ram gopal varma: ఇది మహాభారతం కాదు: మహాభారతంలో కనిపించే పాత్రలే కానీ..! బాబోయ్ వర్మ భలే స్టెప్ తీసుకున్నాడుగా..!! – ram gopal varma announced new web series idhi mahabharatam kaadhu

0
26


రామ్ గోపాల్ వర్మ.. ఒకప్పుడు ఆయన సినిమా అంటేనే జనాలకు అదో పిచ్చి. మరో ఇప్పుడు లేదా? అంటే అది మాత్రం చెప్పలేం. ఎందుకంటే వర్మ తన మేకింగ్ స్టైల్ పూర్తిగా మార్చేశారు. డిఫరెంట్ జానర్స్‌లో సినిమాలు తీస్తూ ప్రేక్షకులను కన్ఫ్యూజన్‌లో పడేస్తున్నారు. బోల్డ్, పొలిటికల్ సెటైరికల్ సినిమాలు మొదలుకొని తనకంటూ స్పెషల్ ఐడెంటిటీ తెచ్చిన హారర్ సినిమాల వరకూ ఏ ఒక్కటీ వదలడం లేదు. దీంతో గత కొన్నేళ్లుగా ఆయన తీస్తున్న చిత్రాలు నిత్యం చర్చల్లో నిలుస్తున్నాయి. తాజాగా అలాంటి మరో డిఫరెంట్ మూవీ అనౌన్స్ చేశారు ఆర్జీవీ.

ఇటీవలే పంథా మార్చిన ఆర్జీవీ, లాక్‌డౌన్ తర్వాత తనలోని మరో కోణాన్ని ఓటీటీ వేదికగా పరిచయం చేస్తున్నారు. కొత్త పుంతలు తొక్కుతున్న టెక్నాలజీని క్యాష్ చేసుకునేలా దూసుకెళ్తున్న వర్మ.. పలు వెబ్‌ సిరీస్‌ల‌ను రూపొందిస్తున్నారు. ఇందులో భాగంగా తాజాగా ‘ఇది మహాభారతం కాదు’ అనే డిఫరెంట్ సినిమా ప్రకటించారు. ఈ మేరకు టైటిల్ లుక్ సహా ఆడియో పోస్టర్ రిలీజ్ చేసి ఆసక్తి రేకెత్తించారు.

ఇది మహాభారతం కాదు అనే టైటిల్ పోస్టర్‌పై ”గిది 2019ల తెలంగాణలో ధర్మన్న, దుర్యన్న ఫ్యామిలీల నడిమిట్ల లొల్లి లేపిన ద్రుపది, కొట్లాట పెట్టిన గోపాల్ యాదవ్ గాని కథ ఆధారంగా తీస్తున్న వెబ్ సిరీస్” అని వర్మ ప్రకటించడం విశేషం. ఇక ఆడియో పోస్టర్‌లో అయితే మహాభరతంలో కనిపించే పాత్రలు ప్రపంచంలో ఎక్కడో ఒక చోట తారసపడుతుంటాయని, తెలంగాణలోని ఓ పట్టణంలోనూ అలాంటి వ్యక్తులు ఉన్నారని, దీని ఆధారంగా తాము వెబ్ సిరీస్ తెరకెక్కిస్తున్నామని వర్మ తన సొంత వాయిస్‌తో చెప్పారు.
పిచ్చి మరో లెవల్‌కి వెళ్లింది.. అభిమాని చేసిన పనిపై ఛార్మి క్రేజీ రియాక్షన్! వీడియో వైరల్
టైటిల్‌తోనే పిచ్చ క్లారిటీ ఇస్తున్నానని, చెవులు తెరుచుకుని వినాలని ఆడియో క్లిప్‌లో ఆర్జీవీ తెలపడం జనాల్లో హాట్ టాపిక్ అయింది. మహాభారతానికి లింక్ చేస్తూ వర్మ సినిమా చేస్తుండటం చర్చల్లో నిలుస్తోంది. సిరాశ్రీ రచనపై ఆనంద్ చంద్ర దర్శకత్వంలో తెరకెక్కుతున్న ఈ వెబ్ సిరీస్‌కి రామ్ గోపాల్ వర్మ పర్యవేక్షకుడిగా వ్యవహరిస్తున్నారు.

LEAVE A REPLY

Please enter your comment!
Please enter your name here