new york assembly: కశ్మీర్ అంశంపై న్యూయార్క్ అసెంబ్లీ సంచలన తీర్మానం.. భారత్ తీవ్ర ఆగ్రహం – new york state assembly passes resolution on kashmir, india sharply react

0
24


ప్రధానాంశాలు:

  • కశ్మీర్ అంశంపై న్యూయార్క్ అసెంబ్లీ తీర్మానం.
  • తమ అంతర్గత వ్యవహారంలో జోక్యం తగదన్న భారత్.
  • అమెరికా తరహా ప్రజాస్వామ్యం భారత్‌లో ఉందని చురకలు.

కశ్మీర్ అంశం తమ అంతర్గత వ్యవహారమని, ఇందులో ఇతరుల జోక్యాన్ని సహించబోమని భారత్ పదే పదే అంతర్జాతీయ సమాజానికి స్పష్టం చేస్తోంది. తాజాగా, న్యూయార్క్ రాష్ట్ర అసెంబ్లీ చేసిన తీర్మానం వివాదాస్పదమవుతోంది. ఫిబ్రవరి 5న ‘కశ్మీర్‌ అమెరికన్‌ డే’గా ప్రకటించాలంటూ తీర్మానం చేసింది. న్యూయార్క్‌ అసెంబ్లీ సభ్యుడు నాదర్‌ సయేగ్‌ మరో 12 మందితో కలిసి ఈ తీర్మానాన్ని ప్రవేశపెట్టారు.

‘కశ్మీర్‌ సమాజం ప్రతికూలతలను అధిగమించింది. పట్టుదలతో ఉంది. న్యూయార్క్‌ వలసవాదులందరిలో ఓ ప్రత్యేక స్థానాన్ని సంపాదించించుకుంది. కశ్మీరీల మత, భావ వ్యక్తీకరణ స్వేచ్ఛ తదితర మానవహక్కులను కల్పించడానికి న్యూయార్క్‌ ప్రయత్నిస్తుంది’అని తీర్మానంలో పేర్కొన్నారు. దీనిని గవర్నర్ ఆండ్రూ క్యుమో ఆమోదించారు. ఈ తీర్మానంపై భారత్ తీవ్రంగానే స్పందించింది.

అమెరికా మాదిరిగా భారత్‌ కూడా అతిపెద్ద ప్రజాస్వామ్య దేశం, భిన్నమైన సంస్కృతికి నిదర్శనం.. అందులో జమ్మూ-కశ్మీర్‌ ఓ భాగమే.. ఇది 135 కోట్ల మంది భారతీయులకు ఎంతో గర్వకారణం అంటూ వాషింగ్టన్‌లోని భారత రాయబార కార్యాలయం ప్రతినిధి వ్యాఖ్యానించారు.

ఇది తమ అంతర్గత వ్యవహారమని, ఇందులో జోక్యం చేసుకోవడం సరికాదని హితవు పలికారు. జమ్మూ-కశ్మీర్‌ గొప్ప సంస్కృతిని, సామాజిక స్థితిని తప్పుగా చూపించేందుకు.. ప్రజలను విడదీసేందుకు స్వార్థ ప్రయోజనాలతో చేసిన ప్రయత్నంగా దీనిని అభివర్ణించారు. న్యూయార్క్‌ అసెంబ్లీ సభ్యులను కలిసి భారత్‌-అమెరికా సత్సంబంధాలపై చర్చిస్తామన్నారు.

ఫిబ్రవరి 3న న్యూయార్క్ రాష్ట్ర అసెంబ్లీ ఈ తీర్మానం చేసింది. దీనిపై న్యూయార్క్‌లోని పాకిస్థాన్ కాన్సులేట్ జనరల్ ట్విట్టర్‌లో స్పందిస్తూ.. ఈ తీర్మానాన్ని ఆమోదించడానికి సయోగ్, ది అమెరికన్ పాకిస్థాన్ అడ్వకేసీ గ్రూప్ పాత్రను అంగీకరించారు. ఇదిలా ఉండగా, 2019 ఆగస్టు 5న జమ్మూ కశ్మీర్‌కు ప్రత్యేక హోదా కల్పించే రాజ్యాంగంలోని ఆర్టికల్ 370ను రద్దుచేసిన తర్వాత దీనిపై అంతర్జాతీయ మద్దతు కోసం దాయాది పాకిస్థాన్ చేయని ప్రయత్నం లేదు. అయితే, భారత్ మాత్రం ఇది తమ అంతర్గత వ్యవహారమని భారత్ తేల్చిచెప్పింది.

LEAVE A REPLY

Please enter your comment!
Please enter your name here