PoK boy: PoK నుంచి దారితప్పి వచ్చిన బాలుడు.. ఆర్మీ జవాన్ల అదుపులో! – jammu kashmir: minor boy from pok held along loc in poonch

0
37


పాక్ ఆక్రమిత కశ్మీర్‌ (పీవోకే) నుంచి ఓ బాలుడు భారత భూభాగంలోకి వచ్చాడు. ఆ బాలుణ్ని ఇండియన్ ఆర్మీ జవాన్లు అదుపులోకి తీసుకున్నారు. జమ్మూ కశ్మీర్‌లోని పూంచ్ సెక్టార్‌లో పీవోకే వైపు నుంచి 14 ఏళ్ల ఓ బాలుడు భారత్ వైపు వచ్చాడని అధికారులు తెలిపారు. పూంచ్‌లోని స్పెషల్ ఆపరేషన్స్ గ్రూప్ ఆ బాలుడిని గుర్తించి అదుపులోకి తీసుకుందని వెల్లడించారు. అతడు పొరపాటున భారత భూభాగంలోకి వచ్చి ఉంటాడని భావిస్తున్నారు.

పూంచ్ సెక్టార్‌లోని అజోట్ గ్రామ సమీపంలోని బతర్ నల్లా వద్ద బాలుడిని గుర్తించినట్లు ఏఎన్‌ఐ వెల్లడించింది. ఆ బాలుడు తమ ఆధీనంలో ఉన్నట్లు పాక్ సైన్యానికి సమాచారం చేరవేసినట్లు పూంచ్‌ ఎస్‌ఎస్‌పీ రమేశ్ అంగ్రాల్ తెలిపారు. ఆ బాలుడి చొరబాటులో ఎలాంటి దురుద్దేశం లేదని తేలితే.. పాకిస్థాన్‌ అధికారులతో చర్చలు జరిపి అతడిని అప్పగిస్తామని ఆయన చెప్పారు.

ఇండియన్ ఆర్మీ ఆప్యాయతకు ముగ్ధులైన మైనర్ బాలికలు
పాకిస్థాన్ ఆక్రమిత కశ్మీర్‌ నుంచి కొంత మంది సరిహద్దులు దాటి భారత భూభాగంలోకి అడుగుపెట్టే ఘటనలో సరిహద్దులో తరచూ జరుగుతున్నాయి. గత డిసెంబర్ నెలలో ఇద్దరు మైనర్ బాలికలు ఇలాగే భారత్‌ వైపునకు వచ్చారు. సోదరుడు కొట్టడంతో ఇంట్లోంచి పారిపోయి వచ్చిన ఆ బాలికలు దారితప్పి పొరపాటున భారత భూభాగంలో ప్రవేశించారు.

సైనిక అధికారులు వారిని గుర్తించి అదుపులోకి తీసుకున్నారు. పొరపాటున సరిహద్దును దాటినట్లు గుర్తించి వారికి రక్షణ కల్పించారు. చలి నుంచి రక్షణ కోసం వారికి స్వెటర్లను కొనిచ్చారు. ఆ తర్వాత బిర్యానీ తినిపించి స్థానికంగా బస కల్పించారు. భారత సైనికుల అప్యాయతకు ముగ్ధులైన ఆ బాలికలు.. తమను శ్రీనగర్ తీసుకెళ్లాలని కోరారు. జవాన్లు అది కుదరదని చెప్పారు. ఆ తర్వాత కొన్ని బహుమతులు ఇచ్చి ఆ బాలికలను పాక్ సైన్యానికి అప్పగించారు. వాళ్లు భారత జవాన్లతో కలిసి తీసుకున్న ఫోటోలు పాకిస్థాన్‌లో సోషల్ మీడియాలో వైరల్ అయ్యాయి.

LEAVE A REPLY

Please enter your comment!
Please enter your name here