Ravi Teja: Krack Success Meet: నాకు కొడుకుగా చేసిన ఆ బుడ్డోడు గోపీ కొడుకే.. క్రాక్ సక్సెస్ మీట్‌లో మాస్ రాజా స్పీచ్ – mass raja ravi teja speech at krack success meet vizag

0
24


లాక్ డౌన్ తరువాత ప్రేక్షకులు తిరిగి థియేటర్స్‌కి వస్తారనే నమ్మకం ఉంది కానీ.. మరీ ఈ రేంజ్‌లో వస్తారని ఊహించలేదని అన్నారు మాస్ రాజా రవితేజ. బుధవారం నాడు వైజాగ్‌లో జరిగిన ‘క్రాక్’ సక్సెస్ మీట్‌లో పాల్గొన్న ఆయన మాట్లాడుతూ.. ‘కేకలు వేస్తే నేను మాట్లాడాల్సింది మర్చిపోతుంటా.. నేను మాట్లాడాల్సింది ఏమీ లేదు.. నాముందు మాట్లాడిన వాళ్లు అంతా చెప్పేశారు. లాక్ డౌన్ తరువాత.. ప్రీ పొంగల్‌కి రిలీజ్ అంటే చాలా అనుమానాలు ఉన్నాయి.

జనం ఖచ్చితంగా థియేటర్స్‌కి వస్తారనే నమ్మకం ఉంది కానీ.. ఈ రేంజ్‌లో వస్తారని అనుకోలేదు. నార్మల్ డేస్‌లో ఎలా అయితే ప్రేక్షకులు థియేటర్స్‌కి వస్తారో.. ఇప్పుడు కూడా అలాగే వస్తున్నారు. ఈ సందర్భంగా ఆడియన్స్‌కి నా ఫ్యాన్స్‌కి స్పెషల్ థాంక్స్. మాకు మంచి కిక్ ఈ క్రాక్‌తో ఇచ్చారు. కెమెరామెన్ జీకే విష్ణు అద్భుతమైన విజువల్ ఇచ్చాడు.. కొత్త టింట్.. కొత్త కలర్ ఇచ్చాడు. ఇరగదీసేశాడు.. ఇతను నాకు తెగ నచ్చేశాడు.

తమన్ గురించి చెప్పాలంటే.. అతను చాలా మాట్లాడేస్తున్నాడు. నాతో పదకొండు సినిమాలు చేశాడు. ఈ సినిమాకి అద్భుతమైన బ్యాగ్రౌండ్ స్కోర్ ఇచ్చారు. రామ్ లక్ష్మణ్‌లు నాకు చాలా ఇష్టమైన వాళ్లలో ఈ కవలలు ఒకరు. వీళ్ల నుంచి మొత్తం పాజిటివ్ ఉంటుంది. మేం ఇలాగే కంటిన్యూ అవ్వాలని కోరుకున్నాం. మా కెరియర్ ఒకేసారి స్టార్ట్ అయ్యింది. ఇలాగే కంటిన్యూ అవుతుంది. అలీ నేను చెన్నై నుంచి ఫ్రెండ్స్. నేను 68 సినిమాలు చేస్తే ఖచ్చితంగా మేం 50 సినిమాలు కలిసి చేశాం. నాకు మంచి ఫ్రెండ్. ఇక జయమ్మగా వరలక్ష్మి ఇరగదీసింది. ఆమె చాలా సీరియస్‌ క్యారెక్టర్ చేసింది కానీ.. ఆమెలో మంచి వెటకారం ఉంది.. అలాంటి క్యారెక్టర్ కలిసి చేద్దాం అని నాతో అంది.. ఖచ్చితంగా చేస్తాం. అప్సర్ ఐటమ్ సాంగ్‌తో బూమ్ బద్దలు చేసింది.

బుర్రా సాయి మాధవ్‌తో ఫస్ట్ టైం చేశా.. ఆయన అద్భుతంగా రాశారు. సముద్రఖని లాంటి అద్భుతమైన టాలెంట్ ఉన్న వ్యక్తితో పనిచేయడం చాలా ఆనందంగా ఉంది. శ్రుతి హాసన్‌ అదరగొట్టింది. ఫైట్ ఇరగదీసింది. గోపీచంద్ కొడుకు సాత్విక్ నాకు కొడుకుగా నటించాడు.. ఆ బుడ్డోడు ఇరగదీశాడు.. ఈ సినిమాకి పనిచేసిన అందరికీ ధన్యవాదాలు తెలియజేస్తున్నా’ అంటూ సక్సెస్ మీట్‌లో ఫుల్ జోష్‌లో మాట్లాడారు మాస్ రాజా రవితేజ.

LEAVE A REPLY

Please enter your comment!
Please enter your name here