Punjab Haryana High Court: భర్తను భార్యే హత్యచేసినా ఆమెకు పెన్షన్ ఇవ్వాల్సిందే.. మరో హైకోర్టు అసాధారణ తీర్పు! – wife eligible for family pension even if she murders husband says punjab haryana high court

0
23


ప్రధానాంశాలు:

  • భర్తను భార్య చంపినా ఆమెకు పెన్షన్ హక్కుందని తీర్పు.
  • హత్య కేసులో అరెస్టయిన మహిళకు పింఛన్ ఇవ్వాలన్న హైకోర్టు.
  • మరో వ్యక్తిని పెళ్లాడినా భార్యకే హక్కులు ఉంటాయన్న పంజాబ్ కోర్టు.

ఇటీవల పోక్సో చట్టం కింద నమోదయిన కేసుల్లో బాంబే హైకోర్టు నాగ్‌పూర్ బెంచ్ ఇచ్చిన తీర్పులపై దేశవ్యాప్తంగా చర్చనీయాంశమైన విషయం తెలిసిందే. తాజాగా, పంజాబ్ హరియాణ హైకోర్టు సైతం అటువంటి అసాధారణ తీర్పును ఇచ్చి వార్తల్లో నిలిచింది. భర్తను భార్య హత్యచేసినా, ఆమె మరో పెళ్లి చేసుకున్నా ఆ మహిళకే పెన్షన్‌ హక్కులు ఉంటాయని ఓ కేసులో తీర్పు వెల్లడించింది. ప్రభుత్వ ఉద్యోగి భార్యకున్న కుటుంబ పింఛను హక్కు కాదనలేనదని అంబాలకు చెందిన బల్జీత్ కౌన్ అనే మహిళ కేసులో పంజాబ్ హరియాణా హైకోర్టు ఈ తీర్పు చెప్పింది.

‘బంగారుగుడ్లు పెట్టే కోడిని ఎవరూ కిరాతకంగా చంపుకోరు’అంటూ ఈ సందర్భంగా న్యాయస్థానం వ్యాఖ్యలు చేసింది. కేసు వివరాల్లోకి వెళితే హరియాణాకు చెందిన తర్సెమ్ సింగ్ ప్రభుత్వ ఉద్యోగం చేస్తూ 2008లో మృతిచెందారు. ఆయన భార్య బల్జీత్ కౌర్‌పై 2009లో హత్యానేరం కేసు నమోదుకాగా.. ఆమెను న్యాయస్థానం 2011లో దోషిగా నిర్ధారిస్తూ జైలు శిక్ష ఖరారు చేసింది. దీంతో పెన్షన్‌ను హరియాణా కుటుంబం నిలిపివేసింది. దీనిపై బల్జీత్ కౌర్ కోర్టును ఆశ్రయించారు. ఆమె పిటిషన్‌ను విచారణకు స్వీకరించిన న్యాయస్థానం జనవరి 25న తీర్పు వెలువరించింది.

‘కుటుంబ పెన్షన్ అనేది సంక్షేమ పథకం. ప్రభుత్వ ఉద్యోగి మరణించినప్పుడు ఆ కుటుంబాన్ని ఆర్థికంగా ఆదుకోవడానికి దాన్ని ప్రవేశపెట్టారు. క్రిమినల్‌ కేసులో ఆమెకు జైలుశిక్ష పడ్డా ఈ పథకం కింద భార్యకున్న హక్కును కాదనలేం.. ఆమె మరో వ్యక్తిని వివాహం చేసుకున్నా హక్కుదారే’ అని హైకోర్టు స్పష్టం చేసింది. ప్రభుత్వ ఉత్తర్వులను పక్కనపెట్టిన న్యాయస్థానం.. బల్జీత్ కౌర్ రావాల్సిన కుటుంబ పెన్షన్, పాత బకాయిలు రెండు నెలల్లో విడుదల చేయాలని ఆదేశించింది. భర్త మరణానంతరం కుటుంబ పింఛను హక్కుదారు భార్యేనంటూ 1972 సీసీఎస్‌ (పెన్షన్) నిబంధనల ప్రకారం హైకోర్టు ఈ తీర్పును ఇచ్చింది.

LEAVE A REPLY

Please enter your comment!
Please enter your name here