rail roko: రైల్వే అధికారులకు స్వీట్లు, పూలవర్షం.. రైల్ రోకో ఎంత ప్రశాంతం! – farmers protest: rail roko agitation passed off without any untoward incident, says indian railways

0
24


రైతులు తమ ఆందోళనలో భాగంగా నిర్వహించిన ‘రైల్ రోకో’ శాంతియుతంగా ముగిసింది. ట్రాక్టర్ల ర్యాలీ సందర్భంగా ఢిల్లీలో హింసాత్మక ఘటనలు చోటుచేసుకున్న నేపథ్యంలో ఈసారి ఎలాంటి పరిణామాలు జరుగుతాయోనని ఆందోళన చెందారు. పోలీసులు కట్టుదిట్టమైన చర్యలు చేపట్టారు. అయితే.. అధికారులు ఊహించిన దానికంటే ప్రశాంతంగా ఆందోళన ముగియడంతో ఊపిరి పీల్చుకున్నారు. వ్యవసాయ చట్టాలను రద్దు చేయాలని డిమాండ్ చేస్తూ ఆందోళన నిర్వహిస్తున్న రైతులు గురువారం (ఫిబ్రవరి 18) దేశవ్యాప్తంగా రైల్ రోకో నిర్వహించారు. సంయుక్త కిసాన్ మోర్చా ఆధ్వర్యంలో మధ్యాహ్నం 12 గంటల నుంచి 4 గంటల వరకు రైల్ రోకో జరిగింది.

రైల్ రోకో శాంతియుతంగా ముగిసిందని అటు ఇండియన్ రైల్వే ప్రకటించింది. రైళ్ల రాకపోకలపై ప్రభావం స్వల్పం మాత్రమేనని తెలిపింది. ‘అసలు ప్రభావమేమీ లేదని చెప్పవచ్చు..’ అని పేర్కొంది. రైల్ రోకో నేపథ్యంలో రైల్వే అధికారులు ముందస్తు చర్యలు చేపట్టారు. కొన్ని రైళ్ల వేళలను మార్పు చేశారు. మరికొన్ని రైళ్లను రద్దు చేశారు.

చాలా చోట్ల రైతులు, రైల్వే అధికారులు పరస్పరం సహకరించుకున్నారు. రైతులు పట్టాలపై బైఠాయించడంతో.. రైల్ రోకో సమయం ముగిసేంత వరకు రైళ్లను పట్టాలపై అలాగే నిలిపేశారు. సమయం ముగిసిన వెంటనే రైతులు అడ్డు తప్పుకోవడంతో రైళ్లను యథావిధిగా నడిపించారు.

ఉత్తర ప్రదేశ్‌లోని గజియాబాద్ జిల్లా మోదీ నగర్‌లో రైతులు రైల్వే పోలీసులపై పూలు చల్చారు. అనంతరం స్వీట్లు పంపిణీ చేశారు. ఇక్కడ రైతుల ఆందోళన కారణంగా.. ఒడిశాలోని పూరి నుంచి ఉత్తరాఖండ్‌లోని హరిద్వార్ వరకు ప్రయాణించే ఉత్కల్ ఎక్స్‌ప్రెస్ రైలు కొన్ని గంటల పాటు నిలిచిపోయింది. సాయంత్రం 4 గంటలకు రైల్‌ రోకో ముగియడంతో నిరసనలో పాల్గొన్న రైతులు, రైల్వే పోలీసులపై పూలు చల్లి వారికి మిఠాయిలు పంపిణీ చేశారు.

రైల్ రోకో కారణంగా రైలు నిలిచిపోవడంతో గుజరాత్‌కు చెందిన కొంత మంది ప్రయాణికులు రైల్వే స్టేషన్లో గార్బా నృత్యం చేశారు. జలంధర్ రైల్వే స్టేషన్‌లో ఈ ఘటన చోటు చేసుకుంది.

LEAVE A REPLY

Please enter your comment!
Please enter your name here