obinwanne okeke: ఫోర్బ్స్ పత్రిక‌ కవర్ పేజ్‌పై మెరిసి.. ఆపై జైలు పాలైన యువ వ్యాపారి! – nigerian businessman, who appeared on cover of forbes magazine 10 years jailed

0
20


ఫోర్బ్స్ మ్యాగజైన్ కవర్ పేజ్‌పై తళుక్కున మెరిసి నాలుగేళ్ల కిందట వార్తల్లో నిలిచిన నైజీరియా యువ వ్యాపారవేత్త.. ఇప్పుడు జైల్లో ఊచలు లెక్కిస్తున్నాడు. అతడు సైబర్ నేరాలకు పాల్పడి కోట్లాది రూపాయాలు కొట్టేసినట్టు నిర్ధారణ అయ్యింది. దీంతో పదేళ్ల జైలు శిక్ష ఖరారయ్యింది. ఇన్‌విక్టస్ ఒబీగా గుర్తింపు పొందిన నైజీరియా యువ వ్యాపారవేత్త ఒబిన్వాన్నే ఒకేకే ఫోటోను ఫోర్బ్స్ పత్రిక తన కవర్‌ పేజ్‌పై 2016లో ముద్రించింది. అయితే, అదే ఏడాది అతడు సైబర్ నేరాలకు పాల్పడినట్టు ఆరోపణలు ఎదుర్కొన్నాడు.

ఈ కేసులో తాజాగా అతడిని డిస్ట్రిక్ట్ ఆఫ్ వర్జీనియా న్యాయస్థానం దోషిగా నిర్ధారించింది. నైజీరియాకు చెందిన కంపెనీల ద్వారా ప్రజల ఈమెయిల్స్‌‌ను హ్యాకింగ్ చేసి వారి ఖాతాల్లోని దాదాపు 11 మిలియన్ డాలర్లు (రూ.80 కోట్లు) కాజేసినట్టు వర్జీనియా కోర్టు నిందితుడిగా తేల్చింది. ఈ నేపథ్యంలోనే ఒకేకేకు పదేళ్ల జైలు శిక్ష విధిస్తూ ధర్మాసనం తీర్పు వెలువరించింది. 2015 నుంచి 2019 మధ్య ఒబిన్వాన్నే నకిలీ వెబ్‌సైట్‌లు సృష్టించడం సహా పలు సైబర్ నేరాలకు పాల్పడ్డినట్టు కోర్టు పేర్కొంది.

మభ్యపెట్టడం, వంచించడం ద్వారా బాధితులను ఆకర్షించినట్టు రెండేళ్ల కిందటే అతడిని అరెస్ట్ చేశారు. భారీ పారిశ్రామిక, వ్యవసాయ పరికరాల ఎగుమతి కార్యాలయం ఉనాట్రాక్ హోల్డింగ్ లిమిటెడ్‌లోని మేనేజర్ ఇమెయిల్‌ను 2018లో హ్యాక్ చేసి, దాదాపు 11 మిలియన్ డాలర్లు కొట్టేసి, దానిని విదేశాలకు బదిలీలు చేశాడు. 30 ఏళ్లలోపు అత్యంత ప్రభావం చూపిన వ్యాపారవేత్తల ఫోర్బ్స్ జాబితా 2016లో ఒకేకేకు స్థానం దక్కింది.

LEAVE A REPLY

Please enter your comment!
Please enter your name here