Nithiin: గోవాలో నితిన్.. ప్రియా వారియర్‌తో ఆటా పాట – check movie song picturised on nithiin, priya prakash varrier in goa

0
23


‘నిన్ను చూడకుండా ఉండలేకపోతున్నాను’ అంటూ ప్రియా ప్రకాశ్‌ వారియర్‌ను చూస్తూ నితిన్‌ పాట పాడుతున్నారు. ఆమె కూడా అదే పల్లవి అందుకున్నారు. ‘మార్నింగ్‌ అవ్వకముందే వెలుగుల్తో వచ్చేస్తాను.. ఫుల్‌ మూన్‌ లేకుండానే వెన్నెల్లో ముంచేస్తాను’ అని నితిన్‌ పాడుతుంటే.. ‘అడ్డులకింక చెక్‌ చెక్‌.. హద్దులకింక చెక్‌ చెక్‌’ అని ప్రియా ప్రకాశ్‌ వారియర్‌ శ్రుతి కలిపారు. వీళ్లిద్దరూ జంటగా నటిస్తున్న ‘చెక్‌’ చిత్రంలోనిదీ గీతం!

నితిన్‌ కథానాయకుడిగా క్రియేటివ్‌ డైరెక్టర్‌ చంద్రశేఖర్‌ యేలేటి దర్శకత్వంలో భవ్య క్రియేషన్స్‌ పతాకంపై వి. ఆనందప్రసాద్‌ నిర్మిస్తున్న చిత్రం ‘చెక్‌’. ఇందులో రకుల్‌ ప్రీత్‌ సింగ్‌, ప్రియా ప్రకాశ్‌ వారియర్‌ కథానాయికలు. ఇటీవలే ఈ సినిమాలోని ‘నిన్ను చూడకుండా ఉండలేకపోతున్నాను’ గీతాన్ని గోవాలో చిత్రీకరించారు. ఈ చిత్రీకరణకు సంబంధించిన విషయాలను చిత్ర నిర్మాత వి. ఆనందప్రసాద్ శుక్రవారం వెల్లడించారు.

‘మ‌హాస‌ముద్రం’లో జ‌గ‌ప‌తిబాబు రఫ్ రోల్.. చుంచు మామగా సీనియర్ హీరో
‘‘గోవాలో నితిన్‌, ప్రియా ప్రకాశ్‌ వారియర్‌పై చిత్రీకరించిన పాటతో చిత్రీకరణ అంతా పూర్తయింది. మూడు రోజులు అందమైన లొకేషన్లలో పాటను తెరకెక్కించారు. దీనికి కళ్యాణి మాలిక్‌ మంచి బాణీ అందించారు. శ్రీమణి చక్కటి సాహిత్యం అందించగా.. శేఖర్‌ మాస్టర్‌ కనుల విందైన నృత్యరీతులు సమకూర్చారు. కథానుగుణంగా సినిమాలో ఒక్క పాటకు మాత్రమే సందర్భం కుదిరింది. అందర్నీ అలరించేలా ఈ పాట ఉంటుంది. కథలో సందర్భం కుదరక మరో పాటకు చోటు కల్పించలేదు. ప్రస్తుతం డీటీయస్‌ మిక్సింగ్‌ జరుగుతోంది. నిర్మాణానంతర పనులు దాదాపుగా పూర్తయ్యాయి. ఈ నెల 26న సినిమాను ప్రేక్షకుల ముందుకు తీసుకొస్తాం. ట్రైలర్‌ విడుదల తర్వాత సినిమాపై అంచనాలు పెరిగాయి. వాటిని అందుకునేలా చంద్రశేఖర్‌ యేలేటి తెరకెక్కించారు. యాక్షన్‌, థ్రిల్‌ మేళవించిన మంచి చిత్రమిది’’ అని అన్నారు.

LEAVE A REPLY

Please enter your comment!
Please enter your name here