ongole woman arrest: ఇంట్లో దొంగలు పడ్డారంటూ మహిళ ఏడుపు.. ఎదురింటాయనకి షాక్.. ఖాకీల ఎంట్రీతో అదిరిపోయే ట్విస్ట్ – police arrest woman thief, recovers rs.5 lakh worth gold in prakasam district

0
31


దొంగే దొంగ.. దొంగ అని అరిచినట్టు.. కిలాడీ లేడీ ఊహించని షాకిచ్చింది. మా ఇంట్లో దొంగతనం జరిగిందంటూ లబోదిబోమంటూ ఏడ్చేసి సీన్‌ని రక్తి కట్టించింది. ఇంట్లోకి వెళ్లిన ఎదురింటి వ్యక్తి ట్రంకుపెట్టె ఓపెన్ చేసి చూసి షాకయ్యాడు. అందులో ఉండాల్సిన బంగారం, నగదు కనిపించకపోవడంతో తలబాదుకుంటూ పోలీసులను ఆశ్రయించాడు. ఖాకీలు రంగప్రవేశం చేయడంతో ఎదురింటి కిలాడీ లేడీ బాగోతం బయటపడింది. ఈ షాకింగ్ ఘటన ప్రకాశం జిల్లాలో చోటుచేసుకుంది.

మార్కాపురం డివిజన్ పరిధిలోని బేస్తవారిపేటలో ఈ నెల 12న జరిగిన భారీ చోరీని పోలీసులు ఎట్టకేలకు ఛేదించారు. స్థానిక కాలువ బజార్‌లో నివాసముంటున్న జానపాటి ఆదినారాయణ డ్రై ఫ్రూట్స్ వ్యాపారం చేస్తుంటాడు. రోజు మాదిరిగానే వ్యాపార నిమిత్తం ఆదినారాయణ కంభం వెళ్లాడు. ఆయన భార్య పొలంలో కలుపు తీయించేందుకు వెళ్లింది. మధ్యాహ్నం సమయంలో ఆదినారాయణ ఇంటికి వచ్చేసరికి ఎదురింట్లో ఉండే పగడాల ఆషియా తమ ఇంట్లో దొంగతనం జరిగిందంటూ గగ్గోలు పెట్టింది.

వెంటనే ఇంట్లోకి వెళ్లిన ఆదినారాయణ మంచం కింద ఉన్న ట్రంకు పెట్టెను తెరచి చూసి షాక్‌కి గురయ్యాడు. అందులో ఉండాల్సిన రూ.5 లక్షల విలువైన బంగారు ఆభరణాలు, రూ.2 లక్షల నగదు కనిపించకపోవడంతో దొంగతనం జరిగినట్లు గుర్తించి పోలీసులను ఆశ్రయించాడు. కేసు నమోదు చేసిన పోలీసులు ప్రత్యేక టీమ్‌ని ఏర్పాటు చేసి విచారణ చేపట్టారు. సెల్‌ఫోన్ సిగ్నల్స్ ఆధారంగా ఎదురింటి ఆషియాపై అనుమానం వచ్చి ఆమెను అదుపులోకి తీసుకుని విచారించడంతో షాకింగ్ విషయాలు వెలుగులోకి వచ్చాయి.

ఎదురింట్లో దొంగతనం చేసిన ఆషియా.. తప్పించుకునేందుకు హైడ్రామాకు తెరతీసింది. తన ఇంట్లో దొంగతనం జరిగిందంటూ లబోదిబోమంటూ మొసలి కన్నీరుకార్చింది. ఖాకీలు అదుపులోకి తీసుకుని తమ స్టైల్లో విచారించడంతో అసలు నిజం కక్కేసింది. చోరీ చేసినట్లు ఒప్పేసుకుంది. ఆమె వద్ద నుంచి రూ.1.95 లక్షల నగదు, 112 గ్రాముల బంగారు ఆభరణాలు స్వాధీనం చేసుకున్నారు. నిందితురాలిని అరెస్టు చేసి కటకటాల వెనక్కి నెట్టారు.

Also Read: ఆశ్రయమిస్తే అక్రమ సంబంధం.. స్నేహితుడి ఘాతుకం.. గుంటూరులో దారుణం

LEAVE A REPLY

Please enter your comment!
Please enter your name here