Ram Pothineni: RED సక్సెస్ మీట్: 15 ఏళ్ల తర్వాత నాకు కాంపిటేషన్ ఎవరనేది అర్థమైంది.. సీక్రెట్ బయటపెట్టిన రామ్ – ram pothineni interesting comments in red success meet

0
22


ఎనర్జిటిక్ స్టార్ రామ్ హీరోగా కిషోర్ తిరుమల దర్శకత్వంలో రూపొందిన మూవీ RED. ఈ చిత్రంలో రామ్ రెండు విభిన్న పాత్రల్లో నటించగా.. ఆయన సరసన నివేదా పేతురాజ్‌, మాళవికా శర్మ, అమృతా అయ్యర్‌ హీరోయిన్లుగా నటించారు. భారీ అంచనాల నడుమ విడుదలైన ఈ మూవీ తొలిషో తోనే సక్సెస్ టాక్ తెచ్చుకొని కలెక్షన్స్ పరంగా దూసుకెళ్తోంది. ఈ నేపథ్యంలో నేడు (శనివారం) వైజాగ్‌లో RED సక్సెస్ మీట్ నిర్వహించారు. శ్రీముఖి హోస్ట్ చేసిన ఈ వేడుకలో రామ్ స్పీచ్ వింటూ ఈలలు వేస్తూ గోల చేశారు ఆడియన్స్.

చూస్తున్నా, చూస్తున్నా ఏదీ ఉంచుకోను. అన్నీ తిరిగిచ్చేస్తా అంటూ అభిమానులను హూషారెత్తించారు రామ్. ”సినిమాలో ట్విస్టులకన్నా సినిమా రిలీజ్ తర్వాతే పెద్ద ట్విస్ట్ జరిగింది. అదేంటంటే.. సినిమా రిలీజ్ సమయంలో ఆడియన్స్ రెస్పాన్స్ ఎలా ఉంటుందో అనుకున్నాం. మిక్స్‌డ్ రివ్యూస్ వచ్చాయి. సరేలే అనుకున్నాం. ఇంతలో నెమ్మది నెమ్మదిగా సాయంత్రం కల్లా టాక్ మారిపోయి ఓ ట్విస్ట్ వచ్చింది. హిట్ సినిమా అనేశారు. ఇక ఆ తర్వాత బిగ్గెస్ట్ ట్విస్ట్ ఏంటంటే.. కలెక్షన్స్ చూస్తుంటే రోజు రోజుకూ పెరిగిపోతున్నాయి. సస్పెన్స్ థ్రిలర్ విత్ ది ట్విస్ట్ అంటే ఇదే.

ఈ సినిమాకు మేమంతా చాలా కష్టపడ్డాం. చాలా ఇష్టపడి చేసాం. మూవీ ఇంత బాగా రావడానికి కారణం కెప్టెన్ అఫ్ ది టీమ్ కిషోర్ గారు. మాళవికను చూసి టాలీవుడ్ న్యూ క్రష్ అంటున్నారు. శ్రీముఖి.. నువ్వు సూపర్. ఎందుకంటే వీళ్లందరినీ కంట్రోల్ చేస్తున్నావ్ కదా. సరిగ్గా 15 ఏళ్ల క్రితం ఇదే సంక్రాంతి సమయానికి ‘దేవదాస్’ సినిమాతో వచ్చా. నేనెప్పుడూ కాంపిటేషన్ గురించి ఆలోచించేవాడిని కాదు. కానీ 15 ఏళ్ల తర్వాత నాకు కాంపిటేషన్ ఎవరనేది అర్థమైంది.. అది మీరే. ఇక నుంచి మీరా.. నేనా? అనేది చూపిస్తా. మీరు చూపించే ప్రేమ ఎక్కువా లేక నేను స్క్రీన్ మీద నేను చూపించే ప్రేమ ఎక్కువా? అనేది ఇక తేల్చుకుంటా. మర్చిపోను.. కాంపిటేషన్ చాలా సీరియస్‌గా తీసుకుంటా” అని రామ్ అన్నారు.
నమ్రత నన్ను మరిచిపోయింది.. మహేష్ బాబుకు ఫేమస్ నిర్మాత ట్వీట్.. వెంటనే ఆమె ఎంటరై..!!
డైరెక్టర్ కిషోర్ తిరుమల మాట్లాడుతూ.. ”మా సినిమాను సక్సెస్ చేసిన మీ అందరికీ ప్రత్యేకంగా ధన్యవాదాలు చెబుతున్నా. వైజాగ్‌కి, నాకు మంచి అనుబంధం ఉంది. షూటింగ్ మాత్రమే కాదు స్క్రిప్ట్ కోసం కూడా నేను వైజాగ్ వస్తుంటా. సినిమా సక్సెస్‌లో భాగమైన మంచి మంచి మాటలన్నీ ఈ సముద్రం ముందు కూర్చొని రాసినవే. RED సక్సెస్‌లో మెయిన్ పాత్ర హీరో రామ్‌దే. థాంక్యూ సో మచ్” అన్నారు.

LEAVE A REPLY

Please enter your comment!
Please enter your name here