Nivetha Pethuraj: RED: రామ్‌తో ఆ భాషలో మాట్లాడేదాన్ని.. ‘రెడ్’ హీరోయిన్ నివేదా పేతురాజ్ – ram pothineni red actress nivetha pethuraj interview

0
38


‘మెంట‌ల్ మ‌దిలో’ సినిమాతో న‌టిగా మంచి గుర్తింపు తెచ్చుకుంది నివేద పేతురాజ్. ఆ తరవాత ‘చిత్రలహరి’, ‘బ్రోచేవారెవరురా’, ‘అల.. వైకుంఠపురములో..’ చిత్రాల్లో కనిపించింది. తాజాగా రామ్ న‌టించిన ‘రెడ్‌’లో ఆమె పోలీసు ఆఫీస‌ర్‌గా న‌టించింది. తిరుమ‌ల కిశోర్ ద‌ర్శకుడు. స్రవంతి మూవీస్ ప‌తాకంపై ‘స్రవంతి’ ర‌వికిశోర్ ఈ చిత్రాన్ని నిర్మించారు. ఈ సినిమా సంక్రాంతి కానుకగా ప్రేక్షకుల ముందుకు వస్తోంది. ప్రస్తుతం చిత్ర యూనిట్ ప్రచార కార్యక్రమాలపై దృష్టి పెట్టింది. దీనిలో భాగంగా నటి నివేదా పేతురాజ్ మీడియాతో ముచ్చటించారు. ఆ విశేషాలు మీ కోసం..

‘రెడ్’ సినిమా చూడలేదు..
నేను ఈ సినిమా ఇంకా చూడ‌లేదు. కానీ ఒక్క సీన్ చూశా. కొరియోగ్రఫీ కోసం చూశాను అంతే. ద‌ర్శకుడు కిశోర్ చెప్పిన‌ట్లు చేశాను. ఆయ‌నే పాత్ర సృష్టిక‌ర్త. సింగిల్ టేక్‌లో క్లారిటీ ఇచ్చేశారు. పోలీసుగా ఎవ‌రినీ స్ఫూర్తిగా తీసుకోలేదు. ఇంత‌కు ముందు త‌మిళ్‌లో ఓ పోలీసు పాత్ర చేశాను. నాకు ఇందులో యాక్షన్ సీన్స్ లేవు. రామ్ చేస్తుండ‌గా సెట్‌లో చూశాను. ఈ సినిమాలో యాక్షన్ సీన్స్ చేయకపోయినప్పటికీ ‘విరాఠ‌ప‌ర్వం’లో ఫైట్‌ మాస్టర్ పీట‌ర్ హెయిన్‌తో క‌లిసి యాక్షన్ సీన్స్‌లో పాల్గొన్నాను.

స్వీట్ బోయ్స్‌తో అనసూయ స్టెప్పులు.. పొట్టి డ్రెస్‌పై నెటిజన్లు సెటైర్లు
కొత్త తరహా..
‘చిత్రల‌హ‌రి’లో చాలా మూడీ పాత్ర. ‘రెడ్‌’లో లుక్ చాలా ధైర్యంగా ఉన్నట్లుంటుంది. కానీ లోప‌ల చాలా అమాయ‌క‌త్వంగా క‌న్పించే పాత్ర. పెద్దగా ధైర్యం ఉండ‌దు. లోప‌ల భ‌యం ఉంటుంది. ‘బ్రోచేవారెవ‌రురా’ సినిమా టైంలో వివేక్ ఆత్రేయ‌ చెప్పిన క‌థంతా పూర్తిగా విన‌లేదు. కేవ‌లం 10 నిమిషాలే విన్నాను. ఇక చాలు, సెకండాఫ్ చెప్పవ‌ద్దు అన్నా. అక్కడ వివేక్‌‌పై ఉన్న న‌మ్మకం ఇక్కడ కిశోర్‌పై కూడా ఉంది. వారు పాత్రను మ‌లిచిన తీరు చాలా ఇంట్రెస్ట్‌గా అనిపించింది.

రామ్‌తో..
రామ్‌లో సెన్స్ ఆఫ్ హ్యూమ‌ర్ ఉంది. చాలా మంచి వ్యక్తి. ప‌క్కా త‌మిళ్‌లో మాట్లాడుకునేవాళ్ళం. ఇప్పుడిప్పుడే తెలుగు నేర్చుకుంటున్నా. ‘అల వైకుంఠ‌పురములో’ సినిమా సమయంలో కొంచెం నేర్చుకున్నా.

సెకండ్ హీరోయిన్..
‘అల.. వైకుంఠ‌పురములో..’ సినిమాలో క‌థ‌లో భాగంగా నా పాత్ర ఉంది. పైగా త్రివిక్రమ్‌ గారితో సినిమా చేయ‌లేదు. ఆ సినిమాలో నేను చేసిన పాత్ర ప్రతి ఒక్కరికీ చేరింది. అలాంటి పాత్ర వ‌స్తే సెకండ్ హీరోయినా.. ఫ‌స్ట్ హీరోయినా అని ఆలోచించ‌ను. ఎందుకంటే.. ఇక్కడ హీరోయిన్లకు లైఫ్ చాలా త‌క్కువ‌. బహుశా ప్రస్తుతం హీరోయిన్లు రెండేళ్లు మించి రాణించలేరు.

కొత్త సినిమాలు..
‘పాగ‌ల్’ సినిమాలో నా పాత్ర పూర్తి భిన్నంగా ఉంటుంది. ‘విరాఠ‌ప‌ర్వం’లో ప్రత్యేక పాత్ర చేస్తున్నాను. ‘కార్తికేయ 2’ కోసం చందు మొండేటి సంప్రదించారు. కథ చెప్పారు. ఇంకా నేను ఫైనల్ చేయలేదు. వెబ్ సిరీస్ కోసం కొంత‌మంది అడిగారు. కానీ సైన్ చేయ‌లేదు.

డ్రగ్స్ కేసులో పట్టుబడింది టాలీవుడ్ నటి కాదు.. కన్నడ హీరోయిన్
బాలీవుడ్ వైపు..
ఇక్కడే నాకంటూ ప్రత్యేక గుర్తింపు తెచ్చుకోవాలి అని ఉంది. అక్కడ‌కు వెళ్ళే ఆలోచ‌న లేదు.

డ్రీమ్ రోల్స్..
నాకు విజ‌య్‌ సేతుప‌తిలా పాత్రలు చేయాల‌నుంది. ఎందుక‌ని అమ్మాయిలు అలాంటి పాత్రలు చేయ‌కూడ‌దు? అనిపించింది. విజ‌య్‌ సేతుప‌తి హీరోయిన్‌కు తండ్రిగా, విల‌న్‌గా, హీరోగా, హీరోయిన్‌గా (సూప‌ర్ డీల‌క్స్)లో ఇలా అన్ని పాత్రలు చేస్తారు. నాకూ అలా చేయాల‌నుంది.

LEAVE A REPLY

Please enter your comment!
Please enter your name here