new coronavirus: కొత్త వైరస్‌తో ప్రమాదం ఉంది.. మరణాలు ఎక్కువే! – new covid-19 virus strain can cause more deaths with same level of severity, warns k srinath reddy

0
60


కొత్త రకం కరోనా వైరస్‌ వల్ల ప్రమాదం ఎక్కువేనని పబ్లిక్‌ హెల్త్‌ ఫౌండేషన్‌ ఇండియా అధ్యక్షుడు ప్రొఫెసర్ కె. శ్రీనాథ్‌ రెడ్డి పేర్కొన్నారు. మ్యుటేషన్ (మార్పు చెందిన) వైరస్ వల్ల మరణాల సంఖ్య పెరిగే ప్రమాదం ఉందని హెచ్చరించారు. దీంతో పాటు టీనేజ్‌ పిల్లలు, యువతపై కొత్త వైరస్‌ ప్రభావం అధికంగా ఉండే అవకాశం ఉందని తెలిపారు.

‘కొత్త వైరస్ వల్ల తీవ్రమైన లక్షణాలేవీ లేవు. పాత వైరస్ వల్ల ఎలాంటి నష్టం జరిగిందో.. అలాంటి ప్రభావమే ఉంది. అయితే.. కొత్త వైరస్, పాత దానికంటే 60 నుంచి 70 శాతం ఎక్కువ వేగంతో వ్యాపిస్తోంది. ఆ మేరకు ప్రభావానికి గురయ్యే వారి సంఖ్య పెరిగి, మృతుల సంఖ్య పెరిగే ప్రమాదం ఉంది’ అని శ్రీనాథ్ రెడ్డి వివరించారు.

మొదటి రకం కరోనా వైరస్ ఆరోగ్యంగా ఉన్న యువతపై అంతగా ప్రభావం చూపించలేదు. కానీ, కొత్త రకం వైరస్ ఎక్కువ ప్రభావం చూపించే ప్రమాదం ఉందని శ్రీనాథ్ రెడ్డి చెబుతున్నారు. మానవ శరీర కణాల్లోకి ఇది వేగంగా చొచ్చుకుపోయి పెద్ద సంఖ్యలో పునరుత్పత్తిని పెంచుకునేందుకు వీలుగా మ్యుటేటెడ్ కరోనా వైరస్ రూపాంతరం చెందిందని ఆయన చెప్పారు.

రూపాంతరం చెందిన కరోనా వైరస్‌లోనూ చాలా రకాలు ఉన్నాయని శ్రీనాథ్ రెడ్డి తెలిపారు. ముఖ్యంగా 17 రకాలుగా మ్యుటేషన్ చెందిందని చెప్పారు. తూర్పు ఇంగ్లండ్, దక్షిణ ఇంగ్లండ్‌ ప్రాంతాల్లో వెలుగులోకి వచ్చిన వైరస్.. ప్రకంపనలు సృష్టిస్తోందని తెలిపారు. యూకే నుంచి ఇప్పటికే ఈ వైరస్ చాలా దేశాలకు వ్యాప్తి చెందింది. భారత్‌లోనూ బుధవారం (డిసెంబర్ 30) నాటికి 20 కేసులు నమోదయ్యాయి.

కొత్త వైరస్ కోసం ప్రత్యేకంగా తీసుకోవాల్సిన జాగ్రత్తలేవీ లేవని.. ఇప్పటివరకు పాటిస్తున్న నియమాలు, అన్ని రకాల జాగ్రత్తలు తీసుకుంటే సరిపోతుందని శ్రీనాథ్‌ రెడ్డి సూచించారు. ‘ఆల్‌ ఇండియా ఇన్‌స్టిట్యూట్‌ ఆఫ్‌ మెడికల్‌ సైన్సెస్‌’ అధిపతిగా ఉన్న శ్రీనాథ్‌ రెడ్డి.. హార్వర్డ్‌ యూనివర్శిటీ ఎపిడిమాలోజీ విభాగంలో అసిస్టెంట్‌ ప్రొఫెసర్‌గానూ పని చేస్తున్నారు.

LEAVE A REPLY

Please enter your comment!
Please enter your name here