obesity drug: లావెక్కుతున్నారా.. బిగ్ రిలీఫ్, సూపర్ ఔషధం రెడీ – semaglutide drug could give big relief for obesity problem: report

0
35


లావుగా మారడం.. ఇప్పుడిదొక పెద్ద సమస్య. చిన్న వయసులోనే చాలా మంది లావెక్కుతున్నారు. పైగా కరోనా లాక్‌డౌన్‌లో ఈ సమస్య మరింత పెరిగింది. ఊరుకి ఎంతో కొంత తిరిగిచ్చేయాలి.. లేకపోతే లావైపోతారు.. మహేష్ బాబు సూపర్ హిట్ సినిమా శ్రీమంతుడులో హీరోయిన్ చెప్పే పాపులర్ డైలాగ్ ఇది. కానీ, ఇప్పుడు ఊర్లో వాళ్లు కూడా బరువు పెరిగిపోతున్నారు. మన అలవాట్లు మారిపోవడం, తీసుకునే ఆహారమే అందుక్కారణం.

అధిక బరువు సమస్య (ఊబకాయం) ఇటీవల మరింత తీవ్రమైంది. ఈ సమస్య వల్ల కొంత మంది యువతీ యువకులకు పెళ్లి సంబంధాలు కూడా రావట్లేదు. మరికొంత మంది వివాహం అనంతరం అనేక సమస్యలు ఎదుర్కొంటున్నారు. ఇంకొంత మంది అయితే.. జిమ్‌లో చెమటలు చిందించినా, పెద్దగా బరువు తగ్గట్లేదు. మరి దీనికి పరిష్కారం లేదా? ఇది చాలా మందిని ఏళ్ల తరబడి వేధిస్తున్న ప్రశ్న. ఎట్టకేలకు దీనికి సమాధానం దొరికింది. శాస్త్రవేత్తలు గుడ్ న్యూస్ చెప్పారు.

స్థూలకాయం (Obesity) ఉన్నవారి ఆరోగ్యాన్ని కాపాడే కీలక ఔషధాన్ని సైంటిస్టులు గుర్తించారు. అంతర్జాతీయంగా చేసిన ప్రయోగాల్లో సత్ఫలితాలు వచ్చాయి. దీని సామర్థ్యం రుజువైంది. 16 దేశాలకు చెందిన దాదాపు 2000 మంది వాలంటీర్లపై ఈ ప్రయోగాలు చేశారు. ఎలాంటి సైడ్ ఎఫెక్ట్స్ కూడా లేవని తేలింది.

యూనివర్సిటీ కాలేజీ ఆఫ్ లండన్‌ (UCL) సైంటిస్టుల నేతృత్వంలో ఈ ప్రయోగాలు జరిగాయి. ప్రయోగాల్లో భాగంగా 2 వేల మందికి ఈ ఔషధాన్ని ఇవ్వగా.. మూడో వంతు మంది తమ శరీరంలో దాదాపు ఐదో వంతు బరువును తగ్గించుకోగలిగారు. మూడొంతుల మందిలో 10 శాతం మేర బరువు తగ్గింది. ఇది బిగ్ న్యూస్.

‘ఈ స్థాయిలో బరువును తగ్గించే సామర్థ్యం ఏ ఔషధానికీ లేదు. ఇది చాలా విప్లవాత్మకమైంది’ అని ఈ పరిశోధనకు నేతృత్వం వహించిన రేచల్‌ బాటర్‌హామ్‌ అన్నారు. కొవిడ్‌-19 లాంటి వ్యాధుల ప్రభావాన్ని తగ్గించడంలోనూ ఇది కీలక పాత్ర పోషిస్తుందని తెలిపారు.

ఔషధం ఎలా పనిచేస్తుంది?
ఈ ఔషధం పేరు సెమాగ్లుటైడ్‌ (Semaglutide). ఇది మెదడులో ఆకలికి సంబంధించిన వ్యవస్థను నియంత్రిస్తుంది. తద్వారా ఆకలి తగ్గుతుంది. పరిమితంగా ఆహారం తీసుకోవడంతో శరీరంలో చాలా తక్కువగా కేలరీలు వచ్చి చేరుతాయి. శరీరంలో కొవ్వు పేరుకుపోవడమే ఊబకాయానికి ప్రధాన కారణం. సెమాగ్లుటైడ్ ఇలా కొవ్వు పేరుకుపోకుండా చేస్తుంది. దీన్ని ఇంజెక్షన్ రూపంలోనూ అందుబాటులోకి తీసుకురావడానికి పరిశోధనలు జరుగుతున్నాయి.

ఈ సరికొత్త ఔషధానికి సంబంధించిన ప్రయోగంలో పాల్గొన్నవారికి సరాసరిన 15.3 కిలోల మేర బరువు తగ్గిందని శాస్త్రవేత్తలు తెలిపారు. దీనివల్ల వారికి గుండె జబ్బు, షుగర్ లాంటి జబ్బులకు సంబంధించిన ముప్పు అంశాలైన రక్తంలో కొవ్వు పేరుకుపోవడం, బ్లడ్‌ షుగర్, రక్త పోటు లాంటివి తగ్గాయని చెప్పారు.

అధిక బరువు (Obesity) సమస్యలు:
సాధారణంగా ‘కొవ్వు’ శరీరానికి కావాల్సిన వేడిని, శక్తిని ఇస్తుంది. కానీ, అది శరీర అవసరాలకు ఎక్కువైతే.. పొట్ట, రొమ్ము, పిరుదులు, నడుము మొదలైన భాగాల్లో పేరుకుపోతుంది. ఈ రకంగా ఏర్పడిన కొవ్వు నుంచి కొలెస్ట్రాల్ ఏర్పడుతుంది. ఇది రక్తనాళాల్లో పేరుకోవడం వల్ల అధిక రక్తపోటు (బీపీ)కు దారితీస్తుంది. అది క్రమంగా కీలక అవయవాలైన గుండె, కాలేయం, మూత్రపిండాల పనితీరును కూడా ఆటంకపరుస్తుంది. ఫలితంగా బాధిత వ్యక్తి గుండె జబ్బులు, మూత్రపిండాల వ్యాధి, మధుమేహం (షుగర్) లాంటి ప్రాణాంతక జబ్బుల బారిన పడి ప్రాణాలు కోల్పోయే ప్రమాదం ఉంది.

అధిక బరువుతో బాధపడేవారు కొద్దిపాటి శారీరక శ్రమకు లోనైనా ఊపిరి పీల్చుకోలేకపోతారు. చివరకు ఆస్తమా, గుండె జబ్బులకు గురవుతుతారు. చురుకుదనం లోపిస్తుంది. ఏ పని చేయాలన్నా మందకొడిగా వ్యవహరిస్తారు. రాత్రిళ్లు నిద్రలో భయంకరమైన గురకపెట్టడం సమస్య కూడా ఈ ఊబకాయం వల్లే.

Also Read:

మీ తాతనడుగు రాహుల్.. కిషన్ రెడ్డి షాక్

ఫస్ట్‌నైట్ రోజు ఇదేం పని.. పడక గదిలో అమ్మాయి షాక్

స్నేహితుడి ఒత్తిడితో లాటరీ టికెట్ కొన్నాడు.. లక్కంటే ఇతడిదే!

LEAVE A REPLY

Please enter your comment!
Please enter your name here