Home Blog Page 942

గల్వాన్ దాడి: ప్రాణాలు పోతున్నా వెన్నుచూపని జవాన్లు.. షాకింగ్ నిజాలు

0



ప్రాణాలు పోతాయని తెలిసినా భారత జవాన్లు కట్టు తప్పలేదు. నిబంధనలను వీడలేదు. చైనా సైనికులు మారణాయుధాలతో దాడికి దిగినా.. సింహాల్లా ఎదురు నిలిచారు. ఖాళీ చేతులతోనే శత్రువులను మట్టి కరిపించారు. వీళ్లు 100 మంది. అవతలి వైపు 300ల మంది. అయినా.. శత్రు వర్గానికి రెట్టింపు నష్టం కలిగించారు. ఈ క్రమంలో 20 మంది జవాన్లు అమరులయ్యారు. జూన్ 15న గల్వాన్ లోయలో జరిగిన ఘర్షణకు సంబంధించి విస్తుపోయే వాస్తవాలు తాజాగా వెలుగులోకి వచ్చాయి. రాయిటర్స్ ప్రచురించిన పరిశోధనాత్మక కథనంలో ఆశ్చర్యకర విషయాలు, భయానక వాస్తవాలు బాహ్య ప్రపంచానికి తెలిశాయి. గల్వాన్ ఘర్షణలో వీరమరణం పొందిన సైనికుల కుటుంబ సభ్యులతో, ఘర్షణలో పాల్గొన్న ఇద్దరు జవాన్లతో రాయిటర్స్ ప్రతినిధులు మాట్లాడారు. లేహ్ ఆస్పత్రి అధికారులనూ సంప్రదించారు. ఈ క్రమంలో జవాన్ల కుటుంబసభ్యులకు జారీ చేసిన కొన్ని డెత్ సర్టిఫికెట్లను కూడా పరిశీలించారు. దీంతో కీలక వివరాలు వెలుగులోకి వచ్చాయి.

ప్రాణాలు పోయే పరిస్థితుల్లోనూ భారత జవాన్లు కట్టుబాట్లు తప్పలేదు. ఆయుధాలకు పనిచెప్పలేదు. శత్రు సైన్యం వెన్నుపోటు పొడిచినా.. సింహాల్లా ఎదురు నిలిచారు. ఈ క్రమంలో 20 మంది అమరులయ్యారు. జవాన్ల భౌతికకాయాలపై తీవ్రమైన గాయాలున్నాయి. డెత్ సర్టిఫికెట్ల ద్వారా భయానక వాస్తవాలు వెలుగులోకి వచ్చాయి.

గల్వాన్ దాడి: ప్రాణాలు పోతున్నా వెన్నుచూపని జవాన్లు.. షాకింగ్ నిజాలు

ప్రాణాలు పోతాయని తెలిసినా భారత జవాన్లు కట్టు తప్పలేదు. నిబంధనలను వీడలేదు. చైనా సైనికులు మారణాయుధాలతో దాడికి దిగినా.. సింహాల్లా ఎదురు నిలిచారు. ఖాళీ చేతులతోనే శత్రువులను మట్టి కరిపించారు. వీళ్లు 100 మంది. అవతలి వైపు 300ల మంది. అయినా.. శత్రు వర్గానికి రెట్టింపు నష్టం కలిగించారు. ఈ క్రమంలో 20 మంది జవాన్లు అమరులయ్యారు. జూన్ 15న గల్వాన్ లోయలో జరిగిన ఘర్షణకు సంబంధించి విస్తుపోయే వాస్తవాలు తాజాగా వెలుగులోకి వచ్చాయి. రాయిటర్స్ ప్రచురించిన పరిశోధనాత్మక కథనంలో ఆశ్చర్యకర విషయాలు, భయానక వాస్తవాలు బాహ్య ప్రపంచానికి తెలిశాయి. గల్వాన్ ఘర్షణలో వీరమరణం పొందిన సైనికుల కుటుంబ సభ్యులతో, ఘర్షణలో పాల్గొన్న ఇద్దరు జవాన్లతో రాయిటర్స్ ప్రతినిధులు మాట్లాడారు. లేహ్ ఆస్పత్రి అధికారులనూ సంప్రదించారు. ఈ క్రమంలో జవాన్ల కుటుంబసభ్యులకు జారీ చేసిన కొన్ని డెత్ సర్టిఫికెట్లను కూడా పరిశీలించారు. దీంతో కీలక వివరాలు వెలుగులోకి వచ్చాయి.

దటీజ్ ఇండియన్ ఆర్మీ..
దటీజ్ ఇండియన్ ఆర్మీ..

చైనాకు చెందిన పీపుల్స్ లిబరేషన్ ఆర్మీ జవాన్లు జూన్ 15న దొంగ దెబ్బ తీశారు. భారత జవాన్లపై ప్రణాళిక ప్రకారం దాడి చేశారు. దాడి కోసం ఇనుప చువ్వలు బిగించిన రాడ్లను ముందే సిద్ధం చేసుకున్నారు. చైనా సైనికులు అలాంటి మారణాయుధాలతో దాడి చేస్తున్నా.. భార‌త జవాన్లు ఎలాంటి ఆయుధాలు వాడ‌లేద‌న్న విష‌యం అంద‌రినీ ఆశ్చర్యానికి గురి చేస్తోంది. ఇండియన్ ఆర్మీ తెగువ ఏంటో యావత్ దేశానికి మరోసారి ప్రస్ఫుటం అవుతోంది. (Photo Credit:Reuters )

జవాన్ల భౌతికకాయాలపై తీవ్రమైన గాయాలు
జవాన్ల భౌతికకాయాలపై తీవ్రమైన గాయాలు

నిరాయుధులైన భారత జవాన్లను చైనా ఆర్మీ చుట్టుముట్టి దాడికి తెగ‌బ‌డింది. ఇనుప చువ్వలు బిగించిన రాడ్లతో దాడి చేసి కొట్టి చంపారు. ఓ జవాన్ గొంతు తెగిపోయింది. మరో ఇద్దరు జవాన్లకు మెడ వద్ద లోతైన గాయాలు అయ్యాయి. మెడ వద్ద రక్తనాళాలు చిట్లిపోయాయి. మ‌రో ఇద్దరు జవాన్లకు మెడ వద్ద, ముఖంపై, తల వద్ద తీవ్రమైన గాయాలయ్యాయి. పదునైన, మొనదేలి ఉన్న ఇనుప చువ్వలు దిగడంతో తల భాగంలో రంధ్రాలు ఏర్పడ్డాయి. సాయంత్రం ప్రారంభమైన ఈ మారణకాండ అర్ధరాత్రి వరకూ కొనసాగింది. దాడికి డ్రాగన్ ఆర్మీ చీకటి పడుతున్న సమయాన్ని ఎంచుకోవడంతో సైనికులు సుర‌క్షిత ప్రాంతానికి వెళ్లలేకపోయారు. ఇదే అద‌నుగా భావించి వాళ్లు క‌ర్కశంగా దాడి చేశారని గల్వాన్ లోయలో విధులు నిర్వహిస్తున్న ఇద్దరు సైనికులు రాయిటర్స్‌కు తెలిపారు.

రాడ్లతో కొట్టి గల్వాన్ నదిలోకి తోసేశారు..
రాడ్లతో కొట్టి గల్వాన్ నదిలోకి తోసేశారు..

భారత జవాన్లపై మారణాయుధాలతో దాడి చేసి గ‌ల్వాన్ న‌దిలోకి తోసేశారు. గాయాలతో నదిలో నుంచి బయటపడలేక పలువురు జవాన్లు మరణించారు. గ‌డ్డక‌ట్టిన మృతదేహాలను మరుసటి రోజు ఉద‌యం బ‌య‌ట‌కు తీసిన‌ట్లు అధికారి ఒకరు తెలిపారు. నాటి దారుణంలో అమరులైన 13 మంది జవాన్ల కుటుంబ సభ్యులతో రాయిటర్స్ మాట్లాడింది. వీరిలో ఐదుగురు జవాన్ల కుటుంబసభ్యులు తమకు ప్రభుత్వం జారీ చేసిన డెత్ సర్టిఫికెట్లను చూపెట్టారు. తద్వారా జవాన్ల పార్థీవదేహాలపై ఎంతటి తీవ్రమైన గాయాలు అయ్యాయో వెలుగులోకి వచ్చింది. అయితే.. జవాన్ల కుటుంబసభ్యుల పేర్లను ప్రచురించడానికి వారు నిరాకరించారు. అది మిలిటరీ నిబంధనలకు విరుద్ధమని తెలిపారు. లేహ్‌లోని ఆర్మీ ఆస్పత్రి వర్గాలను సంప్రదించగా.. వివరాలు తెలపడానికి వారు నిరాకరించినట్లు రాయిటర్స్ పేర్కొంది.

ఆ రోజు ఏం జరిగింది?
ఆ రోజు ఏం జరిగింది?

భారత్-చైనా మధ్య కీలకమైన ప్రాంతంలో ప్రవహిస్తున్న గల్వాన్ నది ప్రాంతంలో చైనా బలగాలు నియంత్రణ రేఖను దాటి ముందుకు చొచ్చుకొస్తుండటాన్ని గమనించిన భారత జవాన్లు అడ్డుకోవడంతో పలుమార్లు ఘర్షణ చోటు చేసుకుంది. దీంతో ఇరు దేశాల ఆర్మీ అధికారులు ఉన్నత స్థాయి సమావేశం ఏర్పాటు చేసి బలగాలను వెనక్కి రప్పించడానికి అంగీకరించారు. ఇచ్చిన మాట ప్రకారం చైనా త‌న బ‌ల‌గాల‌ను వెన‌క్కి తీసుకెళ్లిందా? భారత భూభాగంలో ఏర్పాటు చేసి శిబిరాలను కూల్చివేసిందా? పరిశీలించడానికి జూన్ 15న సాయంత్రం గ‌ల్వాన్‌లో విధుల్లో ఉన్న బిహార్ రెజిమెంట్ క‌మాండింగ్ అధికారి క‌ల్నల్ సంతోశ్ బాబు, కొంత మంది జవాన్లతో పెట్రోల్ పాయింట్ 14 ద‌గ్గరకు వెళ్లారు. ఇచ్చిన మాట ప్రకారం అక్కడి శిబిరాన్ని తొలగించాలని చెప్పినా చైనా బలగాలు వినకపోవడంతో.. వారు కల్పించుకొని నేలమట్టం చేశారు. ఈ క్రమంలో చైనా సైనికులు కల్నల్ సంతోశ్ బాబు సహా ఆయన బృందంలోని పలువురు జవాన్లపై దాడికి దిగారు. తమ కమాండర్‌పై చైనా జవాన్లు దాడి చేయడంతో భారత సైనికుల ఆగ్రహం కట్టలు తెంచుకుంది. వారు ఎదురుదాడికి దిగారు. చూస్తుండగానే చైనా వైపున కొండల మాటు నుంచి పెద్ద సంఖ్యలో పీఎల్‌ఏ జవాన్లు అక్కడకు వచ్చారు. అయినా.. సంతోశ్ బాబు వెరవలేదు.

గాయపడినా అక్కడే ఉండి జవాన్లను నడిపించిన కల్నల్ సంతోశ్
గాయపడినా అక్కడే ఉండి జవాన్లను నడిపించిన కల్నల్ సంతోశ్

చైనా బలగాల దాడిలో గాయపడ్డ సంతోశ్ బాబును అక్కడి నుంచి తీసుకెళ్లడానికి కొంత మంది భారత జవాన్లు ప్రయత్నించారు. అయితే.. ఆయన వారిని వారించి గాయాలతోనూ ధైర్యంగా అక్కడే నిల్చున్నారు. గాయపడిన పలువురు జవాన్లను వెనక్కి పంపించి, మరిన్ని బలగాలను అక్కడకు రప్పించారు. ఇదంతా జరగానికి 45 నిమిషాల సమయం పట్టింది. ఈలోగా 300 మందికి పైగా చైనా జవాన్లు ఇనుపచువ్వలు బిగించిన రాడ్లతో ఒక్కసారిగా దాడికి తెగబడ్డారు. భార‌త సైనికుల‌పై మెరుపు వేగంతో దాడి చేశారు. చైనా వెన్నుపోటు పొడిచినా.. భార‌త ఆర్మీ వెంటనే అప్రమత్తమైంది. జూలు విదిల్చిన సింహంలా విజృంభించింది.

అమర జవాన్లకు ఇక్కడ జేజేలు.. అక్కడ అవమానం
అమర జవాన్లకు ఇక్కడ జేజేలు.. అక్కడ అవమానం

ఈ ఘర్షణలో చైనా వైపు 40 మందికి పైగా సైనికులు మరణించినట్టు అమెరికా ఇంటెలిజెన్స్ వర్గాలు వెల్లడించాయి. చైనా వైపు వచ్చిన అంబులెన్స్‌లు, హెలికాప్టర్లు, చైనా పౌరుల సంభాషణల ఆధారంగా ఈ విషయాన్ని నిర్ధారించినట్లు పేర్కొన్నాయి. బీజింగ్ దీన్ని తీవ్ర అవమానంగా భావిస్తున్నట్లు పలు అంతర్జాతీయ మీడియా సంస్థలు తమ కథనాల్లో పేర్కొన్నాయి. అయితే.. డ్రాగన్ మాత్రం తమ సైనికుల మరణాలను ధ్రువీకరించలేదు. భారత్‌లో అమర జవాన్లకు అధికారిక లాంఛనాలతో అంత్యక్రియలకు జరగడం, ప్రజలు పెద్ద ఎత్తున హాజరై ఘనంగా నివాళులు అర్పించిన దృశ్యాలకు సంబంధించిన వీడియోలు చూసి పలువురు చైనా పౌరులు తమ ప్రభుత్వంపై విమర్శలు కురిపించినట్లు తెలిసింది.

(Also Read:

ఏడాది పాటు కొవిడ్ నిబంధనలు.. కేరళ సంచలన నిర్ణయం

Don’t Miss:

కరోనా పాజిటివ్.. ఆస్పత్రి పైనుంచి దూకిన జర్నలిస్ట్, ఉద్యోగం నుంచి తీసేయడంతో..

Must Read:

గాల్లో ఢీకొన్న విమానాలు.. అమెరికాలో ఘోర ప్రమాదం

)

76426091