pakistan mp marriage: ఎంపీ గారు.. 14 ఏళ్ల బాలికను పెళ్లి చేసుకున్నారు! – pakistan mp marries 14-year-old girl from balochistan, police launch probe

0
20


పాకిస్థాన్‌కు చెందిన ఎంపీ ఒకరు 14 ఏళ్ల బాలికను పెళ్లి చేసుకున్నారు. ప్రస్తుతం ఆ బాలిక ప్రభుత్వ పాఠశాలలో చదువుతోంది. సదరు ఎంపీ వయసు బాలిక వయసు కంటే నాలుగింతలు ఎక్కువ. జమైతే ఉలేమా-ఇ-ఇస్లాం నేత, కిలా అబ్దుల్లా ఎంపీ మౌలానా సలాఉద్దీన్‌ అయూబి ఈ ఆరోపణలు ఎదుర్కొంటున్నారు. ‘డాన్’ పత్రికలో ఆయనపై వార్తా కథనం ప్రచురితమైంది. దీంతో పాక్‌తో పాటు పలు దేశాల్లో ఈ ఘటన చర్చనీయాంశంగా మారింది.

చిత్రాల్‌లో మహిళా సంక్షేమ రంగంలో పని చేస్తున్న ఓ స్వచ్ఛంద సంస్థ ఈ ఘటనపై పోలీసులకు ఫిర్యాదు చేసింది. పోలీసులు కేసు నమోదు చేసుకొని దర్యాప్తు చేస్తున్నట్లు డాన్ కథనంలో పేర్కొన్నారు.

పాకిస్థాన్ చట్టాల ప్రకారం 16 ఏళ్ల లోపు బాలికలతో వివాహాలు నిషేధం. బాలిక జుగూర్‌లోని ప్రభుత్వ బాలికల పాఠశాలలో చదువుతున్నట్లు పోలీసులు గుర్తించారు. స్కూల్ రికార్డుల ప్రకారం.. బాలిక 2006 అక్టోబర్‌ 28న జన్మించింది. ఎంపీ సలాఉద్దీన్ తన కంటే నాలుగింతలు చిన్నదైన అమ్మాయిని నిఖా (పెళ్లి) చేసుకున్నాడనే వార్త సోషల్ మీడియాలోనూ వైరల్‌గా మారింది.

అయితే.. బాలిక తండ్రి మాత్రం తమ కుమార్తెకు పెళ్లి కాలేదని చెప్పడం గమనార్హం. NGO ఫిర్యాదు ఆధారంగా పోలీసులు బాధిత బాలిక గృహాన్ని సందర్శించగా.. ఆమె తండ్రి ఈవిధంగా చెప్పినట్లు డాన్ కథనం పేర్కొంది.

LEAVE A REPLY

Please enter your comment!
Please enter your name here