ram charan acharya look: Ram Charan: ‘సిద్ధ’ వచ్చేశాడు ‘ఆచార్య’.. రామ్ చరణ్ సర్ ప్రైజ్ లుక్ – ram charan: welcoming siddha on to the sets of acharya

0
25


కొరటాల శివ దర్శకత్వంలో సినిమా అంటే హిట్ పక్కా అని ఫిక్స్ అయిపోతుంటారు ఆడియన్స్. ఇప్పటివరకూ ఓటమి లేని దర్శకుడిగా వరుస హిట్లతో కొరటాల తన విజయయాత్ర కొనసాగిస్తున్నారు. తాజాగా మెగాస్టార్ చిరంజీవితో ‘ఆచార్య’ చిత్రాన్ని తెరకెక్కిస్తున్న విషయం తెలిసింది. ఈ మూవీ ఫస్ట్‌లుక్‌తో పాటు.. ఇటీవల మెగాస్టార్ విడుదల చేసిన ఆలయం సెట్ సినిమాపై మరింత హైప్ పెంచింది.

అయితే ఈ చిత్రంలో మెగా పవర్ స్టార్ రామ్ చరణ్ నటిస్తుండగా.. ఆయనకి సంబంధించిన ప్రీ లుక్ పోస్టర్‌ని విడుదల చేసింది చిత్ర యూనిట్. మా సిద్ధ సర్వం సిద్ధం అంటూ రామ్ చరణ్ లుక్‌లు రివీల్ చేశాడు దర్శకుడు కొరటాల శివ. నేటి నుంచి రామ్ చరణ్‌పై కీలక సన్నివేశాలు చిత్రీకరించబోతున్నారు కొరటాల. ఈ సందర్భంగా సిద్ధకి స్వాగతం పలుకుతూ ఈ సర్ ప్రైజ్ లుక్‌ని షేర్ చేశారు కొరటాల.

మెడలో రుద్రాక్షలతో చెవి పోగు పెట్టుకుని ఆలయంలోకి అడుగుపెడుతున్నట్టుగా ఉన్న ఈ లుక్‌లో రామ్ చరణ్ ఫేస్‌ని రివీల్ చేయలేదుకానీ.. అతని పాత్ర ఎలా ఉండబోతుందనే దానికి హింట్ ఇస్తూ పోస్టర్ విడుదల చేశారు.

కాగా కొరటాల సినిమాలంటే సోషల్ మెసేజ్ కామన్. ఆచార్య కూడా సోషల్ మెసేజ్ ఓరియెంటెడ్ మూవీ. ఇందులో మెగాస్టార్ పవర్‌ఫుల్‌ దేవాదాయ ధర్మాదాయశాఖ అధికారి పాత్రలో కనిపించనున్నారు. ఇక రామ్ చరణ్ మాజీ నక్సలైట్‌గా 30 నిమిషాల నిడివి ఉన్న పాత్రలో కనిపించనున్నట్టు తెలుస్తోంది. ఫ్లాష్ బ్యాక్ ఎపిసోడ్‌లో రామ్ చరణ్‌ది ఓ పవర్ ఫుల్ నక్సలైట్ పాత్ర అని.. ఒక మిషన్‌లో పని చేస్తూ ప్రాణాలు కోల్పోయే మాజీ నక్సలైట్‌గా కనిపించబోతున్నారంటూ వార్తలు వచ్చాయి. అయితే లేటెస్ట్ సిద్ధ లుక్ చూస్తే.. నక్సలైట్ పాత్రకి ఈ క్యాస్టూమ్‌కి సంబంధం లేనట్టే ఉంది. చూడాలి మరి.. సర్వం సిద్ధం అంటూ వచ్చిన ఈ ‘సిద్ధ’ను కొరటాల ఎలా చూపిస్తారో.

రామ్ చరణ్.. తన తండ్రితో కలిసి ‘మగధీర’, ‘బ్రూస్లీ’, ‘ఖైదీ నెంబర్ 150’ సినిమాలో స్క్రీన్ షేర్ చేసుకున్నారు. ఇపుడు పూర్తి స్థాయిలో వీళ్లిద్దరు కలిసి నటించబోతున్న సినిమా ‘ఆచార్య’ కావడం విశేషం. ఈ సినిమాను రామ్ చరణ్.. కొణిదెల ప్రొడక్షన్స్, మ్యాట్నీ ఎంటర్టైన్మెంట్ బ్యానర్‌లో నిరంజన్ రెడ్డి కలిసి సంయుక్తంగా తెరకెక్కిస్తున్నారు.

LEAVE A REPLY

Please enter your comment!
Please enter your name here