Rakesh Asthana: లంచం కేసులో మాజీ ప్రత్యేక డైరెక్టర్ రాకేశ్ ఆస్థానాకు సీబీఐ క్లీన్ చిట్ – cbi clears farmer special director rakesh asthana of all charges, say sources

0
23


ప్రధానాంశాలు:

  • మరో కేసులో సీబీఐ మాజీ అధికారికి క్లీన్ చిట్.
  • ఎటువంటి ఆధారాల్లేవని కేసు క్లోజ్ చేసిన సీబీఐ.
  • రాకేశ్ ఆస్థానాకు వరుసగా రెండో కేసులో ఉపశమనం.

స్టెర్లింగ్ బయోటెక్ ఫార్మా కంపెనీ నుంచి లంచం తీసుకున్నట్టు ఆరోపణలు ఎదుర్కొంటున్న సీబీఐ మాజీ ప్రత్యేక డైరెక్టర్ రాకేశ్ అస్థానాకు ఆ కేసు క్లీన్ చిట్ ఇచ్చినట్టు విశ్వసనీయ వర్గాలు తెలిపాయి. సీబీఐ నుంచి 2018లో తొలగించిన తర్వాత ఆయనకు క్లీన్ చిట్ ఇవ్వడం ఇది రెండోసారి కావడం గమనార్హం. ప్రస్తుతం బోర్డర్ సెక్యూరిటీ ఫోర్స్ చీఫ్‌గా ఉన్న రాకేశ్ ఆస్థానాకు.. గతేడాది మార్చిలో ఓ లంచం కేసులో క్లీన్ చిట్ ఇచ్చింది.

హైదరాబాద్‌కు చెందిన మాంసం ఎగుమతుల వ్యాపారి మెయిన్ ఖురేషీ నుంచి లంచం తీసుకున్నట్టు ఆరోపణలు ఎదుర్కొన్నారు. గతవారం సీబీఐ డైరెక్టర్‌గా పదవీ విరమణ చేసిన ఆర్కే శుక్లా.. రాకేశ్ ఆస్థానా సహా ఆరోపణలు ఎదుర్కొంటున్న పలువురి అధికారులకు సంబంధించిన ఫైల్స్‌పై క్లీన్ చిట్ ఇస్తూ జనవరిలో ఆయన సంతకం చేసినట్టు అధికార వర్గాలు పేర్కొన్నాయి. ‘ఎటువంటి ఆధారాల్లేనందున ఈ కేసును మూసివేయాలని దర్యాప్తు బృందం, పర్యవేక్షణ అధికారులు ఏకగ్రీవంగా నిర్ణయం తీసుకున్నారు’ అని తెలిపాయి.

ఇదిలా ఉండగా 2017 ఆగస్టు 30న స్టెర్లింగ్ బయోటెక్ నుంచి లంచం తీసుకున్నట్టు ముగ్గురు సీబీఐ అధికారులపై కేసు నమోదయ్యింది. స్టెర్లింగ్ బయోటెక్‌కు చెందిన చేతన్, నితీశ్ సందేశారా సోదరుల వద్ద 2011లో ఐటీ దాడుల సందర్భంగా లభించిన డెయిరీ ఆధారంగా ఈ కేసును నమోదు చేశారు. సందేశారా సోదరుల నుంచి రాకేశ్ ఆస్థానా రూ.4 కోట్ల లంచం తీసుకున్నట్టు అప్పటి సీబీఐ డెరెక్టర్ అలోక్ వర్మ ఆరోపించారు.

‘అలోక్ వర్మ పేరుతో రాసి ఉన్న 12 అంకెల బ్యాంకు ఖాతా గురించి ఆరా తీయగా అది ఏ బ్యాంకులో లేదని తేలింది.. మూడేళ్లపాటు జరిగిన ఈ విచారణలో ప్రతి అంశాన్ని క్షుణ్ణంగా పరిశీలించారు.. పలు ఆధారాలను సేకరించిన తర్వాత కేసును మూసివేయాలని దర్యాప్తు బృందం నిర్ణయానికి వచ్చింది’ అని విశ్వసనీయ వర్గాలు తెలిపాయి.

ఇదిలా ఉండగా, రాకేశ్ ఆస్థానాను సీబీఐ ప్రత్యేక డైరెక్టర్‌గా 2017లో నియమించడాన్ని అలోక్ వర్మ తీవ్రంగా వ్యతిరేకించారు. ఆయనపై అవినీతి ఆరోపణలు ఉన్నాయని పేర్కొంటూ కేంద్ర విజిలెన్స్ కమిషనర్‌కు నోట్ పంపారు. దీనిపై స్పందించిన సీవీసీ.. ఆస్థానాను సీబీఐ నుంచి తొలగించాలని మరుసటి ఏడాది ఆదేశించారు.

LEAVE A REPLY

Please enter your comment!
Please enter your name here