Rakul Preet Singh: అక్కను ప్రభాస్‌తో చూడాలని ఉంది: మనసులో మాట బయటపెట్టిన రకుల్ తమ్ముడు – i want to see my sister with prabhas says rakul preet singh brother aman

0
32


టాలీవుడ్‌లో స్టార్ హీరోయిన్‌గా ఎదిగి ప్రస్తుతం బాలీవుడ్‌పై కన్నేసిన రకుల్ ప్రీత్ సింగ్ తన తమ్ముడు అమన్‌ను హీరోగా పరిచయం చేస్తున్న సంగతి తెలిసిందే. ‘తెర వెనుక’ అనే చిత్రం ద్వారా అమన్ హీరోగా ఎంట్రీ ఇస్తున్నారు. నిజానికి ఈ సినిమా కన్నా ముందు ‘నిన్నే పెళ్లాడతా’ చిత్రాన్ని అమన్ అంగీకరించారు. ఈ సినిమా చిత్రీకరణ కూడా పూర్తయింది. ఒక పాట కూడా విడుదల చేశారు. కానీ, ఈ సినిమా విడుదల తేదీని ఇంకా ప్రకటించలేదు. ‘తెర వెనుక’ చిత్రం మాత్రం జనవరి 1న ప్రేక్షకుల ముందుకు వస్తోంది.

ప్రస్తుతం అమన్ తన ‘తెర వెనుక’ చిత్ర ప్రచారంలో బిజీగా ఉన్నారు. ఈ క్రమంలో ఒక యూట్యూబ్ ఛానెల్‌కు ఇచ్చిన ఇంటర్వ్యూలో తన ఫ్యామిలీ గురించి మాట్లాడారు. తన తండ్రి ఆర్మీ రిటైర్డ్ కల్నల్ అని, తల్లి ఇంట్లోనే ఉంటారని చెప్పారు. తాను, అక్క సినిమా ఇండస్ట్రీలోకి వెళ్తామంటే నాన్న ఎలాంటి అభ్యంతరం చెప్పలేదని అమన్ అన్నారు. ‘‘మీరు చేసే పని కోసం బాగా కష్టపడండి.. 100 శాతం కృషి చేయండి అని నాన్న చెప్పారు. ఇప్పుడు ప్రతి ఫ్యామిలీలో ఇలానే ప్రోత్సహిస్తున్నారు. నాన్న ప్రోత్సహించారు కాబట్టే నేను ఇక్కడ ఉన్నాను’’ అని అమన్ చెప్పుకొచ్చారు.

వరుణ్ తేజ్‌కు కరోనా పాజిటివ్.. క్రిస్మస్ వేడుకలే కొంపముంచాయా?
తన అక్క రకుల్ పెళ్లి గురించి మాట్లాడుతూ.. ‘‘ఈ విషయం గురించి నాకు ఏమీ తెలీదు. అసలు నేను ఏం ఆలోచించలేదు. ఆ ఛాన్స్ అక్కకే ఇచ్చేశాం. ముందు ఆమె ఒకరిని సెలెక్ట్ చేసుకోవాలి. ఆ తరవాత మేం నిర్ణయం తీసుకుంటాం’’ అని చెప్పారు. ప్రస్తుతం ఆమె ఎవరితో ప్రేమలో లేదని.. అస్సలు ఆమెకు అంత సమయం కూడా లేదని అమన్ వెల్లడించారు. తనకు కాబోయే బావ ఒక మంచి మనిషి అయితే చాలని అన్నారు. విలువలు, క్రమశిక్షణ, నిజాయతీ ఉంటే చాలన్నారు.

సినిమా ఇండస్ట్రీలో తనకు బెస్ట్ ఫ్రెండ్స్ ఎవరూ లేరని అన్నారు అమన్. అక్క రకుల్‌కు అయితే మంచు లక్ష్మి బెస్ట్ ఫ్రెండ్ అని చెప్పారు. తనకు లక్ష్మి, మనోజ్ ఇండస్ట్రీలో బాగా క్లోజ్ అని వెల్లడించారు. ఇక హీరోలతో రకుల్ ఫ్రెండ్‌షిప్ గురించి తనకు తెలీదని అన్నారు. ఇక ‘సరైనోడు’, ‘నాన్నకు ప్రేమతో’ సినిమాల్లో రకుల్ నటన తనకు చాలా ఇష్టమని అమన్ చెప్పారు. ముఖ్యంగా ‘సరైనోడు’లో ఇంటర్వెల్ బ్యాంగ్‌లో వచ్చే సన్నివేశాల్లో రకుల్ నటన అద్భుతమన్నారు. అయితే, తన అక్కను ప్రభాస్ పక్కన చూడాలని ఉందని అమన్ మనసులో కోరిక బయటపెట్టారు.

వీడియో: హిమజ బర్త్‌డే సెలబ్రేషన్స్.. బిగ్ బాస్ ఫ్యామిలీకి గ్రాండ్ పార్టీ ఇచ్చిన నటి
ప్రభాస్ హైట్, పర్సనాలిటీకి రకుల్ బాగా సరిపోతుందని అమన్ అభిప్రాయపడ్డారు. ప్రభాస్ చాలా మంచి వ్యక్తని తాను విన్నానని.. అయితే, ఇప్పటి వరకు తాను ప్రభాస్‌ను కలవలేదని అమన్ చెప్పారు. తెలుగులో ఇంచుమించుగా స్టార్ హీరోలందరి సరసన రకుల్ నటించిందని.. ఇకపై ప్రభాస్‌కు జంటగా తెరపై ఆమెను చూడాలనుకుంటున్నానని అమన్ వెల్లడించారు.

LEAVE A REPLY

Please enter your comment!
Please enter your name here