Raashi Khanna: స్విమ్మింగ్ పూల్ వద్ద రాశీ ఖన్నా చిల్లింగ్.. బికినీలో బాప్‌రే అనిపిస్తోంది! – raashi khanna caught in between schedules in goa chilling out

0
21


ప్రధానాంశాలు:

  • బికినీలో హాట్‌గా రాశీ ఖన్నా
  • స్విమ్మింగ్ పూల్ వద్ద జలకన్యలా హీరోయిన్
  • ప్రస్తుతం వరుస ప్రాజెక్టులతో బిజీగా రాశీ

హీరోయిన్ రాశీ ఖన్నా లాక్‌డౌన్‌కు ముందు ఒకలా.. లాక్‌డౌన్ తరవాత ఒకలా కనిపిస్తున్నారు. లాక్‌డౌన్ సమయంలో ఏం జరిగిందో తెలీదు కానీ రాశీ ఖన్నా కాస్త హాట్‌గా మారారు. అంతకు ముందు లేని విధంగా హాట్ ఫొటోషూట్‌లు సోషల్ మీడియాలో పోస్ట్ చేసి అందరినీ ఆశ్చర్యపరిచారు. కేవలం ఎక్స్‌పోజింగ్ ఫొటోషూట్‌లు మాత్రమే కాకుండా సంప్రదాయ చీరకట్టు, ఓణీల్లోనూ రాశీ మెరిశారు. అయితే, తాజాగా మరోసారి తన హాట్ అవతార్‌ను అభిమానులకు రుచి చూపించారు రాశీ.

స్విమ్మింగ్ పూల్ వద్ద స్విమ్ షూట్‌లో దర్శనమిచ్చారు. బికినీలో బాప్‌రే అనిపిస్తూ ఫొటోలకు పోజులిచ్చారు. ప్రస్తుతం గోవాలో సినిమా షూటింగుల్లో పాల్గొంటున్న రాశీ ఖన్నా.. షెడ్యూళ్ల మధ్య స్విమ్మింగ్ పూల్ వద్ద సేదదీరారు. అక్కడ తీసుకున్న హాట్ ఫొటోలను ట్విట్టర్ ద్వారా అభిమానులతో పంచుకున్నారు. ఈ ఫొటోలు చూసిన అభిమానులు రాశీ అందాన్ని చూసి సూపర్ అంటూ కామెంట్లు పెడుతున్నారు. ప్రస్తుతం ఈ ఫొటోలు వైరల్‌గా మారాయి.
రాశీ ఖన్నాకు తెలుగు రాష్ట్రాల్లో మంచి ఫాలోయింగ్ ఉంది. ‘మనం’ చిత్రంతో టాలీవుడ్‌కు పరిచయం అయిన రాశీ ఖన్నా.. ‘ఊహలు గుసగుసలాడే’ సినిమాతో ప్రేక్షకులను కట్టిపడేశారు. తన చిరునవ్వుతో కుర్రాళ్ల గుడ్డెల్ని కొల్లగొట్టారు. ఆ తరవాత యంగ్ హీరోల సరసన వరుస సినిమాలు చేసి తనకంటూ ప్రత్యేకమైన గుర్తింపును సంపాదించుకున్నారు. ‘బెంగాల్ టైగర్’, ‘సుప్రీమ్’, ‘హైపర్’, ‘జై లవ కుశ’ వంటి హిట్ సినిమాలను తన ఖాతాలో వేసుకున్నారు. ముఖ్యంగా ‘సుప్రీమ్’లోని బెల్లం శ్రీదేవి పాత్ర రాశీ ఖన్నా కెరీర్‌లో ప్రత్యేకంగా నిలిచిపోతుంది.

‘గాలి సంపత్’ రిలీజ్ డేట్ ఫిక్స్.. నవ్వుల సందడికి తండ్రీకొడుకులు రెడీ
మధ్యలో రాశీ ఖన్నా నటించిన కొన్ని సినిమాలు బాక్సాఫీసు వద్ద బోల్తా కొట్టినా 2018లో వచ్చిన ‘తొలిప్రేమ’, 2019లో విడుదలైన ‘వెంకీ మామ’, ‘ప్రతిరోజూ పండగే’ చిత్రాలు రాశీ ఖన్నాకు పూర్వ వైభవం తీసుకొచ్చాయి. తెలుగుతో పాటు తమిళంలోనూ బిజీ అయ్యారు రాశీ. ‘టెంపర్’కు తమిళ రీమేక్ అయిన విశాల్ ‘అయోధ్య’లో రాశీ ఖన్నా నటించారు. ప్రస్తుతం రాశీ చేతిలో నాలుగు తమిళ సినిమాలు, ఒక మలయాళం సినిమా ఉంది. తెలుగులో గోపీచంద్ సరసన మరోసారి నటించబోతున్నారని టాక్.

LEAVE A REPLY

Please enter your comment!
Please enter your name here