Pradeep Machiraju: ఇది మా అబ్బాయి సినిమా అంటున్నారు.. ఆయనకి రుణపడి ఉంటా: యాంకర్ ప్రదీప్ ఎమోషనల్ కామెంట్స్ – anchor pradeep speech at 30 rojullo preminchadam ela success meet

0
35


ప్రధానాంశాలు:

  • ’30 రోజుల్లో ప్రేమించటం ఎలా?’ థాంక్స్ మీట్
  • భారీ కేక్ కట్ చేసి సక్సెస్ సెలబ్రేషన్స్‌
  • ప్రతి ప్రేక్షకుడికి పాదాభివందనం అంటూ ప్రదీప్ స్పీచ్

బుల్లితెర యాంకర్ వెండితెర హీరో అయ్యాడు. అదేనండీ.. యాంకర్ ప్రదీప్ ’30 రోజుల్లో ప్రేమించటం ఎలా??’ అంటూ ఇటీవలే ప్రేక్షకుల ముందుకొచ్చి సక్సెస్ అయ్యాడు. చిత్రంలో ప్రదీప్ సరసన అమృత అయ్యర్ హీరోయిన్‌గా నటించింది. యస్వీ ప్రొడక్షన్స్ బ్యానర్‌పై ఫణి ప్రదీప్ (మున్నా) దర్శకత్వంలో రూపొందిన ఈ సినిమా జనవరి 29న ప్రపంచ వ్యాప్తంగా విడుదలై నేటికీ హౌస్ ఫుల్ కలెక్షన్స్‌తో రన్ అవుతోంది. ఈ సందర్బంగా ఆడియెన్స్‌కి థాంక్స్ చెప్పడానికి థాంక్స్ మీట్ ఏర్పాటు చేసింది చిత్రయూనిట్.

ఫిబ్రవరి 4వ తేదీ హైదరాబాద్‌లో జరిగిన ఈ కార్యక్రమంలో హీరో ప్రదీప్ మాచిరాజు, దర్శకుడు మున్నా, సంగీత దర్శకుడు అనూప్ రూబెన్స్, కెమెరామెన్ శివేంద్ర, నిర్మాత యస్వీ బాబు, నటులు శుభలేఖ సుధాకర్, భద్రం, నటి హేమ తదితరులు పాల్గొన్నారు. భారీ కేక్ కట్ చేసి సక్సెస్ సెలెబ్రేషన్స్‌ని ఘనంగా జరుపుకున్నారు. ఈ సందర్భంగా హీరో ప్రదీప్ మాచిరాజు మాట్లాడుతూ ఈ సినిమా విజయంపై ఎమోషనల్ కామెంట్స్ చేశారు.
పెళ్లి గోల భరించలేక ప్రభాస్ కీలక నిర్ణయం! బడా బిజినెస్‌మెన్ కూతురిని ఫైనల్ చేసిన రెబల్ స్టార్ ఫ్యామిలీ
”ఇది మా అబ్బాయి సినిమా అంటూ కుటుంబ సమేతంగా థియేటర్స్‌కి వచ్చి ఈ సినిమాని చూస్తున్న ప్రతి ప్రేక్షకుడికి పాదాభివందనం చేస్తున్నా. రిలీజైన నాటి నుండి నేటి వరకు 25 థియేటర్స్ సందర్శించాం. ఆడియన్స్ రెస్పాన్స్ చూస్తుంటే ఎంతో ఆనందం కలుగుతోంది. సినిమా చాలా చాలా బాగుంది అని ప్రతీ ఒక్కరూ అభినందిస్తున్నారు. మేము ఊహించనంత హిట్ చేసిన అభిమానులకు, ప్రేక్షకులకు ధన్యవాదాలు. యస్వీ బాబు గారు సొంతకొడుకు సినిమాకి కేర్ తీసుకున్నంతగా నన్ను చూసుకొని హీరోగా మంచి సినిమా ద్వారా లాంచ్ చేశారు. ఆయనకి ఎప్పుడూ రుణపడి ఉంటాను.
ఏంటి.. రాడ్లు దింపుతారా? ఏ ఒక్కడినీ వదల.. పార్టీల పేర్లు చెబుతూ మాధవీలత సెన్సేషనల్ కామెంట్స్
అలాగే నాకు జీవితాంతం గుర్తుండిపోయే సినిమా ఇచ్చిన డైరెక్టర్ మున్నాకి చాలా థాంక్స్. ఒక అన్నలా భావించి నాతో ఈ సినిమా చేశాడు మున్నా. ఈ సినిమాకి నేను హీరో కాదు. కథే హీరో. మెయిన్ లీడ్ పాత్ర చేసానంతే. మా అందరికీ ఇది ఒక డ్రీమ్ ప్రాజెక్ట్. అలాగే లైఫ్ లాంగ్ గుర్తుండి పోయే పాటలు ఇచ్చిన అనూప్‌కి థాంక్స్. నా మొదటి సినిమా జర్నీలో టీం అందరూ చాలా కష్టపడి చేశారు. ఆరంభంలోనే నాకు ఒక సక్సెస్‌ఫుల్ సినిమా ఇచ్చారు. ముఖ్యంగా మా ఆర్ట్ డైరెక్టర్ నరేష్ షూటింగ్ టైంలో అనుకోకుండా మా అందరికీ దూరమయ్యారు. ఆయన లేనిలోటు మాకు చాలా వెలిథిగా ఉంది. నా క్యారెక్టర్‌ని స్కెచెస్ వేసి అద్భుతంగా డిజైన్ చేశారు. ఆయన కుటుంబానికి మేమంతా జీవితాంతం తోడుంటామని ప్రామిస్ చేస్తున్నాం. ఇక నేను చేసే ప్రతీ సినిమా మొదటి సినిమాలా భావించి కష్టపడి చేస్తానని మాటిస్తున్నాను” అన్నారు ప్రదీప్.

LEAVE A REPLY

Please enter your comment!
Please enter your name here