Niharika Konidela: భర్త సినీ రంగప్రవేశంపై నిహారిక రియాక్షన్.. ఆయనకు సినిమాలంటే ఇష్టమేనంటూ మెగా డాటర్ ఓపెన్ – niharika reaction on her husband chaitanya tollywood entry

0
20


ప్రధానాంశాలు:

  • మెగా కాంపౌండ్ నుంచి హీరోల పరిచయం
  • భర్త చైతన్య ఎంట్రీపై నిహారిక రియాక్షన్
  • సినిమాలంటే ఇష్టమేనంటూ ఓపెన్

సినీ ఇండస్ట్రీలో వారసుల ఎంట్రీ అనేది ఎప్పటినుంచో జరుగుతున్న తంతు. ఎంతోమంది స్టార్ హీరోలు, దర్శకనిర్మాతల వారసులు సినీ గడప తొక్కి సక్సెస్ అయ్యారు. అయితే ఆ సక్సెస్ వెనుక కేవలం సినీ బ్యాక్‌గ్రౌండ్ మాత్రమే కాదు వారి కష్టం, టాలెంట్ అన్నీ ఉన్నాయి. ముఖ్యంగా మెగా కాంపౌండ్ నుంచి ఎంట్రీ ఇచ్చిన రామ్ చరణ్, అల్లు అర్జున్, వరుణ్ తేజ్, సాయి ధరమ్ తేజ్‌లు స్టార్ హీరోలయ్యారు. చిరంజీవి అల్లుడు కళ్యాణ్ దేవ్ కూడా సినీ రంగప్రవేశం చేసి టాలెంట్ ప్రూవ్ చేసుకునే పనిలో ఉన్నారు. ఇక రీసెంట్‌గా ‘ఉప్పెన’తో ఎంట్రీ ఇచ్చిన వైష్ణవ్ తేజ్ కూడా నటనా పరంగా భేష్ అనిపించుకున్నారు.

ఇదంతా ఒకెత్తయితే రీసెంట్‌గా నాగబాబు అల్లుడిగా మెగా ఇంట అడుగుపెట్టిన జొన్నలగడ్డ చైతన్య కూడా సినీ ఎంట్రీ ఇవ్వబోతున్నారని వార్తలు వస్తున్నాయి. ఆయన సినీ ఎంట్రీ కోసం చాలా జాగ్రత్తలు తీసుకుంటున్నారని, సరైన కథ దొరికితే కెమెరా ముందుకు రావడానికి చైతన్య సిద్ధంగా ఉన్నారనే వార్తలు చూశాం. ఈ నేపథ్యంలో తాజాగా తన భర్త సినీ ఎంట్రీ గురించి స్పందిస్తూ ఓపెన్ అయింది నిహారిక.

”చైతన్యకు సినిమాలంటే చాలా ఇష్టం కానీ.. ఆ ఇష్టం కేవలం మూవీస్ చూడటం వరకే. ఆయన సినిమాల్లో నటించబోతున్నట్లు వస్తున్న వార్తలు నిజం కాదు. సినిమాలు చూడటానికి ఇష్టపడతాడు కానీ కెమెరా ముందుకు రావాలని ఎంతమాత్రం అనుకోవడం లేదు” అని పేర్కొంటూ చైతన్య సినీ ఎంట్రీ గురించి క్లారిటీగా చెప్పి ఆ వార్తలకు ఫుల్‌స్టాప్ పెట్టేసింది నిహారిక.

గుంటూరు రేంజ్ ఐజీ ప్రభాకర్ రావు కుమారుడైన జొన్నలగడ్డ చైతన్య.. ఇండియన్ స్కూల్ బిజినెస్‌లో ఎంబీఏ పూర్తిచేసి ప్రస్తుతం హైదరాబాద్ లోని ఓ ఎంఎన్‌సి కంపెనీలో ఉన్నత ఉద్యోగం చేస్తున్నారు. మెగా ఫ్యామిలీతో ఈ కుటుంబానికి ఎప్పటి నుంచో పరిచయం ఉందట. ఆ పరిచయంతోనే ఇరు కుటుంబీకులు చైతన్య- నిహారికలకు ఒక్కటి చేశారట.
ఆమె టెర్రర్.. ఎవ్వర్నీ బ్రతకనివ్వదు.. వరలక్ష్మి శరత్ కుమార్‌పై అల్లరి నరేష్ కామెంట్స్
ఇక నిహారిక కెరీర్ విషయానికొస్తే.. వెండితెరపై హీరోయిన్‌గా స్టార్ స్టేటస్ పట్టేయకపోయినా నటనలో మాత్రం మంచి మార్కులు కొట్టేసింది. ”ముద్దపప్పు అవకాయ్‌‌, నాన్నకూచి” లాంటి ‌వెబ్‌ సిరీస్‌లలో నటించడమే గాక నిర్మించింది కూడా. పెళ్లి తర్వాత కూడా రీసెంట్‌గా మరో వెబ్ సిరీస్ స్టార్ట్ చేసింది నిహారిక. ఫాంటసీ డ్రామాగా తెరకెక్కనున్న ఈ వెబ్‌సిరీస్‌‌లో నిహారికతో పాటు యాంకర్ అనసూయ భాగమవుతోంది. కీరవాణి సోదరుడు కల్యాణ్‌ మాలిక్‌ సంగీతం అందిస్తున్నారు.

LEAVE A REPLY

Please enter your comment!
Please enter your name here