ఉంది.
తన స్వార్థం కోసం, ప్రచారం కోసం తీసుకున్న ఈ అర్ధనగ్న ఫొటోలో గణేషుడి లాకెట్‌ను వాడటంపై హిందువులు ఆగ్రహం వ్యక్తం చేస్తున్నారు. ట్విట్టర్‌లో రిహానాను తిట్టిపోస్తున్నారు. ఆమెను విపరీతంగా ట్రోల్ చేస్తున్నారు. మరోవైపు, బీజేపీ ఎమ్మెల్యే రామ్ కాదమ్ సైతం రిహానా ఫొటోపై ఆగ్రహం వ్యక్తం చేశారు. ఆమెను తప్పుబడుతూ ట్వీట్ చేసిన రామ్ కాదమ్.. ఈ వివాదంలోకి రాహుల్ గాంధీని కూడా లాగారు.

వాళ్లిద్దరూ గిఫ్టెడ్ యాక్టర్స్.. కలిసొస్తున్నారు: నాని
‘‘మనకెంతో ఇష్టమైన హిందూ దైవం గణేషుడిని రిహానా నిస్సుగ్గుగా ఎగతాళి చేయడం చూస్తే భయమేస్తోంది. దీన్ని బట్టి రిహానాకు భారతీయ సంస్కృతి, సంప్రదాయాలు, ఇక్కడ ఉన్న సమస్యల పట్ల అస్సలు అవగాహన లేదని అర్థమవుతోంది. ఇప్పటికైనా రాహుల్ గాంధీ, ఇతర కాంగ్రెస్ నాయకులు ఆమె నుంచి సహాయం తీసుకోవడం మానేస్తారని ఆశిస్తున్నాను. వాళ్లు ఆమెను విమర్శిస్తారో లేదంటే ప్రియమైన దైవం గణపతి కంటే అధికారమే పెద్దది అని భావిస్తారో చూడాలి’’ అని రామ్ కాదమ్ ట్విట్టర్‌లో పేర్కొన్నారు.
రామ్ కాదమ్ ఈ విధంగా స్పందించడానికి కారణం రిహానా గతంలో రైతు ఉద్యమానికి సపోర్ట్‌గా ట్వీట్ చేయడమే. రైతు ఉద్యమంపై సీఎన్ఎన్ ప్రచురించిన కథనాన్ని ట్వీట్ చేసిన రిహానా.. ‘మనం దీని గురించి ఎందుకు మాట్లాడటం లేదు?’ అని పేర్కొన్నారు. రైతు ఉద్యమంపై స్పందించిన తొలి గ్లోబల్ స్టార్ రిహానా. దీంతో రిహానా ట్వీట్ అప్పట్లో విపరీతంగా వైరల్ అయ్యింది. ఆమె ట్వీట్‌ను కాంగ్రెస్ నాయకులు సమర్థించారు. అయితే, చాలా మంది విమర్శించారు.

LEAVE A REPLY

Please enter your comment!
Please enter your name here