new york comedian tip: వెయిటర్‌కు రూ.9.45 లక్షల టిప్ ఇచ్చిన కమేడియన్, కానీ చిన్న ట్విస్ట్! – new york comedian schall gives local waitress a 13 thousend dollars

0
18


రెస్టారెంట్‌కు వెళ్లేటప్పుడు అక్కడ ఆహారం సర్వ్ చేసిన వారికి ఎంతో కొంత టిప్ ఇవ్వడం సాధారణం. గతంలో తమకు నచ్చిన వెయిటర్లకు కొందరు కస్టమర్లు భారీగా టిప్ ఇచ్చిన ఘటనలు వార్తల్లో నిలిచిన విషయం తెలుసు. తాజాగా, ఓ మహిళా కమేడియన్ తనకు సర్వ్ చేసిన వెయిటర్‌కు ఏకంగా 13 వేల డాలర్లు (దాదాపు రూ. 9.42 లక్షలు) టిప్‌గా ఇచ్చి ఆశ్చర్యానికి గురిచేసిన ఘటన అమెరికాలోని న్యూయార్క్‌లో జరిగింది. అయితే, ఇదంతా ఆమె సొంత డబ్బు అనుకుంటే పొరపాటే.. ఇక్కడ ఓ ట్విస్ట్ ఉంది.

న్యూయార్క్‌లోని కొలంబస్ ఎవెన్యూ వద్ద లిల్లీస్ కాక్‌టైల్ వైన్ బార్ అండ్ రెస్టారెంట్‌లో ఉల్యానా హ్రుచాక్ అనే యువతి వెయిట్రెస్‌గా పని చేస్తోంది. రాబిన్ స్కాల్ అనే కమేడియన్ తరుచూ ఆ రెస్టారెంట్‌కు వస్తుంటారు. హ్రూచాక్ పనితీరు నచ్చడంతో ఆమె పట్ల స్కాల్‌కు అభిమానం ఏర్పడి ఆమెకేదైనా సాయం చేయాలని భావించారు. దీంతో తన ఇన్‌స్టాగ్రామ్‌లో 1.41 లక్షల మందికి పైగా ఫాలోవర్లు ఉండగా, వారందరికీ ఆమె గురించి చెప్పారు. ఎంతో కొంత సాయం చేయాలని, తాను ఆమెకు డబ్బులు ఇచ్చి సాయపడతానని కోరారు.

తొలుత ఈ పోస్ట్ పెట్టే సమయంలో ఓ 1000 డాలర్ల నిధిని సేకరించి, ఆమెకు ఇచ్చినా తనకు సంతోషమేనని రాబిన్ భావించారు. అయితే, నిమిషాల వ్యవధిలోనే 13 వేల డాలర్లు విరాళంగా రావడంతో ఆ డబ్బును తీసుకుని రెస్టారెంట్‌కు వెళ్లి హ్రూచాక్‌కు టిప్‌ కింద అందజేశారు. తొలుత దీనిని ఆమె నమ్మకలేకపోయినా ఆపై విషయం తెలుసుకుని స్కాల్ చేసిన సాయానికి ధన్యవాదాలు తెలిపింది. ఆమె ఇన్‌స్టా ఫాలోవర్లకు కూడా కృతజ్ఞతలు తెలిపింది. ఇప్పటికీ ఇది తనకు కలలా అనిపిస్తోందని, నా జీవితంలో మరచిపోలేని సంఘటన అని వ్యాఖ్యానించింది.

కరోనా మహమ్మారి సమయంలో ఆదుకోడానికి విరాళాలు ఇచ్చిన తర్వాత ప్రేమను పంచాలనుకుంటున్నానని స్క్రాల్ అన్నారు. ‘ప్రతిఒక్కరూ ఇప్పుడే కష్టపడుతున్నారు.. ప్రజలు ఏదైనా మంచి చేయాలనుకుంటున్నారు.. ఇంత పెద్ద స్పందనను నేను ఊహించలేదు.. వారి ప్రేమలో మునిగిపోయాను’ అని పేర్కొన్నారు.

LEAVE A REPLY

Please enter your comment!
Please enter your name here