petrol at 100: పెట్రోల్ @100: సెలబ్రేషన్స్ షురూ.. పొట్ట చెక్కలే, ఎంజాయ్ చేయండి! – petrol prices cross rs 100 mark in india, meme fest on twitter and social media

0
26


పెట్రోల్ ధర 100 రూపాయలు అయిన వెంటనే బండి రోడ్ మధ్యలో ఆపండి, హెల్మెట్ తీయండి.. ఆకాశం వైపు చూడండి, హెల్మెట్‌కు ముద్దు పెట్టండి.. క్రికెటర్లు ఇలానే సెంచరీని సెలబ్రేట్ చేసుకుంటారు మరి..! కొద్ది రోజులుగా సోషల్ మీడియాలో చక్కర్లు కొడుతున్న మెసేజ్ ఇది. ఆ సందేశానికి తగినట్లే సంబరాలు మొదలుపెట్టారు. అదే ఇంటర్నెట్‌లో.. మీమ్స్‌తో వేడుక చేసుకుంటున్నారు. ఆ మీమ్స్‌తో పొట్ట చెక్కలే అవుతోంది..!

కొంతకాలంగా పెరుగుతూ వస్తున్న పెట్రోల్ ధరలు సెంచరీ మార్కును అందుకున్నాయి. రాజస్థాన్‌లోని శ్రీగంగా నగర్‌లో తొలిసారిగా లీటర్ పెట్రోలు ధర 100 రూపాయలకు చేరుకుంది. మధ్య ప్రదేశ్‌లోని పలు ప్రాంతాల్లోనూ రూ.100 మార్కును చేరింది. దీంతో నెటిజన్ల ఆగ్రహం కట్టలు తెంచుకుంది. ఇక తమ క్రియేటివిటీకి పదును పెట్టారు. ఫన్నీ ఫొటోలు, వీడియోలను షేర్‌ చేస్తున్నారు. సెటైరికల్‌ మీమ్స్‌తో నవ్వులు పూయిస్తున్నారు. ట్విటర్‌లో #petrol100 యాష్ ట్యాగ్ ట్రెండ్ అవుతోంది.

‘పెట్రోల్ @100.. కొన్ని రోజుల తర్వాత భారత్‌లో పరిస్థితి ఇదీ..’ అంటూ ఓ నెటిజన్ షేర్ చేసిన వీడియో ఆకట్టుకుంటోంది. ఆ వీడియోను చివరి వరకూ చూస్తే పొట్ట చెక్కలే అవుతోంది.

కమెడియన్, మిమిక్రీ ఆర్టిస్ట్ శ్యామ్ రంగీలా షేర్ చేసిన వీడియో వైరల్‌గా మారింది. ప్రధాని మోదీ హావాభావాలు పలికిస్తూ ఆయన షేర్ చేసిన మిమిక్రీ వీడియో తెగ ఆకట్టుకుంటోంది. ‘మిత్రోం..’ అంటూ మొదలుపెట్టి ఆయన కురిపించిన సెటైర్ల వర్షం ట్విటర్ వీడియోలో మీరే చూడండి..

‘బాగా ఆడావ్ పెట్రోల్.. కంగ్రాట్స్’ అంటూ షేర్ చేసిన మీమ్ కూడా బాగా పేలింది. క్రికెటర్ సచిన్ టెండూల్కర్ తదితర క్రికెటర్లు సెంచరీ చేసిన సమయంలో బ్యాట్ పైకి లేపిన ఫొటోలను జత చేశారు. ఇక మరికొంత మంది బైకులకు, జీపులకు సైకిల్ చక్రాలు పెట్టి షేర్ చేసిన ఫొటోలు కూడా తెగ నవ్విస్తున్నాయి.

పెట్రోల్ ధరలు పెరగడంతో ఇక డెలివరీ బాయ్స్ వీటినే నమ్ముకోవాలి అంటూ కొంత మంది సైకిళ్లకు హెల్మెట్లు పెట్టిన ఫొటోలు షేర్ చేశారు. మరికొంత మంది శునకాల వీపుపై డెలీవరి చేయాల్సిన పార్శిళ్లు ఉంచిన ఫొటోలు షేర్ చేసి ఆనందం పంచుతున్నారు.

‘పెట్రోలు, డీజిల్ ధరలు రోజురోజుకూ కొత్త గరిష్టాలకు ఎగబాకుతున్నాయి. ఇక కామన్ మ్యాన్ చేయాల్సింది ఏమిటంటే..’ అంటూ షేర్ చేసిన ఓ టిక్ టాక్ వీడియో బాగా పేలింది. చుక్క, చుక్కకూ కడుపుబ్బా నవ్విస్తోంది. పెట్రోల్ ధరల తిప్పలు ఎలాగూ తప్పవు గానీ.. ఈ మీమ్స్‌తో మీరూ కాసేపు ఎంజాయ్ చేయండి మరి..!

Don’t Miss:

పెట్రోల్ ధరలపై మరికొన్ని మీమ్స్..

LEAVE A REPLY

Please enter your comment!
Please enter your name here