Nandamuri Kalyan Ram: క‌ళ్యాణ్ రామ్‌తో మైత్రీ సంస్థ సినిమా.. కొత్త దర్శకుడిని పరిచయం చేస్తోన్న నందమూరి హీరో – nandamuri kalyan ram new movie under mythri movie makers launched

0
31


ప్రధానాంశాలు:

  • కళ్యాణ్ రామ్ హీరోగా నటిస్తోన్న 19వ చిత్రం
  • దర్శకుడిగా పరిచయం అవుతోన్న రాజేంద్ర
  • మార్చి రెండో వారం నుంచి రెగ్యులర్ షూటింగ్

నంద‌మూరి క‌ళ్యాణ్ రామ్ క‌థానాయ‌కుడిగా ప్రముఖ నిర్మాణ సంస్థ మైత్రీ మూవీ మేక‌ర్స్ బ్యాన‌ర్‌పై కొత్త చిత్రం సోమ‌వారం హైద‌రాబాద్‌లో లాంఛ‌నంగా ప్రారంభ‌మైంది. కళ్యాణ్ రామ్ హీరోగా నటిస్తోన్న 19వ చిత్రమిది. మైత్రీ మూవీ మేకర్స్ బ్యానర్ ప్రొడక్షన్ నెం.14గా రూపొందుతున్న ఈ చిత్రం ద్వారా రాజేంద్ర ద‌ర్శకుడిగా ప‌రిచ‌యం అవుతున్నారు. నవీన్ యెర్నేని, వై.రవిశంకర్ నిర్మాతలు. సంస్థ కార్యాలయంలో పూజా కార్యక్రమాలతో ఈ సినిమాను ప్రారంభించారు.
ముహూర్తపు సన్నివేశానికి ‘ఉప్పెన’ దర్శకుడు బుచ్చిబాబు సానా క్లాప్ కొట్టారు. ద‌ర్శకులు భ‌ర‌త్ క‌మ్మ, రాధాకృష్ణ కెమెరా స్విచ్ ఆన్ చేశారు. హీరో క‌ళ్యాణ్ రామ్‌, నిర్మాత న‌వీన్ యెర్నేని, సీఈఓ చెర్రీ.. చిత్ర ద‌ర్శకుడు రాజేంద్రకు స్క్రిప్ట్‌ను అందించారు. మార్చి రెండో వారం నుంచి రెగ్యుల‌ర్ షూటింగ్ ప్రారంభం అవుతుంది. సినిమాలో హీరోయిన్ స‌హా ఇత‌ర న‌టీన‌టులు, సాంకేతిక నిపుణుల వివ‌రాల‌ను త్వర‌లోనే తెలియ‌జేస్తామ‌ని చిత్ర యూనిట్ వెల్లడించింది. ఈ సినిమాకు రాజేంద్ర దర్శకత్వం వహిస్తుండటంతో పాటు కథ, స్క్రీన్‌ప్లేను కూడా ఆయనే అందించారు.

కలెక్షన్ల ‘ఉప్పెన’: మూడు రోజుల్లో ఊడ్చేసిన మెగా మేనల్లుడు.. స్టార్ హీరోల సరసన వైష్ణవ్ తేజ్
నందమూరి కళ్యాణ్ రామ్ కొత్త దర్శకులను పరిచయం చేయడం కొత్తేమీ కాదు. ఆయన పరిచయం చేసిన డైరెక్టర్లలో చాలా మంది ప్రస్తుతం టాలీవుడ్‌లో స్టార్ డైరెక్టర్లుగా కొనసాగుతున్నారు. ‘అతనొక్కడే’ చిత్రంతో సురేందర్ రెడ్డిని డైరెక్టర్‌గా పరిచయం చేసిన కళ్యాణ్ రామ్.. ‘పటాస్’తో అనిల్ రావిపూడిని, ‘ఎంఎల్ఏ’తో ఉపేంద్ర మాధవ్‌ను, ‘118’తో కేవీ గుహన్‌ను దర్శకులుగా పరిచయం చేశారు. కొత్త దర్శకులతో కళ్యాణ్ రామ్ చేసిన సినిమాలన్నీ హిట్ అయ్యాయి. ఇప్పుడు మరో కొత్త దర్శకుడితో మైత్రీ మూవీ మేకర్స్ లాంటి భారీ బ్యానర్‌లో కళ్యాణ్ రామ్ చేస్తున్న సినిమా ఇది.

వాడు ప్రేమకోసం చచ్చాడు.. నేనా టైపు కాదు: ప్రభాస్ క్లారిటి
కాగా, నందమూరి కళ్యాణ్ రామ్ ఒక వైపు హీరోగా, మరోవైపు నిర్మాతగా రాణిస్తున్నారు. హారిక అండ్ హాసిని క్రియేషన్స్ బ్యానర్‌తో కలిసి తన యన్.టి.ఆర్. ఆర్ట్స్ బ్యానర్‌పై తమ్ముడు ఎన్టీఆర్‌ హీరోగా సినిమాను నిర్మించబోతున్నారు కళ్యాణ్ రామ్. మరోవైపు మైత్రీ మూవీస్ బ్యానర్‌లో తాను హీరోగా సినిమా చేస్తున్నారు. గతేడాది ‘ఎంత మంచివాడవురా’ సినిమాతో కళ్యాణ్ రామ్ ప్రేక్షకుల ముందుకు వచ్చారు. సతీష్ వేగేశ్న దర్శకత్వంలో వచ్చిన ఈ సినిమా డిజాస్టర్ అయ్యింది.

LEAVE A REPLY

Please enter your comment!
Please enter your name here