Ravi teja remuneration: రేటు భారీగా పెంచేసిన రవితేజ.. 68వ సినిమాకు అంత తీసుకుంటున్నారా? – ravi teja reportedly hikes his remuneration

0
28


ప్రధానాంశాలు:

  • పారితోషికం భారీగా పెంచేసిన రవితేజ?
  • 68వ సినిమాకు రూ.16 కోట్లు తీసుకుంటున్నారని ప్రచారం
  • ఇది త్రినాథరావు నక్కిన దర్శకత్వంలో చేస్తోన్న చిత్రం

మాస్ మహారాజా రవితేజ నిన్న (ఫిబ్రవరి 21న) తన 68వ సినిమాను ప్రకటించిన విషయం తెలిసిందే. ‘సినిమా చూపిస్త మావ’, ‘నేను లోకల్’, ‘హలో గురు ప్రేమకోసమే’ చిత్రాల దర్శకుడు త్రినాథరావు నక్కిన దర్శకత్వంలో రవితేజ ఈ సినిమాను చేస్తున్నారు. పీపుల్ మీడియా ఫ్యాక్టరీ, అభిషేర్ పిక్చర్స్ సంస్థలు సంయుక్తంగా ఈ సినిమాను నిర్మిస్తున్నాయి. అయితే, ఈ సినిమా ప్రకటన నేపథ్యంలో రవితేజ పారితోషికంపై ఇప్పుడు వదంతులు వ్యాపిస్తున్నాయి. రవితేజ తన పారితోషికాన్ని భారీగా పెంచేసినట్టు ప్రచారం జరుగుతోంది.

ఇండస్ట్రీ వర్గాల నుంచి వస్తోన్న సమాచారం మేరకు తన 68వ సినిమాకు రవితేజ రూ.16 కోట్లు రెమ్యునరేషన్‌గా తీసుకుంటున్నారట. ‘క్రాక్’ సినిమాకు రవితేజ రెమ్యునరేషన్‌తో పాటు వైజాగ్ ఏరియా కలెక్షన్స్‌లో షేర్ కూడా తీసుకున్నారని అంటున్నారు. ఈ సినిమా రవితేజకు బాగా వర్కౌట్ అయ్యింది. సినిమా బ్లాక్ బస్టర్ హిట్ కావడంతో కలెక్షన్లు భారీగానే వచ్చాయి. అంతేకాదు, రవితేజకు ఈ సినిమా పూర్వ వైభవం తీసుకొచ్చింది. అందుకే, ఈ సినిమా తరవాత రవితేజ తన రేటు భారీగా పెంచేశారని టాక్.

Teja: 21 ఏళ్ల తర్వాత ‘చిత్రం’ సీక్వెల్.. మళ్లీ జతకట్టిన తేజ, ఆర్పీ.. 45 కొత్త మొహాలు
నిజానికి ‘క్రాక్’ సినిమా కన్నా ముందే రవితేజను యూవీ క్రియేషన్స్ నిర్మాతలు సంప్రదించారట. మారుతి దర్శకత్వంలో తాము రూపొందించే సినిమాలో మొదట రవితేజను హీరోగా అనుకున్నారట. కానీ, రెమ్యునరేషన్‌ను తగ్గించుకోవడానికి రవితేజ అంగీకరించకపోవడంతో ఈ ప్రాజెక్ట్ గోపీచంద్ దగ్గరకు వెళ్లిందని అంటున్నారు. ఇక ‘క్రాక్’ ఘన విజయం సాధించడంతో రవితేజ అస్సలు తగ్గట్లేదని ప్రచారం. పీపుల్ మీడియా ఫ్యాక్టరీ, అభిషేక్ పిక్చర్స్ నిర్మాతలు కూడా రవితేజ డిమాండ్‌కు ఓకే చెప్పడంతో ఆయన రెమ్యునరేషన్ అమాంతం పెరిగిపోయిందని అంటున్నారు. ప్రస్తుతం రవితేజ తన రెమ్యునరేషన్‌ను 60 శాతం మేర పెంచి రూ.16 కోట్లకు చేర్చారని టాక్.

LEAVE A REPLY

Please enter your comment!
Please enter your name here