Ration card: టీవీ, ఫ్రిజ్, బైక్ ఉంటే రేషన్ కార్డు కట్..! – have a bpl ration card and own a tv, fridge or two wheeler? surrender or face action in karnataka

0
29


ర్జాగా కార్లలో తిరుగుతూ కొంత మంది రేషన్ కార్డు మీద బియ్యం, గోధుమలు తీసుకుంటారు. అలాంటి వారికి కర్ణాటక ప్రభుత్వం షాకిచ్చింది. కారు కూడా కాదు, బైక్‌తోనే మొదలుపెట్టింది. టీవీ, ఫ్రిజ్, బైక్ లాంటి వాటిని కలిగి ఉన్నవారు వెంటనే రేషన్ కార్డును సరెండర్ చేయాలని హెచ్చరించింది. మార్చి 31 వరకు అందుకు గడువు విధించింది. లేదంటే చట్టపరంగా కఠిన చర్యలు తీసుకుంటామని.. జైలు శిక్ష కూడా ఎదుర్కోక తప్పదని స్పష్టం చేసింది.

ఐదెకరాల కంటే ఎక్కువ భూమి కలిగి ఉన్నా.. రేషన్ కార్డుకు అర్హులు కారు. దీంతో పాటు బైక్, టీవీ, ఫ్రిజ్‌ లాంటి వస్తువులున్న వారు రేషన్‌ కార్డు వదులుకోవాలని కర్ణాటక రాష్ట్ర ఆహార, ప్రజా పంపిణీ శాఖ మంత్రి ఉమేశ్‌ కత్తి పేర్కొన్నారు. లేదంటే కఠిన చర్యలు తప్పవని హెచ్చరించారు. అలాంటి వస్తువులున్నవారు ప్రభుత్వమిచ్చే రేషన్‌కు అర్హులు కాదని స్పష్టం చేశారు.

రూ.1.20 లక్షల కంటే ఎక్కువ వార్షికాదాయం ఉన్నవారు రేషన్‌ కార్డులు ఉపయోగించకూడదని మంత్రి ఉమేశ్ తెలిపారు. అలాంటి వారు మార్చి 31లోగా కార్డులను తిరిగిచ్చేయాలని.. లేదంటే చర్యలు తప్పవని అన్నారు.

మంత్రి వ్యాఖ్యలపై ప్రతిపక్ష కాంగ్రెస్‌ పార్టీ నేతలు మండిపడ్డారు. రాష్ట్రవ్యాప్తంగా పలు రేషన్‌ దుకాణాల ఎదుట కాంగ్రెస్ పార్టీ కార్యకర్తలు ఆందోళన చేపట్టారు. ప్రభుత్వ చర్య సరికాదంటూ నినాదాలు చేశారు.

‘టీవీ, ఫ్రిజ్‌ లాంటివి ఇప్పుడు నిత్యావసరం అయ్యాయి. వడ్డీ రహిత రుణాల లాంటి ఆఫర్లు వచ్చినప్పుడు సాధారణంగానే ప్రజలు ఇలాంటివన్నీ కొనుక్కుంటారు. అంతమాత్రానికే వారికి రేషన్‌ తొలగించడం సరికాదు. ఈ ప్రభుత్వం పేదలను వ్యతిరేకంగా పని చేస్తోంది’ అని కాంగ్రెస్‌ ఎమ్మెల్యే ఖాదర్‌ దుయ్యబట్టారు. మొత్తంమీద ఈ అంశం కర్ణాటకలో దుమారం రేపుతోంది. మరి బీజేపీ ప్రభుత్వం దీనిపై ముందుకువెళ్తుందా? వెనకడుగు వేస్తుందా వేచి చూడాల్సిందే.

LEAVE A REPLY

Please enter your comment!
Please enter your name here