netaji subhas chandra bose birthday: నేతాజీకి సమున్నత గౌరవం.. ఇకపై ఏటా పరాక్రమ్ దివస్ – netaji subhas chandra bose birthday to be celebrated as parakram diwas as 125 birth anniversary on 23 jan 2021

0
44


జాద్ హింద్ ఫౌజ్‌‌తో బ్రిటిషర్లపై యుద్ధం ప్రకటించి భారత స్వాతంత్య్ర సంగ్రామాన్ని మరో మలుపు తిప్పిన నేతాజీ సుభాష్ చంద్రబోస్‌కు కేంద్ర ప్రభుత్వం అరుదైన గౌరవం కల్పించింది. ఆయన పుట్టినరోజైన జనవరి 23ను ఇక నుంచి ‘పరాక్రమ్ దివస్’ (Parakram Diwas)గా జ‌ర‌పాల‌ని నిర్ణయించింది. ఈ ఏడాది జనవరి 23న నేతాజీ 125వ జ‌యంతిని పురస్కరించుకొని భారత ప్రభుత్వం ఈ నిర్ణయం తీసుకుంది. నేతాజీ జయంతిని ఏటా పరాక్రమ్ దివస్‌గా నిర్వహించాలని కేంద్ర సాంస్కృతిక శాఖ మంగళవారం (జనవరి 19) అధికారిక ఉత్తర్వులు జారీ చేసింది.

ఈ ఏడాది నేతాజీ జయంతి ఉత్సవాలను ఘ‌నంగా నిర్వహించడానికి కేంద్రం ఏర్పాట్లు చేసింది. ప్రజ‌లంద‌రూ ఈ వేడుక‌ల్లో పాల్పంచుకోవాలని ప్రధాని న‌రేంద్ర మోదీ పిలుపునిచ్చారు. జనవరి 23న పశ్చిమ బెంగాల్ పర్యటనకు వెళ్లనున్న మోదీ.. అక్కడ నేతాజీకి ఘనంగా నివాళులు అర్పించనున్నారు.

Netaji

నేతాజీ సుభాష్ చంద్రబోస్

నేతాజీగా గుర్తింపు పొందిన సుభాష్ చంద్రబోస్ 1897 జ‌న‌వ‌రి 23న ఒడిశాలోని క‌ట‌క్‌లో జ‌న్మించారు. భార‌త స్వాతంత్య్రోద్యమంలో ఆయన పాత్ర ప్రత్యేకమైనది. ఆజాద్ హింద్ ఫౌజ్‌ సంస్థను స్థాపించి ఆర్మీని ఏర్పాటు చేశారు. రష్యా, జపాన్ తదితర దేశాల సాయంతో బ్రిటిషర్లను ఓడించడానికి ప్రయత్నాలు చేశారు. కానీ, అనూహ్య రీతిలో ఆ కల నెరవేరకుండానే కన్నుమూశారు. 1945 ఆగ‌స్ట్ 18న తైపీలో జ‌రిగిన విమాన ప్రమాదంలో సుభాష్ చంద్రబోస్ మ‌ర‌ణించినట్లు భావిస్తున్నారు. ఆయ‌న మ‌ర‌ణంపై నేటికీ వివాదం కొన‌సాగుతూనే ఉంది.

LEAVE A REPLY

Please enter your comment!
Please enter your name here