Ram Charan Shankar Movie: కన్ఫర్మ్: శంకర్ దర్శకత్వంలో రామ్ చరణ్.. దిల్ రాజు నిర్మాత – confirmed: ram charan and shankar unite for svc 50th movie

0
20


ప్రధానాంశాలు:

  • శంకర్ దర్శకత్వంలో నటించబోతున్న తొలి తెలుగు హీరో చరణ్
  • భారీ పాన్ ఇండియా మూవీగా రూపొందించనున్న దిల్ రాజు
  • శ్రీ వెంకటేశ్వర క్రియేషన్స్ 50వ చిత్రమిది

ప్రముఖ తమిళ దర్శకుడు శంకర్ గురించి పరిచయం అవసరంలేదు. టెక్నాలజీని వాడుకొని సందేశాత్మక చిత్రాలు రూపొందించడంలో ఆయన దిట్ట. భారత సినీ చరిత్రలోనే దర్శకుడిగా తనకంటూ ప్రత్యేక పేజీని లిఖించుకున్న దర్శకుడు ఆయన. ‘జెంటిల్‌మేన్‌’, ‘ప్రేమికుడు’, ‘భారతీయుడు’, ‘జీన్స్‌’, ‘ఒకే ఒక్కడు’, ‘అప‌రిచితుడు’, ‘రోబో’, ‘2.0’ వంటి భారీ బ‌డ్జెట్ చిత్రాల‌తో ఇండియ‌న్ బాక్సాఫీస్‌ను షేక్ చేసిన సెన్సేషనల్ డైరెక్టర్ ఆయన. శంకర్ దర్శకత్వంలో నటించాలని చాలా మంది కోరుకుంటారు. కానీ, ఆ అవకాశం కొందరికే దక్కుతుంది.

తెలుగులో విడుదలైన శంకర్ సినిమాలన్నీ అనువాద చిత్రాలే. తెలుగు హీరోతో ఇప్పటి వరకు ఒక్క సినిమా కూడా చేయలేదు శంకర్. ఇప్పుడు ఆ అవకాశాన్ని, రికార్డును మెగా పవర్ స్టార్ రామ్ చరణ్ అందుకున్నారు. రామ్ చరణ్ హీరోగా తొలిసారి డైరెక్ట్ తెలుగు మూవీ చేయబోతున్నారు శంకర్. రామ్ చరణ్-శంకర్ కాంబినేషన్‌లో సినిమా వస్తోందని గత కొద్ది రోజులుగా వార్తలు వస్తున్నాయి. వాటిని నిజం చేస్తూ శుక్రవారం అధికారిక ప్రకటన వెలువడింది.

‘ఏరా బుచ్చి’ అనడానికి సంకోచించాను: ‘ఉప్పెన’ సక్సెస్ సెలబ్రేషన్స్‌లో సుకుమార్
ఈ భారీ పాన్ ఇండియా మూవీని శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మిస్తున్నారు. శ్రీ వెంకటేశ్వర క్రియేషన్స్‌లో రూపొందుతోన్న 50వ సినిమా ఇది. అలాగే, రామ్ చరణ్‌కు 15వ చిత్రం. ఈ వివరాలతో కూడిన ఒక ప్రకటనను శుక్రవారం సాయంత్రం శ్రీ వెంకటేశ్వర క్రియేషన్స్ ట్విట్టర్ ద్వారా చేసింది. గతంలో ఎన్నడూ చూడని విధంగా రెండు భారీ బలాలను శ్రీ వెంకటేశ్వర క్రియేషన్స్ 50 చిత్రం ఒక్కటి చేసిందని పేర్కొంది. ఈ సినిమాను నిర్మించడం గౌరవంగా భావిస్తున్నామని వెల్లడించింది.
ఈ భారీ ప్రాజెక్ట్‌ను ప్రకటించిన సందర్భంగా నిర్మాత‌లు దిల్‌ రాజు, శిరీష్ మాట్లాడుతూ.. ‘‘సినీ నిర్మాణ రంగంలోకి అడుగుపెట్టి దాదాపు రెండు ద‌శాబ్దాల‌వుతుంది. ఈ జ‌ర్నీలో మా శ్రీ వెంక‌టేశ్వర క్రియేష‌న్స్ బ్యాన‌ర్ నుంచి స్టార్ హీరోల‌తో.. అప్ క‌మింగ్, డెబ్యూ హీరోల‌తో.. కొత్త ద‌ర్శకుల‌తో తెలుగు ప్రేక్షకుల హృద‌యాల్లో సుస్థిరంగా నిలిచిపోయే చిత్రాలను రూపొందించాం. ఇప్పుడు మా బ్యాన‌ర్‌లో ప్రతిష్టాత్మక‌మైన 50వ సినిమాను మెగా ప‌వ‌ర్‌స్టార్ రామ్‌ చ‌ర‌ణ్‌తో నిర్మిస్తున్నాం. ఆయ‌న హీరోగా న‌టిస్తున్న 15వ చిత్రమిది.

ద‌క్షిణాది సినిమా స్థాయిని ఇటు స‌బ్జెక్ట్ ప‌రంగా, అటు సాంకేతికంగా నెక్ట్స్ లెవ‌ల్‌కు తీసుకెళ్లిన‌ భారీ చిత్రాల సెన్సేషనల్ డైరెక్టర్ శంక‌ర్ ద‌ర్శక‌త్వంలో భారీ బ‌డ్జెట్‌తో పాన్ ఇండియా లెవ‌ల్లో ఈ సినిమాను నిర్మించ‌నున్నాం. చ‌ర‌ణ్‌, శంక‌ర్ వంటి క్రేజీ కాంబినేష‌న్‌లో పాన్ ఇండియా మూవీ అంటే.. సినిమాపై ఎలాంటి భారీ అంచనాలుంటాయో అర్థం చేసుకోవ‌చ్చు. ప్రేక్షకులు ఎంజాయ్ చేసేలా ఈ పాన్ ఇండియా మూవీని రూపొందిస్తాం. త్వర‌లోనే ఈ సినిమాలో న‌టించ‌బోయే ఇత‌ర న‌టీన‌టులు, సాంకేతిక నిపుణుల వివ‌రాల‌ను తెలియ‌జేస్తాం’’ అని అన్నారు.

LEAVE A REPLY

Please enter your comment!
Please enter your name here