natyam teaser: ఎన్టీఆర్ విడుదల చేసిన ‘నాట్యం’ టీజర్.. వారిది పెద్ద మనసు అన్న యంగ్ టైగర్ – jr ntr unveils kuchipudi dancer sandhya raju debute movie natyam teaser

0
22


ప్రధానాంశాలు:

  • క్లాసికల్ డ్యాన్స్ నేపథ్యంలో రూపొందిన ‘నాట్యం’
  • నటిగా పరిచయం అవుతోన్న సంధ్యా రాజు
  • ఎన్టీఆర్ చేతుల మీదుగా టీజర్ విడుదల

ప్రముఖ కూచిపూడి నృత్యకారిణి సంధ్యా రాజు వెండితెరకు పరిచయం అవుతోన్న చిత్రం ‘నాట్యం’. ఈ చిత్రం ద్వారా రేవంత్ కోరుకొండ దర్శకుడిగా పరిచయం అవుతున్నారు. ఈ సినిమా టీజర్‌ను బుధవారం యంగ్ టైగర్ ఎన్టీఆర్ విడుదల చేశారు. హైదరాబాద్‌లోని సంధ్యా రాజు కార్యాలయానికి వెళ్లిన జూనియర్ ఎన్టీఆర్.. అక్కడ నటరాజ స్వామి వద్ద జ్యోతి ప్రజ్వలన చేసి అనంతరం టీజర్‌ను విడుదల చేశారు. టీజర్ అద్భుతంగా ఉందని ఎన్టీఆర్ కొనియాడారు.

ఈ సందర్భంగా ఎన్టీఆర్ మాట్లాడుతూ.. ‘‘తెలుగు ప్రేక్షకుల మనసులు చాలా పెద్దవి. పెద్ద సినిమాలు, చిన్న సినిమాలు అనే వ్యత్యాసం వాళ్లు చూపించరు. వాళ్లకు సినిమా నచ్చితే చాలు కొత్త వాళ్లను కూడా ప్రోత్సహిస్తారు, ఆశీర్వదిస్తారు’’ అని అన్నారు.

‘నాట్యం’ టీజర్‌ను విడుదల చేసిన ఎన్టీఆర్

కాగా, శాస్త్రీయ నృత్యం నేపథ్యంలో ఈ సినిమాను రూపొందించారు. ఇప్పటి వరకు వేదికలపై నృత్య ప్రదర్శనలు ఇచ్చిన సంధ్యా రాజు.. తొలిసారి వెండితెరపై ప్రదర్శన ఇవ్వబోతున్నారు. నటిగా అలరించబోతున్నారు. నిజానికి ఈ సినిమా గురించి ఎవరికీ తెలియకపోయినా ఎన్టీఆర్ టీజర్ లాంచ్ చేయడంతో గుర్తింపు వచ్చింది. అయితే, ఎన్టీఆర్ చెప్పినట్టే టీజర్ చాలా బాగుంది. ముఖ్యంగా విజువల్స్ అద్భుతంగా ఉన్నాయి. హంపిలో చిత్రీకరించిన నృత్య దృశ్యాలు, కూచిపూడి నృత్యం, ప్రొడక్షన్ డిజైన్, సెట్స్, కాస్ట్యూమ్స్.. ఇలా ప్రతి ఒక్కటీ ప్రేక్షకులను అలరించేలా ఉన్నాయి.

కొత్త దర్శకుడు రేవంత్ కోరుకొండ ఒక బలమైన సబ్జెక్ట్‌తో టాలీవుడ్‌లోకి అడుగుపెడుతున్నట్టు టీజర్ చూస్తుంటే అర్థమవుతోంది. ఈ సినిమాకు ఆయన కథ, దర్శకత్వం మాత్రమే అందించలేదు.. ఆయనే కెమెరామెన్, ఎడిటర్ కూడా. ఇన్ని బాధ్యతలు నెత్తిమీద వేసుకున్నా అన్నిటికీ ఆయన న్యాయం చేశారని టీజర్ చెబుతోంది. మరి రేపు వెండితెరపై పూర్తి సినిమా ద్వారా ఎలా అలరిస్తారో చూడాలి.

Namrata Shirodkar: మహేష్‌‌ని కిస్ చేస్తూ రొమాంటిక్ పిక్ షేర్ చేసిన నమ్రత.. పెళ్లి రోజు సూపర్బ్ ట్రీట్
ఇక కూచిపూడి డాన్సర్ సంధ్యా రాజు తన గ్రేస్‌ఫుల్ డాన్స్, స్క్రీన్ ప్రజెన్స్‌తో కట్టిపడేశారు. తొలి సినిమానే అయినా సీనియర్ నటిలా ప్రతి సన్నివేశంలో కనిపించారు. ఆమెకు నటిగా ఇది తొలి సినిమానే అయినా టాలీవుడ్ ఆమెకు కొత్తేమీ కాదు. తెర వెనుక కాస్ట్యూమ్ డిజైనర్‌గా, ప్రొడక్షన్ డిజైనర్‌గా, కొరియోగ్రాఫర్‌గా పనిచేశారు.

కాగా, ఈ సినిమాలో కమల్ కామరాజ్, రోహిత్ బెహల్, ఆదిత్య మీనన్, భానుప్రియ, సుభలేఖ సుధాకర్, రుక్మిణీ విజయకుమార్, బేబీ దీవెన ముఖ్య పాత్రలు పోషించారు. శ్రావణ్ భరద్వాజ్ సంగీతం సమకూర్చిన ఈ చిత్రానికి కరుణాకర్ అడిగర్ల సాహిత్యం అందించారు. నిశ్రింకళ ఫిలింస్ ఈ చిత్రాన్ని నిర్మించింది. శ్రీ వెంకటేశ్వర ఫిలింస్ బ్యానర్‌పై దిల్ రాజు ఈ చిత్రాన్ని విడుదల చేస్తున్నారు.

‘నాట్యం’ టీజర్‌: హీరోయిన్‌గా ప్రముఖ కూచిపూడి డాన్సర్

LEAVE A REPLY

Please enter your comment!
Please enter your name here