Rashmi Gautam: వాలంటైన్స్ డే అని అలాంటి పనులొద్దు.. బలవంత పెట్టి చేస్తున్నారు! బ్రేకప్ అయ్యిందంటే.. రష్మీ ఎమోషనల్ – anchor rashmi emotional post on valentines day gifts

0
27


ప్రధానాంశాలు:

  • ఫిబ్రవరి 14 (వాలంటైన్స్ డే)
  • ప్రేమకు గుర్తుగా యువ హృదయాల బహుమతుల వేట
  • దయచేసి అలా చేయొద్దంటూ రష్మీ ఆవేదన

ఫిబ్రవరి 14.. యువ హృదయాలు తమ పుట్టినరోజునైనా మరుస్తారేమో గానీ ఈ రోజును మాత్రం ప్రత్యేకంగా గుర్తుపెట్టుకుంటారు. ప్రతి ఏడాది ఫిబ్రవరి 14వ తేదీని వాలంటైన్స్ డే (ప్రేమికుల రోజు)గా జరుపుకుంటూ ఉంటారు. ఇక ఆ రోజున తాము ఎంతగానో ప్రేమించే వ్యక్తి కోసం ఏ గిఫ్ట్ ఇవ్వాలని తెగ వెతుకుతుంటారు. ఈ క్రమంలో తమ ప్రేమకు గుర్తుగా ఓ పెట్ (డాగ్)ని గిఫ్ట్ ఇచ్చేవాళ్ళు చాలామందే ఉన్నారు. అయితే అలాంటి పనులు సరికాదంటూ తన సోషల్ మీడియా వాల్‌పై పోస్ట్ రాసింది యాంకర్ రష్మీ.

మూగ జీవాలంటే యాంకర్ రష్మీకి ఎంత ప్రేమ అనేది ప్రతి ఒక్క తెలుగు ప్రేక్షకుడికీ తెలుసు. సృష్టిలోని మూగ ప్రాణులకు ఎలాంటి హాని తలపెట్టినా అస్సలు ఊరుకోదు రష్మీ. ముఖ్యంగా పెట్స్ విషయంలో అయితే మరింతగా ప్రేమ చూపెడుతూ అక్కున చేర్చుకుంటుంది ఈ యాంకర్. లాక్‌డౌన్ వేళ వీధికుక్కలా కోసం ప్రత్యేకంగా ఆహరం వేసి వాటిపై ప్రేమను చాటుకున్న ఆమె, పెట్స్‌ను ఏ షాప్‌లోనూ కొనకండి.. ఎక్కడైనా దత్తత తీసుకోండంటూ అందరికీ అవగాహన కల్పిస్తుంటుంది.

కాగా, మరికొద్ది రోజుల్లోనే వాలంటైన్స్ డే రానున్న నేపథ్యంలో ముందుగానే అందరినీ అలర్ట్ చేస్తూ రిక్వెస్ట్ చేసింది రష్మీ. ఓ జంతు ప్రేమికురాలిగా మూగ జీవాల రక్షణపై అవగాహన కల్పిస్తూనే.. ప్రేమికుల రోజు సందర్భంగా తమ ప్రేయసిని ఇంప్రెస్ చేసేందుకు పెట్స్‌ను బహుమతులుగా ఇవ్వొద్దంటూ అభ్యర్థించింది. పెట్స్‌‌ని వాలంటైన్స్ డే గిఫ్ట్‌లుగా ఇవ్వండంటూ వస్తున్న ప్రకటనలు నమ్మకండి. అవి సరైన బ్రీడ్‌కు చెందినవి కాదని పేర్కొంది.
ఎన్టీఆర్‌ కోసం బాలీవుడ్ బ్యూటీని దించుతున్న త్రివిక్రమ్! నందమూరి ఫ్యాన్స్ గోల పెట్టే ప్లాన్..
అవన్నీ ఇల్లీగల్ బ్రీడ్స్.. వాటికి సరైన వైద్య సదుపాయాలు కూడా అందించరు. ఆడ పెట్స్‌ను బలవంత పెట్టి మరో పెట్‌కు జన్మనిచ్చేలా చేస్తుంటారని పేర్కొంటూ అందుకు సంబంధించిన పిక్ కూడా పోస్ట్ చేసింది రష్మీ. అయినా మీ మీ లవర్స్‌కి ఏ గిఫ్ట్ అయినా ఇవ్వండి కానీ మూగ జీవాలను మాత్రం ఇవ్వొద్దు. ఎందుకంటే అది దాదాపు పదిహేను నుంచి ఇరవై యేళ్ల బాధ్యత అని చెప్పింది.

Anchor Rashmi

ఒకసారి లవర్స్ మధ్య బ్రేకప్ జరిగితే వాటిని రోడ్డు మీద వదిలేయడం లాంటివి జరుగుతున్నాయి. ఇదేగాక పెట్స్‌ను పెంచాలంటే ఆర్థిక స్థోమత కూడా ఉండాలి. వాటి పట్ల ఓ ఎమోషన్‌తో కూడిన బాధ్యత ఉండాలి. వీలైతే దత్తత తీసుకొని కానీ, మీ సరదాగా కోసం మాత్రం అలా చేయొద్దంటూ తన అభిప్రాయాన్ని వెల్లడిస్తూ ఆవేదన చెందింది రష్మీ గౌతమ్.

LEAVE A REPLY

Please enter your comment!
Please enter your name here