odisha retired banker: రిటైర్డ్ బ్యాంక్ ఉద్యోగి.. 64 ఏళ్ల వయసులో ఎంబీబీఎస్‌లో చేరిక‌.. కదిలించే కారణం! – 64-year-old retired banker from odisha cracks neet joins mbbs course

0
50


చదువు పట్ల ఆసక్తి ఉంటే చాలు వయసుతో సంబంధం లేదని నిరూపిస్తున్నారు ఒడిశాకు చెందిన జై కిశోర్ ప్రధాన్. బ్యాంకు ఉద్యోగిగా పని చేసి రిటైరయిన ఆయన.. 64 ఏళ్ల వయసులో నీట్‌లో అర్హత సాధించి ఎంబీబీఎస్ మొదటి సంవత్సరంలో చేరుతున్నారు. 60 ఏళ్లు పైబడిన వ్యక్తి మెడిసిన్ చదువుతుండటం.. భారత వైద్య విద్య చరిత్రలోనే అరుదైన అంశం కావడం విశేషం.

ఎంబీబీఎస్ పూర్తి చేసిన తర్వాత తాను బతికి ఉన్నంత కాలం ప్రజలకు వైద్య సేవలు అందిస్తానని ప్రధాన్ చెబుతున్నారు. ఎస్‌బీఐలో పని చేసిన ఆయన.. వీర్ సురేంద్ర సాయి యూనివర్సిటీ ఆఫ్ టెక్నాలజీలో డిజేబిలిటీ రిజర్వేషన్ కేటగిరీ కింద సీటు సాధించారు. ఏ వయసులోనైనా మెడిసిన్‌లో అడ్మిషన్ పొందొచ్చని ప్రధాన్ నిరూపించారని వి‌మ్‌సర్ డైరెక్టర్ లలిత్ మెహర్ తెలిపారు.

సెప్టెంబర్లో నీట్ రాసిన ప్రధాన్.. మంచి ర్యాంక్ సాధించి వీఐఎంఎస్ఆర్‌‌లో సీటు సాధించారు. తన ఇద్దరు కవల కూతుళ్లలో ఒకరు ఇటీవలే చనిపోవడంతో.. నీట్ రాసి ఎంబీబీఎస్‌లో చేరి డాక్టర్ కావాలని ప్రధాన్ నిర్ణయించుకున్నారు. ఎంబీబీఎస్ పూర్తి చేసే సమయానికి ఆయన వయసు 70 ఏళ్లకు చేరువ అవుతుంది. ఎంబీబీఎస్ చదివి వైద్యంతో డబ్బులు సంపాదించాలనే ఉద్దేశం నాకు లేదు. జీవించి ఉన్నంత కాలం ప్రజలకు వైద్యసేవలు అందిస్తానని ఆయన చెప్పారు.

LEAVE A REPLY

Please enter your comment!
Please enter your name here